جۇما, 3 اقپان 2012 7:52
مىسىرداعى پورت-سايد قالاسىندا ورىن العان تارتىپسىزدىكتەردىڭ سالدارى وتە اۋىر بولىپ وتىر. بۇل باسسىزدىق ارەكەتتەردى ءتىپتى قاسىرەتكە اپارعان قادام دەۋگە دە بولاتىنداي. 74 ادامنىڭ قازا تابۋى, 1 مىڭداي ادامنىڭ جارالانۋى وسىلاي دەۋگە ماجبۇرلەيدى.وقيعا بىلاي بولعان. ەگيپەتتىڭ پورت-سايد قالاسىندا جەرگىلىكتى «ءال-ماسري» جانە كايردىڭ «ءال-احلي» كوماندالارىنىڭ اراسىندا ەل چەمپيوناتىنىڭ كەزەكتى تۋرىنا وراي كەزدەسۋ ءوتىپ جاتادى. 3:1 ەسەبىمەن جەرگىلىكتى كوماندا جەڭۋ ۇستىندە ەكەن. ءبىر كەزدە ولاردىڭ فاناتتارى الاڭعا جۇگىرىپ شىعىپ, كايرلىق كلۋبتىڭ ويىنشىلارىنا تارپا باس سالادى.
جۇما, 3 اقپان 2012 7:52
مىسىرداعى پورت-سايد قالاسىندا ورىن العان تارتىپسىزدىكتەردىڭ سالدارى وتە اۋىر بولىپ وتىر. بۇل باسسىزدىق ارەكەتتەردى ءتىپتى قاسىرەتكە اپارعان قادام دەۋگە دە بولاتىنداي. 74 ادامنىڭ قازا تابۋى, 1 مىڭداي ادامنىڭ جارالانۋى وسىلاي دەۋگە ماجبۇرلەيدى.وقيعا بىلاي بولعان. ەگيپەتتىڭ پورت-سايد قالاسىندا جەرگىلىكتى «ءال-ماسري» جانە كايردىڭ «ءال-احلي» كوماندالارىنىڭ اراسىندا ەل چەمپيوناتىنىڭ كەزەكتى تۋرىنا وراي كەزدەسۋ ءوتىپ جاتادى. 3:1 ەسەبىمەن جەرگىلىكتى كوماندا جەڭۋ ۇستىندە ەكەن. ءبىر كەزدە ولاردىڭ فاناتتارى الاڭعا جۇگىرىپ شىعىپ, كايرلىق كلۋبتىڭ ويىنشىلارىنا تارپا باس سالادى.
بۇعان ەل استاناسى جانكۇيەرلەرىنىڭ جەرگىلىكتى كوماندا مەن فاناتتارىن قورلاپ, ءتىل تيگىزەتىن سوزدەر جازىلعان باننەرلەردى جايىپ سالۋى سەبەپ بولعان سىڭايلى. ستاديوننىڭ قاۋىپسىزدىك قىزمەتىنە فاناتتار بوي بەرمەي كەتكەن. كەيبىر مالىمەتتەر پوليتسيانىڭ ستاديوننان ادەيى شىعارىپ جىبەرىلگەنىن ايتادى.ءسويتىپ, جاپپاي توبەلەس سۋىق قارۋ قولدانۋعا ۇلاسادى. سونىڭ سالدارىنان سوڭعى دەرەك بويىنشا 74 ادام كوز جۇمعان. ستاديونداعى ءتارتىپسىزدىكتەردەن كەيىن قالاعا اسكەري ءبولىمدەر ەنگىزىلىپتى. جانكۇيەرلەر مەن ولاردىڭ تۋىسقاندارى ستاديونداعى وقيعاعا بيلىكتى كىنالاپ وتىر. جاپپاي توبەلەسكە بيلىك ارانداتتى. ويتكەنى, جانكۇيەرلەر مىسىرلىق توڭكەرىلىسشىلەر اراسىندا ۇلكەن قۇرمەتكە يە. سوندىقتان بيلىك كايرلىق جانكۇيەرلەردى كىنالى ەتىپ كورسەتكىسى كەلدى, دەيدى ولار.سوڭعى مالىمەت بويىنشا, وقيعاعا بايلانىستى 47 ادام تۇتقىنعا الىنعان. بۇل جونىندە ەلدىڭ سىرتقى ىستەر ءمينيسترى مالىمدەگەن. ونىڭ ايتۋىنشا, كىنالىلەردى ىزدەستىرۋ جالعاستىرىلۋدا.ال كەشە كاير كوشەلەرىنە ورىن العان وقيعاعا نارازىلىق ءبىلدىرىپ, مىڭداعان ادام شىقتى. اكتسياعا قاتىسۋشىلار ءنىل وزەنىنىڭ جاعالاۋىنا توسقاۋىل قويىپ, بىرقاتار اۆتوجولداردى جاۋىپ تاستادى. قالانىڭ باسقا اۋداندارىندا دا كوشەگە شىققاندار بار. ولار ۋاقىتشا مەملەكەت باسشىسى – مىسىر قارۋلى كۇشتەرى جوعارى كەڭەسىنىڭ توراعاسى مارشال حۋسەين ءتانتاۋيدى جاۋاپقا تارتۋدى, ءتىپتى ءولىم جازاسىنا دەيىن كەسۋدى تالاپ ەتۋدە.وسىنداي ەلدى ەلەڭ ەتكىزگەن وقىس وقيعالار اۋىزبىرلىگى جوق, بەرەكەسى كەتكەن ەلدە ورىن السا كەرەك.