وبلىس ورتالىعىنداعى دوستىق ۇيىندە «وتباسى ورتالىعى» جانە «تاتۋلاستىرۋ ورتالىعى» دەپ اتالاتىن ارنايى ورىندار اشىلدى. وبلىستىق سوتتىڭ باستاماسىمەن جۇزەگە اسقان بۇل جوبالار داۋلاردى سوتقا دەيىن جانە سوتتان تىس رەتتەۋ ينستيتۋتىن قولدانۋعا, نەكە بۇزۋ پروتسەسىنەن تۋىندايتىن داۋلار سانىن ازايتۋعا باعىتتالعان.
ورتالىقتا ەتنومادەني بىرلەستىك وكىلدەرى, كاسىبي مەدياتورلار, پسيحولوگتار مەن قورعاۋشىلار, جۇمىسپەن قامتۋ جانە داعدارىس ورتالىقتارىنىڭ وكىلدەرى جۇمىس ىستەيدى. تاتۋلاستىرۋ ورتالىقتارىندا تەگىن قىزمەت كورسەتىلەدى جانە جۇگىنگەن ادامداردىڭ وتىنىشتەرى قۇپيا ساقتالادى.
وبلىستىق سوتتىڭ ازاماتتىق ىستەر جونىندەگى سوت القاسىنىڭ توراعاسى مانات كومىرشينوۆ وتباسىلىق قۇندىلىقتاردى ساقتاۋ جانە ازاماتتار اراسىندا بەرىك قارىم-قاتىناستى قالىپتاستىرۋ ماقساتىندا اتقارىلىپ جاتقان شارالاردى اتاپ ءوتتى. ««زاڭدار ۋاقىت پەن جاعدايلارعا بايلانىستى وزگەرۋى مۇمكىن بولعانىمەن, وتباسىلىق قۇندىلىقتار تۇراقتى بولۋى ءتيىس. بارلىق جاقسىلىق اتاۋلى وتباسىنان باستاۋ الادى. وسىنداي ورتالىقتاردى قۇرا وتىرىپ, ازاماتتارعا وتباسىن ساقتاۋلارى ءۇشىن كومەك كورسەتۋىمىز كەرەك,- دەيدى م.كومىرشينوۆ.
ءبىر وكىنىشتىسى, اتىراۋدا اجىراسقان وتباسىلار سانى ارتىپ وتىر. وتكەن جىلى نەكەگە تۇرعان بەس مىڭعا جۋىق جۇپتىڭ 30 پايىزى اجىراسقان. وتباسى جانە تاتۋلاستىرۋ ورتالىقتارى سەكىلدى جوبالاردىڭ وزەكتى ەكەنىن وسىدان دا اڭعارۋعا بولادى.
باقىتگۇل باباش,
«ەگەمەن قازاقستان».
اتىراۋ