سەنبى, 29 جەلتوقسان 2012 7:18
قازاقستان ەگەمەندىگىن جاريالاپ, تاۋەلسىزدىك العان جىلداردان بەرى سپورت سالاسىندا ءدال بيىلعى ءتارىزدى تولاعاي تابىسقا جەتكەن ەمەس. قازاق ەلىنىڭ سپورت ساڭلاقتارى وسى جىلى وتكەن XXX لوندون وليمپيالىق ويىندارىندا تاريحتا تۇڭعىش رەت جالپى كوماندالىق 12 ورىنعا تابان تىرەدى. ءسويتىپ, الەمدەگى ەڭ ءىرى سپورت دەرجاۆالارىنىڭ ماڭايىنان ويىپ ورىن الىپ, العاشقى جيىرمالىقتىڭ الدىڭعى لەگىن باستادى. بۇل, ءسوز جوق, ەلباسىنىڭ قازاقستان تاۋەلسىزدىك العان جىلداردان بەرى سپورتتىڭ دامۋىنا ەرەكشە كوڭىل ءبولىپ, قامقورلىق جاساپ كەلە جاتقانىنىڭ ارقاسىندا مۇمكىن بولدى.
سەنبى, 29 جەلتوقسان 2012 7:18
قازاقستان ەگەمەندىگىن جاريالاپ, تاۋەلسىزدىك العان جىلداردان بەرى سپورت سالاسىندا ءدال بيىلعى ءتارىزدى تولاعاي تابىسقا جەتكەن ەمەس. قازاق ەلىنىڭ سپورت ساڭلاقتارى وسى جىلى وتكەن XXX لوندون وليمپيالىق ويىندارىندا تاريحتا تۇڭعىش رەت جالپى كوماندالىق 12 ورىنعا تابان تىرەدى. ءسويتىپ, الەمدەگى ەڭ ءىرى سپورت دەرجاۆالارىنىڭ ماڭايىنان ويىپ ورىن الىپ, العاشقى جيىرمالىقتىڭ الدىڭعى لەگىن باستادى. بۇل, ءسوز جوق, ەلباسىنىڭ قازاقستان تاۋەلسىزدىك العان جىلداردان بەرى سپورتتىڭ دامۋىنا ەرەكشە كوڭىل ءبولىپ, قامقورلىق جاساپ كەلە جاتقانىنىڭ ارقاسىندا مۇمكىن بولدى.
راسىندا دا لوندون وليمپياداسى قازاقستان سپورتى تاريحىنداعى ەڭ ءبىر جارقىن بەتتەردىڭ بىرىنە اينالدى. تۇماندى البيون جەرىندە ءبىزدىڭ ۇكىلەپ اتتاندىرعان ۇمىتتەرىمىز باسىندا مەجەلەنگەن 13 مەدالدى تۇگەلدەي قورجىنعا سالدى. ءبىر عاجابى, بۇلاردىڭ 7-ءۋى ءبىردەي التىن جۇلدە بولىپ شىقتى. بۇل ەشكىم كۇتپەگەن جاڭالىق ەدى. توپ باستاعان وسى 7 التىن مەدالدى 1 كۇمىس, 5 قولا مەدال القالادى. وسى تولاعاي تابىستار ءبىزدىڭ ەرتەڭگە قول سوزعان ەگەمەن ەلىمىزدى تاعى ءبىر بيىك بەلەسكە كوتەرىپ تاستادى. قازاقستاننىڭ الەم قوعامداستىعى الدىنداعى بەدەلى مەن ابىرويى بىردەن بۇرىن بولماعان دارەجەدە شارىقتاپ كوتەرىلىپ كەتتى.
