1 ناۋرىزدا Rixos Almaty-دا CFO Idea Exchange & Networking Event 2019 توپ-مەنەدجەرلەرى مەن باسقارۋشىلارىنىڭ جىل سايىنعى ءسامميتى باستالدى.
سامميت – قازاقستاننىڭ قارجى نارىعىنىڭ وزەكتى ماسەلەلەرىن تالداۋ جانە شەشۋ ءۇشىن پىكىر الماسۋعا ارنالعان ديالوگ الاڭى. پانەلدىك پىكىرتالاستا جىل سايىن بەلگىلى ساياساتكەرلەر, الەمدىك دەڭگەيدەگى قوعام قايراتكەرلەرى, حالىقارالىق قارجى ۇيىمدارىنىڭ جانە بيزنەس-ەليت وكىلدەرى ءسوز سويلەدى.
ءسامميتتىڭ پلەنارلى سەسسياسىندا ءسوز العان Vlsor Capital كومپانياسى باسقارۋشى ديرەكتورى الماس چۋكين قىتاي حالىق رەسپۋبليكاسى ەكونوميكالىق ءوسىمىن پايدالانۋ قازاقستان ءۇشىن ۇلكەن مۇمكىندىك ەكەنىن تىلگە تيەك ەتىپ ءوتتى. وعان كورشىمىزبەن اراداعى ينفراقۇرىلىمدىق جوبالاردىڭ ءوزى قولايلى جاعدايدى قالىپتاستىرىپ وتىر ەكەن. «ەكونوميكالىق ىقپالداستىقتىڭ ءبىز ءۇشىن ءتيىمدى تۇستارى جەتەرلىك. جول سالدىق. ەندى ەكى ەلدى بايلانىستىراتىن تەمىرجول كەرەك. بۇل جوبانى دا قارجىلاندىرۋعا قىتاي جاعى دايىن وتىر», - دەيدى الماس چۋكين.
الماس چۋكين قىتايمەن سوڭعى 5 جىلداعى الىس-بەرىستە ءبىز ءۇشىن ەڭ ءتيىمدىسى
«Belt and Road Initiative» جوباسى ەكەنىن ايتىپ ءوتتى. بۇل جوبا بويىنشا 10 مىڭ تاۋار تاسيتىن پويىز 48 قالاسىن, ەۋروپانىڭ 42 قالاسىن, الەمدىك دەڭگەيدەگى الەمنىڭ 200 مەملەكەتىندە ورنالاسقان 600 پورتتى قالانى ءبىر-بىرىمەن جالعاستىرىپ جاتىر. مۇنداعى جىلدىق قارجى اينالىمى 29 ملرد اقش دوللارى», - دەپ اتاپ ءوتتى الماس چۋكين مىرزا.
قىتاي ەلى تەك سوڭعى جىلدارى عانا جەر شارىنىڭ ءار نۇكتەسىندە ورنالاسقان 400 پورتتى ساتىپ العان.
«2008-2018 جىلدار اراسىندا قازاقستان مەن قحر اراسىنداعى سىرتقى ينۆەستيتسيا 18,51 اقش دوللارىنا جەتتى. بۇل, نەگىزىنەن ەنەرگسەكتور, مەتالل, ترانسپورت جانە قارجى سالاسىنا باعىتتالدى» , - دەپ اتاپ ءوتتى الماس چۋكين.
CFO ءسامميتى العاش رەت 2014 جىلى وتكىزىلگەن. قارجى ماسەلەلەرىن, قازاقستان ەكونوميكاسى مەن قارجى جۇيەسىن دامىتۋ پەرسپەكتيۆالارىن تالقىلاۋ ءۇشىن جەتەكشى پلاتفورما قۇرىلدى.
ايتا كەتەيىك, سامميت قارجى نارىعىنىڭ باسقارۋشىلارى مەن توپ-مەنەدجەرلەرى ءۇشىن ۇيىمداستىرىلادى. 5 ەلدەن 30-دان استام سپيكەرلەر كەلدى. كۇن تارتىبىندەگى وزەكتى تاقىرىپتار – قارجى جۇيەسىنىڭ دامۋ پەرسپەكتيۆالارى, سوڭعى وزگەرىستەر, ترەندتەر مەن يننوۆاتسيالار, FinTech, سونداي-اق الەمدىك ەكونوميكانىڭ ماڭىزدى ماسەلەلەرى.
گۇلبارشىن ساباەۆا,
«ەqemen Qazaqstan»
الماتى