تارازدا تىندىرىمدى تىرلىك كوپ

ماسەلەن, تاراز قالاسىنداعى تالاي جىلدان بەرى قاراۋسىز قالعان «جەڭىس» ساياباعىنا داڭقتى باتىر باۋىرجان مومىش ۇلىنىڭ ەسكەرتكىشى ورناتىلىپ, ساياباق ءىشى ۇرپاققا ونەگە بولاتىنداي قۇندىلىقتارمەن بەزەندىرىلدى. ودان كەيىن قايرات رىسقۇلبەكوۆ ساياباعى, «ۇشبۇلاق» دەمالىس ورىنى سياقتى ورىندار دا حالىقتىڭ يگىلىگى ءۇشىن جاسالعان نارسەلەر دەپ ايتقىم كەلەدى.

 ەكىنشىدەن, تاراز قالاسىنىڭ ىبىرايىم سۇلەيمەنوۆ كوشەسىنىڭ بويىنداعى اللەيا دا «جاستار جىلىنا» وراي «جاستار اللەياسى» دەپ اتالاتىن بولدى. بۇل دا وڭىردەگى جاستار ءۇشىن جاسالىپ وتىرعان يگى جۇمىستار رەتىندە باعالانادى. ەلباسىنىڭ ساليقالى ساياساتى جامبىل وڭىرىندە دە ءتيىستى جۇزەگە اسىپ, لايىقتى تۇردە اتقارىلىپ كەلەدى. سونىمەن قاتار, وتكەن جىلى وڭىردە ءوندىرىس سالاسىنىڭ دا ءبىرشاما ارتقانىن ايتۋعا بولادى. ياعني, 238,5 ميلليارد تەڭگەگە ءوندىرىس كولەمى ارتقان. تاعى ءبىر ايتا كەتەرلىگى, وڭىردە 32,548 ورتا جانە شاعىن كاسىپكەرلىك سۋبەكتىلەرى تىركەلگەن. ولاردىڭ ينۆەستيتسيا تارتۋ كولەمى بويىنشا دا كورسەتكىشتەرى ارتىپ وتىر. تاراز قالاسىنىڭ وزىنە 69,2 ميلليارد تەڭگەگە ينۆەستيتسيا تارتىلعان.

 بۇدان كەيىن, جالپى تۇرعىن ءۇي ماسەلەسى حالىق ءۇشىن وتە ماڭىزدى. وتكەن جىلى وڭىردە تۇرعىن ءۇي سالۋ ءۇشىن 43,7 ميلليارد تەڭگە جۇمسالعان. بىلتىر تاراز قالاسىنان 243,7 مىڭ شارشى مەتر تۇرعىن ءۇي سالىنعان بولاتىن. مەملەكەت قولداۋىنىڭ ناتيجەسىندە سالىنعان ۇيلەر مەملەكەتتىك باعدارلامالار ارقىلى تۇرعىندار ۇلەسىنە بەرىلۋدە. بىرقاتار ءبىلىم بەرۋ وشاقتارى سالىنىپ, كەيبىرەۋلەرى قايتا جوندەۋدەن وتكەن. اتاپ ايتساق, ء«شولدالا» ايماعىندا 900 ورىندىق جانە «بايتەرەك» ىقشاماۋدانىندا 120 ورىندىق مەكتەپ پايدالانۋعا بەرىلدى.

 «تسيفرلى قازاقستان» باعدارلاماسى بويىنشا دا قالا كوشەلەرىندە بىرقاتار باعدارشامدار جاڭارتىلعان. سونىمەن قاتار, وڭىردە تۋريزم سالاسىن دامىتۋعا دا ايرىقشا كوڭىل بولىنۋدە. «شاحريستان», «اقىرتاس» كەشەندەرىنە ءتيىستى جۇمىستار جۇرگىزىلۋدە. ال, جۋالى اۋدانىنداعى «قارالما» كەشەنى دە بولاشاقتا ءوڭىر ءتۋريزمىن دامىتۋعا وزىندىك سەرپىن بەرەتىنى ءسوزسىز.

سەرىكبول بەرىكقوجا,

تاراز قالالىق ءماسليحاتىنىڭ دەپۋتاتى