قاراعاندى وبلىسىندا 20 قاڭتار كۇنى بالىق اۋلاۋعا كەتكەن ءتورت ەر ادام ءىز-ءتۇسسىز جوعالىپ كەتكەن بولاتىن. ارادا ءبىر كۇن وتكەندە توتەنشە جاعداي دەپارتامەنتىنىڭ قىزمەتكەرلەرى ولاردى اباي اۋدانىنداعى ساسىقكول كولىنىڭ سولتۇستىك-شىعىسىنا قاراي 2 شاقىرىم جەردەن تاپتى.
سونداي-اق, ۇلىتاۋ اۋدانىندا قىستاقتان شىعىپ, جەزدى ەلدى مەكەنىنە جەتپەي اداسىپ كەتكەن ەر ادامدى دا قۇتقارۋشىلار ءبىر كۇننەن كەيىن تاۋىپ الدى. سويتسە, ول قىستاقتان 10 شاقىرىم ۇزاپ بارىپ, باعىتىنان جاڭىلىپ قالعان ەكەن.
تجد قىزمەتكەرلەرىنىڭ مالىمەتىنە ساي, قۇتقارىلعان ادامدارعا مەديتسينالىق كومەك قاجەت بولماعان.
قايرات ءابىلدا,
«ەگەمەن قازاقستان»
قاراعاندى وبلىسى