بەيسەنبى, 10 مامىر 2012 7:34
پرەزيدەنت, قازاقستان حالقى اسسامبلەياسىنىڭ توراعاسى نۇرسۇلتان نازارباەۆ قازاقستان حالقى اسسامبلەياسىنىڭ ءحىح سەسسياسىندا جاساعان بايانداماسىندا ەل دامۋىنىڭ ماڭىزدى ماسەلەلەرىن ورتاعا سالىپ, الەۋمەتتىك جاڭعىرتۋدىڭ بىرقاتار قادامدارىن بەلگىلەپ بەردى. سولاردىڭ ءىشىندە تۇرعىن ءۇي-كوممۋنالدىق سەكتور سالاسىنا دا توقتالىپ, «تكش-نى جاڭعىرتۋ» باعدارلاماسى وڭىردەن باستاپ اۋىلعا دەيىن قامتىپ وتىرعانىن, بيىل 16 ميلليارد تەڭگە بولىنگەنىن, 2020 جىلعا دەيىن جاس وتباسىلار ءۇشىن 1,2 ميلليون شارشى مەتر تۇرعىن ءۇي قۇرىلىسى قاراستىرىلاتىنىن اتاپ كورسەتتى.
بەيسەنبى, 10 مامىر 2012 7:34
پرەزيدەنت, قازاقستان حالقى اسسامبلەياسىنىڭ توراعاسى نۇرسۇلتان نازارباەۆ قازاقستان حالقى اسسامبلەياسىنىڭ ءحىح سەسسياسىندا جاساعان بايانداماسىندا ەل دامۋىنىڭ ماڭىزدى ماسەلەلەرىن ورتاعا سالىپ, الەۋمەتتىك جاڭعىرتۋدىڭ بىرقاتار قادامدارىن بەلگىلەپ بەردى. سولاردىڭ ءىشىندە تۇرعىن ءۇي-كوممۋنالدىق سەكتور سالاسىنا دا توقتالىپ, «تكش-نى جاڭعىرتۋ» باعدارلاماسى وڭىردەن باستاپ اۋىلعا دەيىن قامتىپ وتىرعانىن, بيىل 16 ميلليارد تەڭگە بولىنگەنىن, 2020 جىلعا دەيىن جاس وتباسىلار ءۇشىن 1,2 ميلليون شارشى مەتر تۇرعىن ءۇي قۇرىلىسى قاراستىرىلاتىنىن اتاپ كورسەتتى. بۇل تۇرعىدان العاندا, مەملەكەت جانە ۇكىمەت تاراپىنان كوپ جۇمىستار اتقارىلىپ, الداعى ون جىلعا ارنالعان باعدارلامانىڭ بىرنەشە باعىتتا ىسكە اسىرۋ تەتىكتەرى جان-جاقتى قاراستىرىلعانىن اتاي كەتكەن ءجون.
بۇگىندە وبلىس ورتالىعىندا 1 مىڭنان استام كوپ قاباتتى ۇيلەر بولسا, سولاردىڭ ۇشتەن ءبىرى كۇردەلى جوندەۋدى قاجەت ەتەدى. كىم جايلى پاتەرلەردە تۇرۋدى قولايلى كورمەيدى دەيسىڭ؟ ال تۇرعىنداردىڭ كوپ قاباتتى تۇرعىن ءۇي قورى مەن كوممۋنالدىق جەلىلەردى, ءتۇرلى ينفراقۇرىلىمداردى جوندەپ, قالپىنا كەلتىرۋگە قارجىلىق شامالارى جەتە بەرمەيتىنى جاسىرىن ەمەس. سونىڭ سالدارىنان ۇنەمدەۋ تەحنولوگيالارى تولىق ساقتالا بەرمەيدى. جىلۋ, جارىق, سۋ ىسىراپشىلدىعى ورىن العاندىقتان, كوممۋنالدىق بەرەشەكتەردىڭ جيناقتالىپ قالۋى سەكىلدى قولبايلاۋلار مەن پروبلەمالار تۋىندايدى. بۇدان بىلاي اتالمىش جوبالاردى قولداۋعا رەسپۋبليكالىق بيۋدجەت تاراپىنان قوماقتى كومەك كورسەتىلىپ, پاتەر يەلەرى كووپەراتيۆتەرى مەن تۇرعىنداردىڭ زور قىزىعۋشىلىعىن تۋدىرىپ وتىرعانىن اتاي كەتۋ ورىندى.