بۇل جەمىستى جەتىستىكتەر دۇنيە ءجۇزى جۇرتشىلىعى ءۇشىن, ءبىزدىڭ ءوزىمىز ءۇشىن قانشالىقتى كۇتپەگەن ناتيجە, ويلاماعان وقيعا سانالعانىمەن, ونىڭ سەبەبى مەن سالماعى تىم نەگىزسىز دە ەمەس-ءتىن. ەلىمىز ەگەمەندىككە قول جەتكىزگەن العاشقى ەلەڭ-الاڭ كەزدەن باستاپ, سول تۇستاعى ەكونوميكالىق احۋالىمىز ونشالىقتى مىقتى بولا قويماعانىنا قاراماستان, ءبىزدىڭ رەسپۋبليكامىزدا سپورتتىڭ دامۋى مەن ساڭلاقتارىمىزدىڭ حالىقارالىق ارەنالاردا تابىستى ونەر كورسەتۋلەرى ءۇشىن قولدان كەلگەن كومەكتىڭ بارلىق ءتۇرى جاسالىپ جاتتى. سونىڭ ارقاسىندا قازاقستان تاۋەلسىزدىككە قول جەتكىزىپ, ءوز الدىنا دەربەس مەملەكەت اتانعاننان كەيىنگى ءوزىنىڭ ءبىرىنشى وليمپياداسىندا – 1996 جىلى اتلانتادا وتكەن ويىنداردا ايدى اسپانعا شىعارىپ, الەمنىڭ 197 ەلى اراسىندا 24-ورىننان تابىلدى. سول ءدۇبىرلى دودادا ءبىزدىڭ الدىمىزعا كەشەگى كەڭەستىك رەسپۋبليكالاردان تەك رەسەي مەن ۋكراينا سپورتشىلارى عانا تۇسە الدى. مۇنىڭ ءوزى ءدۇيىم دۇنيە ءۇشىن كۇتپەگەن جاڭالىق بولدى. تاريحتا تۇڭعىش قاتىسقان سول وليمپيا ويىندارىندا ءبىزدىڭ ساڭلاقتارىمىز 3 التىن, 4 كۇمىس جانە 4 قولا جۇلدەلەردى, بارلىعى 11 مەدالدى جەڭىپ الدى. وسى رەتتە ءبىزدىڭ وليمپيا ويىندارىنداعى شىمىلدىعىمىزدى اشىپ بەرىپ, جۇلدەلەرىمىزدىڭ تۇساۋكەسەرىن جاساپ كەتكەن اسىل ەرلەرىمىزدىڭ اتتارىن تاعى ءبىر مارتە اتاپ ءوتىپ, وزدەرىنە ريزالىق سەزىمىمىزدى بىلدىرگەننىڭ ارتىقتىعى بولماس. ولار التىننان القا تاققان بوكسشى ۆاسيلي جيروۆ, گرەك-ريم كۇرەسىنىڭ شەبەرى يۋري مەلنيچەنكو, بەسسايىسشى الەكساندر پارىگين, كۇمىسپەن كۇپتەلگەن بوكسشى بولات ءجۇمادىلوۆ, اۋىر اتلەت اناتولي حراپاتىي جانە ەكى بىردەي ەكىنشى ورىندى ەڭسەرگەن مەرگەن سەرگەي بەلياەۆ, قولا مەدالدى قورجىنعا باسقان بوكسشىلار ەرماحان يبرايىموۆ پەن بولات نيازىمبەتوۆ, ەركىن كۇرەس شەبەرى ءماۋلەن مامىروۆ جانە مەرگەن ۆلاديمير ۆوحميانينوۆ بولاتىن.بۇدان كەيىن, 2000 جىلى وتكەن سيدنەي وليمپياداسىندا دا ءجۇزىمىز جارقىن, ەڭسەمىز بيىك بولدى. مۇندا الدىڭعىعا قاراعاندا, جۇلدەمىزدىڭ سانى از بولعانىمەن, 199 ەلدىڭ اپايتوستەرى اراسىندا 22-ورىندى يەمدەندىك. ءبىزدى بۇعان ساڭلاقتارىمىز سالعان 3 التىن جانە 4 كۇمىس, جيىنتىعى 7 مەدال جەتكىزدى. التىن جۇلدەنى بوكسشىلارىمىز, جيىرما