جىل باسىنان بەرى 16 لاۋازىمدى تۇلعا ادەپ كودەكسىنىڭ نورمالارىن بۇزعانى ءۇشىن جاۋاپكەرشىلىككە تارتىلدى. بۇل تۋرالى وبلىستىق مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل جونىندەگى دەپارتامەنتى ۇيىمداستىرعان بريفينگتە ايتىلدى.
قازىرگى تاڭدا اقمولا وبلىسى بويىنشا شامامەن 6 مىڭ مەملەكەتتىك قىزمەتشى بار. ولاردىڭ جارتىسىنا جۋىعى جەرگىلىكتى اتقارۋشى ورگاندار جۇيەسىندە قىزمەت ەتەدى. وسىعان بايلانىستى بريفينگتە مەريتوكراتيا قاعيداسىنىڭ جۇمىسى تۋرالى ايتىلدى. بۇل مەملەكەتتىك ورگاندارعا ەڭ قۋاتتى مامانداردى تارتۋعا مۇمكىندىك بەردى. جىل باسىنان بەرى مىڭنان استام ادام قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسىندا ءبىلىم الدى. سۇحبات بارىسىندا جاۋاپتى سالا جەتەكشىسى مەملەكەتتىك قىزمەتشىلەردىڭ قۇقىقتارىن قورعاۋ تۋرالى ءسوز قوزعادى.
–مەملەكەتتىك قىزمەتشىلەردىڭ قۇقىقتارىن قورعاۋ ءبىزدىڭ باستى مىندەتتەرىمىزدىڭ ءبىرى. مەملەكەتتىك قىزمەتكەرلەر تەك بەكىتكەن ۋاقىتقا سايكەس جۇمىس ىستەۋگە ءتيىس. ءبىز شامادان تىس جۇمىس ىستەيتىن مەملەكەتتىك ورگانداردى انىقتادىق. قازىرگى تاڭدا وسىنداي جۇكتەمەنىڭ نەگە بايلانىستى ەكەنىن جانە مەملەكەتتىك قىزمەتشىلەرگە جۇكتەلگەن مىندەتتەر قانشالىقتى دۇرىس ەكەنىن انىقتاپ جاتىرمىز. مەملەكەتتىك قىزمەتشىگە دۇرىس جۇمىس ىستەۋ ءۇشىن جاعداي جاسالۋى كەرەك,–دەدى وبلىستىق مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل جونىندەگى دەپارتامەنتىنىڭ جەتەكشىسى بەرگەن بەسپالينوۆ.
بايقال ءبايادىل,
«ەگەمەن قازاقستان»
اقمولا وبلىسى