مەملەكەت باسشىسى جىل قورىتىندىسى بويىنشا ەلىمىزدىڭ بۇقارالىق اقپارات قۇرالدارى وكىلدەرىمەن كەزدەستى. كەزدەسۋ بارىسىندا جىل بويى بولعان باستى وقيعالارعا توقتالىپ, قورىتىندىلادى.
نۇرسۇلتان نازارباەۆ ەكونوميكا ءۇشىن قايتا وڭدەۋدىڭ ماڭىزىن تۇسىندىرە كەلىپ,ونى دامىتۋ كەرەكتىگىن ايتتى.
«بىزگە ونىمدەردى قايتا وڭدەپ, باعاسىن كوتەرۋ كەرەك. بۇگىنگى تاڭدا بيدايدى قايتا وڭدەۋدىڭ مۇمكىندىكتەرى كەڭ بولعانى سونشالىق, ودان ءتىپتى ماتا وڭدەپ شىعارۋعا بولادى. ياعني بىزگە بيدايدى ەمەس, ەڭ بولماعاندا ۇندى, ۇن ونىمدەرىن ساتۋ كەرەك. سوندىقتان ەندى زاۋىتتاردى پاراللەل سالۋ ارقىلى قايتا وڭدەۋگە يندۋستريالاندىرۋدى باعىتتايمىز», دەدى ەلباسى.