س.تورايعىروۆ اتىنداعى مەملەكەتتىك ۋنيۆەرسيتەتتە اشىلعان كەڭسە ءوڭىر جاستارى,ستۋدەنتتەر اراسىندا سىبايلاس جەمقورلىققا قارسى مادەنيەتتى قالىپتاستىرۋعا باعىتتالادى.
وقۋ ورنىنداعى «سانالى ۇرپاق» كەڭسەسىنىڭ اشىلۋىنا وڭىرگە جۇمىس ساپارىمەن ەلىمىزدىڭ مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى توراعاسىنىڭ ورىنباسارى ايگۇل شايموۆا قاتىستى.
بۇل كۇندەرى وقۋ ورنىندا سەسسيا بارىسىندا سىبايلاس جەمقورلىققا قارسى توپ بەلسەندىلەرى ستۋدەنتتەر اراسىندا ءانونيمدى ساۋالنامالار جۇرگىزۋدە. جاسىرىن ساۋالنامالار جۇرگىزۋ ارقىلى ءتۇرلى جايلاردى ءبىلىپ, انىقتالۋى دا مۇمكىن.
سوندىقتان, جالپى, سىبايلاس جەمقورلىققا قارسى مادەنيەتتى قالىپتاستىرۋعا ارنالعان جەرگىلىكتى جەردەگى جاستار ۇيىمدارىنىڭ قاتىسۋىمەن دەبات جانە دوڭگەلەك ۇستەلدەر ۇيىمداستىرۋ جوسپارلانىپ وتىر.
وتكەن جىلى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ وبلىس بويىنشا دەپارتامەنتى وڭىردەگى ءبىلىم بەرۋ باسقارماسى, جوعارى وقۋ ورىندارىمەن بىرلەسىپ قوعامدا سىبايلاس جەمقورلىققا قارسى مادەنيەتتى, سونداي-اق جاستار اراسىندا سىبايلاس جەمقورلىق كورىنىستەرىنە دەگەن توزبەۋشىلىكتى قالىپتاستىرۋ ماقساتىندا ءتۇرلى شارالار وتكىزدى.
مىسالى, جوعارى وقۋ ورىندارى مەن كوللەدجدەرىندە, 9-11 سىنىپ وقۋشىلارى اراسىندا «سىبايلاس جەمقورلىققا قارسى ءىس-قيمىل زاڭناماسىنىڭ قالىپتاسۋىنا 20 جىل» اتتى بىرىڭعاي ساعات وتكىزىلدى. جىل سايىنعى «ادال بول» رەسپۋبليكالىق شاراسى جالعاسىن تاپتى.
شارالار ەلىمىزدەگى جەمقورلىققا قارسى زاڭنامانىڭ ناقتى جۇمىس جاساۋىنا ۇلەس قوساتىن, ازاماتتىق قوعامنىڭ بەلسەندى جاستار وكىلدەرىنىڭ توبىن قالىپتاستىرۋعا مۇمكىندىك بەرەدى.
مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى توراعاسىنىڭ ورىنباسارى ايگۇل شايىموۆا «سانالى ۇرپاق» كەڭسەسىن, ستۋدەنتتىك قىزمەت كورسەتۋ ورتالىعىن ارالاپ كوردى, مۋزەي قورى ەكسپوناتتارىمەن تانىستى.
سونداي-اق, ايگۇل شايموۆا الەۋمەتتىك جاعىنان گورى تاربيەلىك ماڭىزى باسىم ساۋدا ساتۋشىسىز جاسالاتىن دۇكەندە بولدى.
ۇستازدار مەن ستۋدەنتتەر كەرەك زاتتاردى الىپ, اقشالارىن ارنايى قوراپتا قالدىرادى. بۇل ىشكى پاراساتتىلىق پەن ادالدىقتى تاربيەلەۋگە مۇمكىندىك بەرەدى.
ستۋدەنتتەر ساتۋشىسىز دۇكەندەر جوباسى ءبىر كۇندىك بولماۋى ءتيىس. كاسىپكەرلەرگە وقۋ ورنىنان تەگىن الاڭ ۇسىنسا-سورەلەرگە ارزان تاۋار كەلەدى. جاستار ادالدىققا ۇيرەنەدى,- دەيدى.
ستۋدەنتتەرمەن كەزدەسۋ بارىسىندا ايگۇل شايموۆا ديالوگ تۇرىندە مەملەكەتتىك قىزمەتكەرلەردى دايىنداۋ جانە جۇمىسقا ورنالاستىرۋ ماسەلەلەرىن, ەتيكالىق نورمالار جايلى ماسەلەلەردى تالقىلادى.
فاريدا بىقاي,
«ەگەمەن قازاقستان»
پاۆلودار