نۇرسۇلتان نازارباەۆ وزبەكستان رەسپۋبليكاسىنىڭ پرەزيدەنتى شاۆكات ميرزيوەۆپەن تەلەفون ارقىلى سويلەستى, دەپ حابارلايدى اقوردانىڭ ءباسپاسوز قىزمەتى.
مەملەكەتتەر باسشىلارى ءبىر-ءبىرىن كەلە جاتقان جاڭا جىلمەن قۇتتىقتادى. نۇرسۇلتان نازارباەۆ شاۆكات ميرزيوەۆكە زور دەنساۋلىق پەن مول تابىس, ال وزبەكستان حالقىنا بەيبىت ءومىر مەن باق-بەرەكە تىلەدى.
سونداي-اق, كوشباسشىلار ەكى جاقتى ىنتىماقتاستىقتىڭ قازىرگى احۋالى مەن پەرسپەكتيۆالارىن تالقىلاپ, قازاقستان مەن وزبەكستان اراسىنداعى كەڭ اۋقىمدى قارىم-قاتىناستىڭ دايەكتى دامىپ كەلە جاتقانىن اتاپ ءوتتى.
تەلەفون ارقىلى سويلەسۋگە وزبەكستان جاعى باستاماشى بولدى.