جاسىندا جاسىنداي جارق ەتىپ ومىردەن وتە شىققان اسا تالانتتى باۋىرىمىز بەكزات ساتتارحانوۆ پەن ەرماحان يبرايىموۆ جانە جەڭىل اتلەت ولگا شيشيگينا اپەرسە, كۇمىس مەدالعا بوكسشىلارىمىز بولات ءجۇمادىلوۆ پەن مۇحتارحان دىلدابەكوۆ, ۆەلوسپورتشى الەكساندر ۆينوكۋروۆ پەن ەركىن كۇرەس شەبەرى يسلام بايرامۋكوۆ قول جەتكىزدى. بۇل جولى دا كوماندالىق ەسەپتە كەڭەس كەزەڭىنەن شىققان ەلدەر اراسىنان رەسەي مەن ۋكراينا عانا ءبىزدىڭ الدىمىزعا تۇسە الدى. مۇنىڭ ەسەسىنە, 2004 جىلى افينا تورىندە بۇرىنعى پوزيتسيامىزدى ازداپ بەرىپ العانداي كورىندىك. ەجەلگى ەللادا توپىراعىندا 204 ەلدىڭ ىشىندە 40-تۇعىرعا تۇراقتادىق. سونىمەن بىرگە, الدىمىزعا بۇرىنعى رەسەي مەن ۋكراينادان بولەك, بەلارۋس, گرۋزيا جانە وزبەكستان سىندى پوستكەڭەستىك ەلدەردى جىبەرىپ الدىق. بىراق, اللاعا شۇكىر, ءبىز ءۇشىن ءسال كوڭىل قوڭىلتاقسىعان سول دودانىڭ وزىنەن التىن جۇلدەسىز قايتقانىمىز جوق. ونى بىزگە بوكسشى باقتيار ارتاەۆ سىيلادى. جالپى, قورىمىزعا 1 التىن, 4 كۇمىس جانە 3 قولا مەدال ءتۇستى. ءسويتىپ, جۇلدە سانىن 8-گە تولتىردىق. الاماندا بوكسشى گەننادي گولوۆكين, اۋىر اتلەت سەرگەي فيليمونوۆ, گرەك-ريم كۇرەسىنىڭ وكىلى گەورگي تسۋرتسۋميا, ەركىن كۇرەس بالۋانى گەننادي لاليەۆ كۇمىس مەدالدىڭ يەگەرلەرى اتانسا, ونسايىسشى دميتري كارپوۆ, بوكسشى سەرىك ەلەۋوۆ, گرەك-ريم كۇرەسشىسى محيتار مانۋكيان قولا مەدالدى قورجىنعا قوستى. ال بەيجىڭ وليمپياداسى ءبىز ءۇشىن مەدالدىڭ سانى جاعىنان كوپتىگىمەن ەرەكشەلەندى. ءبىرىنشى رەت اسپاناستى ەلىندە 13 مەدالدى مويىنعا تاقتىق. ولاردىڭ 2-ءۋى التىن, 4-ءۋى كۇمىس جانە 7-ءۋى قولا ماراپاتتار بولىپ شىقتى. سونىڭ ىشىندە التىن مەدالدى اۋىر اتلەت يليا يلين مەن بوكسشى باقىت سارسەكباەۆ ەنشىلەسە, كۇمىس مەدالدى اۋىر اتلەتتەر يرينا نەكراسوۆا مەن اللا ۆاجەنينا, دزيۋدوشى اسحات جيتكەەۆ جانە ەركىن كۇرەس مايتالمانى تايمۋراز تيگيەۆ اكەلدى. ال قولا مەدالعا بالۋان قىز ەلەنا شالىگينا, گرەك-ريم كۇرەسىنىڭ شەبەرلەرى نۇرباقىت تەڭىزباەۆ پەن اسەت مامبەتوۆ, ەركىن كۇرەس وكىلى ماريد مۋتاليموۆ, اۋىر اتلەت ماريا گرابوۆەتسكايا, بوكسشى ەركەبۇلان شىناليەۆ جانە تاەكۆوندوشى ارمان ءشىلمانوۆ قول ارتتى. ءبىزدىڭ وليمپيالىق قۇراما جالپى ەسەپتە 204 ەلدىڭ اراسىندا 29-بولدى. ال كەشەگى وداقتان شىققان مەملەكەتتەر توبىندا رەسەي مەن ۋكراينادان, بەلارۋس پەن گرۋزيادان كەيىنگى 5-ساتىعا تابان تىرەدىك.