قازاقستان رەسپۋبليكاسىنىڭ پرەزيدەنتى ن. نازارباەۆپەن كەلىسىلگەن تۇردە, ۇكىمەت قاۋلىسىمەن دارحان امان ۇلى كالەتاەۆ پرەمەر-مينيستر كەڭسەسىنىڭ باسشىسى قىزمەتىنە تاعايىندالدى. بۇل تۋرالى primeminister.kz حابارلادى.
د. كالەتاەۆ 1972 جىلى شىعىس قازاقستان وبلىسىندا دۇنيەگە كەلگەن. شىعىس قازاقستان مەملەكەتتىك ۋنيۆەرسيتەتىن, مەملەكەتتىك باسقارۋ ۇلتتىق جوعارى مەكتەبىن تامامداعان.
ەڭبەك جولىن 1995 جىلى باستاعان. پرەزيدەنت اكىمشىلىگىنىڭ, ءبىلىم جانە مادەنيەت, اقپارات جانە قوعامدىق كەلىسىم مينيسترلىكتەرىنىڭ قۇرىلىمىندا جۇمىس ىستەگەن. 2007–2008 جىلدارى — پرەزيدەنت اكىمشىلىگى باسشىسىنىڭ ورىنباسارى, 2008–2009 جىلدارى — «نۇر وتان» حدپ توراعاسىنىڭ ءبىرىنشى ورىنباسارى, 2009–2016 جىلدارى — «سامۇرىق-قازىنا» ۇلتتىق ءال-اۋقات قورى» اق باسقارۋشى ديرەكتورى قىزمەتتەرىن اتقارعان.
2016 جىلدىڭ قازان ايىندا پرەزيدەنت جارلىعىمەن پارلامەنت سەناتىنىڭ دەپۋتاتى بولىپ تاعايىندالدى. 2017 جىلدىڭ قىركۇيەگىنەن باستاپ — پارلامەنت سەناتىنىڭ حالىقارالىق قاتىناستار, قورعانىس جانە قاۋىپسىزدىك كوميتەتىنىڭ مۇشەسى.
2018 جىلعى ساۋىردەن باستاپ قوعامدىق دامۋ ءمينيسترى قىزمەتىن اتقارعان.