سەيسەنبى, 25 جەلتوقسان 2012 7:23
قىرعىزستان پرەزيدەنتى الماسبەك اتامباەۆ بىشكەك حالىقارالىق اۋەجايى تەك قانا ازاماتتىق نىسان بولۋ كەرەك دەگەندى تاعى دا مالىمدەدى.
اتامباەۆ دۇيسەنبى كۇنى ءوزى پرەزيدەنت بولعان ءبىرىنشى جىلدىڭ قورىتىندىسى بويىنشا ۇلكەن ءباسپاسوز ءماسليحاتىن وتكىزىپ, وندا جەرگىلىكتى جانە شەتەلدىك باق وكىلدەرىنىڭ ساۋالدارىنا جاۋاپ بەردى. «ماناس» ازاماتتىق اۋەجايىندا اسكەري قۇرام بولماۋى ءتيىس, بۇل مەنىڭ ءپرينتسيپتى ۇستانىمىم دەپ اتاپ كورسەتتى ول وسى ءباسپاسوز ءماسليحاتىندا. اۋەجايدا اقش-تىڭ اۆيابازاسىن ورنالاستىرۋ تۋرالى كەلىسىم-شارت 2014 جىلعا دەيىن كۇشىندە بولادى. قىرعىزستان پرەزيدەنتى شەتەلدىك اسكەريلەردىڭ رەسپۋبليكانىڭ ازاماتتىق اۋەجايىندا بولۋ مەرزىمىنىڭ ۇزارتىلمايتىنىن بۇعان دەيىن دە بىرنەشە رەت مالىمدەگەن بولاتىن.
سەيسەنبى, 25 جەلتوقسان 2012 7:23
قىرعىزستان پرەزيدەنتى الماسبەك اتامباەۆ بىشكەك حالىقارالىق اۋەجايى تەك قانا ازاماتتىق نىسان بولۋ كەرەك دەگەندى تاعى دا مالىمدەدى.
اتامباەۆ دۇيسەنبى كۇنى ءوزى پرەزيدەنت بولعان ءبىرىنشى جىلدىڭ قورىتىندىسى بويىنشا ۇلكەن ءباسپاسوز ءماسليحاتىن وتكىزىپ, وندا جەرگىلىكتى جانە شەتەلدىك باق وكىلدەرىنىڭ ساۋالدارىنا جاۋاپ بەردى. «ماناس» ازاماتتىق اۋەجايىندا اسكەري قۇرام بولماۋى ءتيىس, بۇل مەنىڭ ءپرينتسيپتى ۇستانىمىم دەپ اتاپ كورسەتتى ول وسى ءباسپاسوز ءماسليحاتىندا. اۋەجايدا اقش-تىڭ اۆيابازاسىن ورنالاستىرۋ تۋرالى كەلىسىم-شارت 2014 جىلعا دەيىن كۇشىندە بولادى. قىرعىزستان پرەزيدەنتى شەتەلدىك اسكەريلەردىڭ رەسپۋبليكانىڭ ازاماتتىق اۋەجايىندا بولۋ مەرزىمىنىڭ ۇزارتىلمايتىنىن بۇعان دەيىن دە بىرنەشە رەت مالىمدەگەن بولاتىن.
پوليتسيا ەرەۋىلشىلەردى قۋىپ تاراتتى
ءۇندىستاندا پوليتسيا سۋشاشقىش جانە كوز جاساۋراتقىش گازدىڭ كومەگىمەن ايەلدەر ءۇشىن تەڭ قۇقىقتار تالاپ ەتكەن ەرەۋىلشىلەردى قۋىپ تاراتتى.
التىنشى كۇن قاتارىنان ءوتىپ وتىرعان ميتينگىلەر ەل استاناسى دەليدە وسىدان ءبىر اپتاداي بۇرىن ورىن العان ءبىر قىزدى توپتالىپ زورلاۋعا بايلانىستى تۋىنداعان بولاتىن. نارازىلىق بىلدىرۋشىلەر ايەلدەر قاۋىپسىزدىگى دەڭگەيىنىڭ وتە تومەندىگىنە نارازى جانە قىلمىسكەرلەر ءۇشىن ءولىم جازاسىن تالاپ ەتۋدە. سەنبى كۇنى وتكەن ەرەۋىلگە بىرنەشە جۇزدەگەن جاستار قاتىسقان. اكتسيا بارىسىندا تارتىپسىزدىكتەر ورىن الىپ, قۇقىق قورعاۋشىلار تاراپىنان دا, ەرەۋىلشىلەر تاراپىنان دا ادامدار زارداپ شەككەن.
مونتي سايلاۋعا تۇسپەيدى
ماريو مونتي پارلامەنت سايلاۋىنا ءوز كانديداتۋراسىن ۇسىنبايتىن بولدى. ءوز شەشىمى جونىندە ول كەشە وتكەن ءباسپاسوز ءماسليحاتىندا حابارلاعان.
ءمونتيدىڭ قاتىسۋىنسىز پارلامەنتتەگى بۇگىندە بەس پايىز يتاليالىقتاردىڭ قولداۋىنا يە بولىپ وتىرعان تسەنتريستەردىڭ جەڭىستەن ءۇمىتى جوق. سوتسيولوگتاردىڭ ەسەپتەۋىنشە, ماريو مونتيدىڭ ولارعا 30 پايىزى داۋىس اكەلۋى مۇمكىن ەدى. بىراق پروفەسسور وسىعان دەيىن مالىمدەگەندەي, وعان ءوز تۇيسىگى مۇنداي قادامعا بارۋدىڭ قاجەتى جوقتىعىن سەزدىرگەن. مەن ءومىر بويعى سەناتور بولىپ تابىلامىن, سوندىقتان پارلامەنتكە سايلاۋعا تۇسە المايمىن, دەپ تۇسىندىرگەن قىزمەتىنەن كەتىپ جاتقان پرەمەر ءوز ويىن.