ال لوندون وليمپياداسىنان ولجالى ورالعان وعلاندارىمىزدى بيىل بۇكىل ەل بولىپ ارداقتاپ كۇتىپ الدى. ولارعا جەر-جەردە زور قۇرمەت كورسەتىلىپ, سىي-سياپاتتار جاسالدى. سولاردىڭ ءبارىنىڭ قورىتىندىسى ىسپەتتى سوڭنىنان ەلباسى نۇرسۇلتان نازارباەۆ جۇلدەگەرلەرىمىزدى تاعى قابىلدادى. ءبىزدىڭ بۇل جەردە «تاعى» دەگەن ءسوزدى قوسىپ وتىرعانىمىز, مەملەكەت باسشىسى وليمپياداشىلار قۇراماسى بريتانيا جەرىنە اتتانار الدىندا ولاردى ارنايى قابىلداپ, اق جول تىلەپ شىعارىپ سالىپ ەدى. سول ءراسىمنىڭ سوڭىن «سەنىممەن اتتانىپ, جەڭىسپەن ورالىڭدار!» دەگەن تىلەكپەن بىتىرگەن پرەزيدەنت باتاسى وڭىنان ورىندالدى. ەندى, مىنە, كوك تۋدى جەلبىرەتىپ كەتكەن ۇلاندارىمىز ونى ودان بەتەر قانات جايعىزىپ كەلىپ, ەلباسىنىڭ قولىنا قايتا تابىس ەتتى.سالتاناتتى راسىمدەگى ءسوزىن نۇرسۇلتان نازارباەۆ بارشا قازاقستاندىقتاردى ەلىمىزدىڭ ۇلتتىق قۇراما كومانداسىنىڭ لوندوندا وتكەن XXX جازعى وليمپيالىق ويىندارداعى جەڭىسىمەن قۇتتىقتاۋمەن باستادى.– قازاقستان جۇرتشىلىعى ەكى اپتا بويى ۇلى الامانعا ۇكىلەپ شىعارىپ سالعان ۇمىتتەرىنىڭ تىلەۋىن تىلەپ, جانكۇيەر بولدى. الىس ساپارعا, جاۋاپتى جارىسقا ەلدىڭ باتاسىن الىپ اتتانعان ۇل-قىزدارىمىز ءۇمىتتى اقتادى. قازاقستان سپورتشىلارى ەل تاريحىندا بۇرىن-سوڭدى بولماعان تابىسقا قول جەتكىزدى, – دەدى نۇرسۇلتان ءابىش ۇلى. – لوندون تورىندە قازاق ەلىنىڭ كوك بايراعى 7 مارتە الەمنىڭ بارلىق ەلدەرىنىڭ تۋلارىنان بيىككە كوتەرىلدى. وتانىمىزدىڭ ءانۇرانى 7 رەت لوندون كوگىندە اۋەلەدى. سپورتشىلارىمىز وليمپيادانىڭ العاشقى كۇنىنەن باستاپ, سوڭعى ساتتەرىنە دەيىن قورجىنعا مەدال سالۋمەن بولدى. كىرپىك قاقپاي تەلەديدارعا قاراپ, تىلەكشى بولعان ميلليونداعان قازاقستاندىقتىڭ ىقىلاسى ءاربىر سپورتشىعا قانات ءبىتىردى. وسىلاي بارشا قازاقستاندىقتاردىڭ مەرەيى ۇستەم بولدى. ءبىز بولاشاقتا بۇدان دا بيىك اسۋلاردى باعىندىرا بەرەمىز.