باتىس قازاقستان وبلىسى اقجايىق اۋدانى تايپاق اۋىلىندا ون ءبىرىنشى سىنىپ سىنىپ وقۋشىسى ەكى ادامدى ورتتەن الىپ شىقتى. بۇل تۋرالى وبلىستىڭ تجد مەملەكەتتىك ءتىل جانە اقپارات توبى حابارلادى.
«22 اقپاندا ساعات 17:56-دا بقو تجد بىرىڭعاي كەزەكشى ديسپەتچەرلىك قىزمەت باسقارماسىنىڭ «112» نومىرىنە اقجايىق اۋدانى تايپاق اۋىلىنداعى ا.مولداعۇلوۆا كوشەسى, 13 مەكەنجايى بويىنشا جەكە 2 پاتەرلى ۇيدەن ءورت شىققانى تۋرالى اقپارات كەلىپ تۇستى» دەلىنگەن حابارلامادا.
بەلگىلى بولعانداي, ءۇي 1980 جىلعى ازاماتقا تيەسىلى. قازا تاپقاندار مەن زارداپ شەككەندەر جوق. ازىرگە ءورتتىڭ شىعۋ سەبەبى انىقتالىپ جاتىر. وقيعا ورنىنا جەكە قۇرامنان 8 ادام جانە 2 بىرلىك تەحنيكا باردى. ءورت ساعات 18:59-دا وقشاۋلانىپ, 19:52-دە تولىق ءسوندىرىلدى.
«ورتەنىپ جاتقان ءۇيدى كورشى ۇيدە تۇراتىن ميراس ەسىمدى ازامات بايقاپ, ۇيدەگىلەرگە ەسكەرتپەك بوپ ىشىنە كىرەدى. بۇدان سوڭ, ول جانىپ جاتقان ءۇيدىڭ ىشىنەن كىشكەنتاي بالانىڭ جىلاعان داۋىسىن ەستيدى. ءبىر ساتكە دە ويلانباستان ول ءتۇتىن باسقان ۇيگە كىرىپ, 8 جاسار عالىم باتىربەكتى كوتەرىپ الىپ شىققان» دەلىنگەن حابارلامادا.
سونداي-اق ول ءۇيدىڭ ىشىنەن ەرەسەك ادامنىڭ جوتەلگەنىن ەستىپ, بەيبىت دەمەۋعاليەۆتى دا سىرتقا الىپ شىقتى.