كەرري مەملەكەتتىك حاتشىلىققا ۇسىنىلدى
اقش پرەزيدەنتى باراك وباما وتكەن جۇما كۇنى سەناتور دجون كەرريدىڭ كانديداتۋراسىن اقش مەملەكەتتىك حاتشىسى لاۋازىمىنا ۇسىندى.
دجون كەرري 2004 جىلى اقش پرەزيدەنتى سايلاۋىنا قاتىسقان بولاتىن. قازىرگى ۋاقىتتا ول سەناتتىڭ شەتەل ىستەرى جونىندەگى كوميتەتىنىڭ توراعاسى قىزمەتىن اتقارادى. امەريكالىق باق-تاردىڭ مالىمەتىنشە, دجون كەرري كانديداتۋراسىنىڭ رەسپۋبليكاشىلدار تاراپىنان وپپوزيتسياعا تاپ بولۋ مۇمكىندىگى از. وسىلايشا دجون كەرري باراك وبامانىڭ پرەزيدەنت سايلاۋىندا جەڭىسكە جەتكەننەن كەيىن جوعارى لاۋازىمعا تاعايىنداپ وتىرعان ءبىرىنشى ساياساتكەرى بولىپ تابىلادى.
قاسيەتتى حرامعا نۇقسان كەلتىرىلدى
21 جەلتوقسانداعى «اقىرزامان» شۋلىعانىنىڭ سوڭى تيكال قالاشىعىنداعى مايانىڭ بىرنەشە ارحيتەكتۋرالىق ەسكەرتكىشتەرىنە نۇقسان كەلتىرۋگە اپارىپ سوقتىردى.
تۋريستەردىڭ ءىس-ارەكەتتەرى سالدارىنان ەكىنشى حرام مەن وڭتۇستىك اكروپول كوپتەگەن ب ۇلىنۋلەرگە ۇشىراعان. وكىنىشكە قاراي, تۋريستەردىڭ حرامعا ورمەلەپ شىعۋى ولاردىڭ ب ۇلىنۋىنە اپارىپ سوقتىردى, دەپ حابارلاعان قاسيەتتى قالاشىقتىڭ باقىلاۋشىسى وسۆالدو گومەس. ءبىز مەرەكەلەۋگە قارسى ەمەسپىز, بىراق تۋريستەر بۇل ەسكەرتكىشتەردىڭ يۋنەسكو-نىڭ ءبۇكىلالەمدىك مۇرالارى تىزىمىنە كىرگەن نىساندار ەكەنىن تۇسىنۋلەرى كەرەك, دەپ مالىمدەگەن ول جەرگىلىكتى باق-تارعا شاعىم جاساي وتىرىپ.
سەناتور ماس كۇيىندە ۇستالدى
اقش-تىڭ ۆيردجينيا شتاتىندا پوليتسەيلەر باعدارشامنىڭ قىزىل بەلگىسىنە ءوتىپ كەتكەن سەناتور مايكل كراپونى توقتاتقان.
وعان الكوگولگە تەستتەن ءوتۋ ۇسىنىلىپ, ونىڭ ناتيجەسى جۇرگىزۋشىنىڭ ىشىمدىك ىشكەنىن راستاعان. ساياساتكەر تەمىر توردان كەپىلدىكپەن عانا شىعارىلىپ وتىر. بىرنەشە كۇننەن كەيىن ونىڭ ءىسى سوتتا قارالماق. سەناتوردىڭ ءوزى مالىمدەمە جاساپ, ءوز ارەكەتىنە وكىنەتىنىن, بولاشاقتا مۇنداي جاعدايدىڭ ەشقاشان قايتالانبايتىنىن ايتىپ ۋادە بەرگەن جانە ءوز سايلاۋشىلارىنان كەشىرىم سۇراعان.
يانۋكوۆيچ شەنەۋنىكتەردى قىزمەتتەرىنەن بوساتتى
ۋكراينا پرەزيدەنتى ۆيكتور يانۋكوۆيچ كەشە ۇكىمەتتىڭ بىرقاتار جوعارى لاۋازىمدى شەنەۋنىكتەرىن قىزمەتتەرىنەن بوساتتى.
اتاپ ايتقاندا, ىشكى ىستەر مينيسترلىگىنىڭ باسشىسى ۆيتالي زاحارچەنكو, سىرتقى ىستەر مينيسترلىگىنىڭ جەتەكشىسى كونستانتين گريششەنكو, قارجى ءمينيسترى يۋري كولوبوۆ, مادەنيەت ءمينيسترى ميحايل كۋلينياك, قورعانىس ءمينيسترى دميتري سالاماتين, ەنەرگەتيكا جانە كومىر ونەركاسىبى ءمينيسترى يۋري بويكو, دەنساۋلىق ساقتاۋ ءمينيسترى, پرەمەر-ءمينيستردىڭ ورىنباسارى رايسا بوگاتىرەۆا, ەكولوگيا جانە تابيعي رەسۋرستار ءمينيسترى ەدۋارد ستاۆيتسكي, سالىق ۆەدومستۆوسىنىڭ باسشىسى الەكساندر كليمەنكو وتستاۆكاعا جىبەرىلدى. حابارلامادا ايتىلعانداي, ولاردىڭ ءبارى مينيسترلەر كابينەتىنىڭ وتستاۆكاعا كەتۋىنە بايلانىستى قىزمەتتەرىنەن بوساتىلىپ وتىر.
ينتەرنەت ماتەريالدارى نەگىزىندە ازىرلەندى.