– ءبىزدىڭ وليمپياداشىلارىمىزدىڭ لوندونداعى تريۋمفىنىڭ ءمانىن «جەتى», «ون ءۇش» جانە «ون ەكى» ساندارى اشىپ وتىر, – دەدى بۇدان ءارى نۇرسۇلتان ءابىش ۇلى. – قازاقستان سپورتشىلارى جەتى وليمپيالىق التىن مەدالدى جەڭىپ الدى. وتكەن بەيجىڭ وليمپياداسىمەن سالىستىرعاندا, ءبىزدىڭ وليمپياداداعى التىن قورىمىز 2,5 ەسە ءوستى. مەن, بارشا قازاقستاندىقتار ءتارىزدى, ءبىزدىڭ وليمپياداشىلارىمىزدىڭ جەڭىسىنىڭ قۇرمەتىنە لوندوندا ەلىمىزدىڭ مەملەكەتتىك ءانۇرانى جەتى رەت وينالىپ, قازاقستان تۋى جەتى رەت كوتەرىلگەنىن ماقتان ەتەمىن. ون ءۇش – ءبىزدىڭ سپورتشىلارعا تاپسىرىلعان بارلىق وليمپيالىق مەدالدىڭ جالپى سانى! قورجىنىمىزدا التىننان باسقا, ءبىر كۇمىس جانە بەس قولا مەدال بار. ون ەكى – قازاقستاننىڭ وسى وليمپياداداعى سپورتتىق رەيتينگىسى.وسى رەتتە ەلباسى بەيجىڭدەگى وليمپيادادا 29-ورىن العان ۇلتتىق قۇرامانىڭ لوندوندا التىن مەدالداردىڭ كوپتىگى ارقىلى ءبىردەن 12-ورىنعا كوتەرىلۋى بۇرىن-سوڭدى بولماعان سەرپىندى سەرپىلىس ەكەنىنە نازار اۋداردى. قازاقستان الەمدەگى وليمپيا جارىستارىنا جالىن جىگەر جاستارىن قوسىپ كەلە جاتقان 205 ۇلتتىق قۇراما اراسىندا جەتەكشى سپورتتىق دەرجاۆانىڭ ءبىرىنە اينالدى. بۇل – بارشا قازاقستان حالقىنىڭ زور جەڭىسى. ءوزىنىڭ سوزىندە مەملەكەت باسشىسى سونداي-اق بۇل تريۋمفتىڭ ءۇش قاينار كوزى بار ەكەنىنە توقتالدى. ولاردىڭ ءبىرىنشىسى مەملەكەتتىڭ دەنەشىنىقتىرۋ ءىسى مەن سپورتتى قولداۋىنان تۋىندايدى. ۇلتتىق قۇرامانىڭ جەڭىسكە جەتۋىنىڭ ەكىنشى قاينار كوزى ءاربىر قازاقستاندىقتىڭ تالانتى, تاباندىلىعى, جەڭىسكە دەگەن ەرىك-جىگەرى, سونداي-اق وزىق جاتتىقتىرۋشىلىق شەبەرلىك بولىپ تابىلادى. تولاعاي تابىستىڭ ءۇشىنشى قاينار كوزى ەلىمىزدىڭ بارلىق ەتنوسىنىڭ دوستىعى مەن قازاقستان حالقىنىڭ بىرلىگىندە جاتىر.كەزدەسۋدە ەلباسى وليمپيادا ءجۇلدەگەرلەرىنە بەلگىلەنگەن ماراپاتتاردىڭ ءبارىن ءوز قولىمەن تاپسىرىپ شىقتى. بۇلاردىڭ اراسىندا الەكساندر ۆينوكۋروۆ, سەرىك ساپيەۆ جانە يليا يلين – «وتان», سۆەتلانا پودوبەدوۆا, ءزۇلفيا چينشانلو, مايا مانەزا, ولگا رىپاكوۆا – II دارەجەلى «بارىس», دانيال گادجيەۆ, يۆان دىچكو, گۇزەل مانيۋروۆا, مارينا ۆولنوۆا, اقجۇرەك تاڭاتاروۆ جانە ادىلبەك نيازىمبەتوۆ «قۇرمەت» وردەندەرىن الدى. ال سپورت جانە دەنەشىنىقتىرۋ ىستەرى اگەنتتىگىنىڭ توراعاسى تالعات ەرمەگياەۆكە «پاراسات» وردەنى تابىس ەتىلدى.قازاقستاننىڭ كەزەكتى وليمپيالىق جىلى وسىلاي اياقتالدى. ەندى سول جەڭىستەردىڭ جالعاسى بولا بەرگەي دەپ تىلەيىك.سەرىك ءپىرنازار,«ەگەمەن قازاقستان».استانا.