ەندى ومىرشەڭ باعدارلامانىڭ تۇپكى ناتيجەلەرى ادامداردىڭ تىكەلەي وزدەرىنە بايلانىستى. ولاي دەيتىنىم, پيك جەتەكشىلەرى مەن كوندومينيۋم وكىلدەرى بىراۋىزدىلىق تانىتىپ, جۇمىلا اتسالىسسا, ءىستى كەڭ اۋقىمدا ورىستەتۋگە بولادى. وتكەن جىلى باعدارلاما اياسىندا رەسپۋبليكالىق قازىنادان 400 ميلليونداي تەڭگە ءبولىنىپ, پەتروپاۆل قالاسىندا 36 كوپ قاباتتى ۇيلەر جوندەۋدەن ءوتتى. اتاپ ايتقاندا, شاتىرلار, جەرتولەلەر, ليفتىلەر, جارىق, جىلۋ جۇيەلەرى قالپىنا كەلتىرىلدى. بيىل بۇل ماقسات ءۇشىن 800 ميلليون تەڭگە قاراستىرىلعان. دەمەك, جىل وتكەن سايىن پاتەر يەلەرىنىڭ جاسالىپ جاتقان قامقورلىق جايلى اقپاراتى مەن تانىم-تۇسىنىگى مولايىپ, تىكەلەي قاتىسۋشى رەتىندەگى ءرولى ارتىپ كەلەدى دەگەن ءسوز.
رەسپۋبليكادا تكش-نى جاڭعىرتۋ باعدارلاماسىن العاشقىلاردىڭ قاتارىندا قولداعان ءسولتۇستىكقازاقستاندىقتاردان 426 مەنشىك يەسى 37 ميلليون تەڭگەنىڭ اتاۋلى كومەگىن الدى. بۇدان تىسقارى, از قامتىلعان ازاماتتار جالپى شىعىننىڭ 10 پايىزىن عانا وتەيدى. ۇستىمىزدەگى جىلى كۇنكورىسى تومەن وتباسىلارعا 62 ميلليون تەڭگەنىڭ تۇرعىن ءۇي كومەگىن كورسەتۋ بەلگىلەنگەن. كوپ قاباتتى ۇيلەردى جىلىتۋ ماۋسىمىنا ازىرلەۋ, ەسەپتەگىش قۇرالدارىن ورناتۋ ماسەلەلەرىندە دە شەشىمىن تاباتىن جايتتەر جوق ەمەس. جىلۋ قۋاتىنا تولەمدى ەسەپ قۇرالى ارقىلى وتەۋ الدەقايدا ءتيىمدى ەكەنىن تاجىريبە كورسەتىپ وتىر. پيك قىزمەتتەرى دە ۇيىمداستىرۋ جۇمىستارىن جاقسارتۋدى قاجەت ەتەدى. مەنىڭشە, ۇكىمەت تاراپىنان جاسالىپ جاتقان قولايلى ءمۇمكىندىكتەردى قالت ءجىبەرمەسەك, جاقسى باستامانىڭ جەردە قالماسى انىق.
سەرگەي حۋدياكوۆ,
«تۇرعىن ءۇي-كوممۋنالدىق شارۋاشىلىعىن جاڭعىرتۋ جانە دامىتۋدىڭ قازاقستاندىق ورتالىعى» اق سولتۇستىك قازاقستان وبلىستىق فيليالىنىڭ ديرەكتورى.
سولتۇستىك قازاقستان وبلىسى.