يتاليا بيۋدجەتى: ەو كەلىسىم بەردى

يتاليانىڭ پرەمەر-ءمينيسترى دجۋزەپپە كونتەگە جولدانعان رەسمي حاتتا ونىڭ ۇكىمەتىنىڭ جاڭا فيسكالدىق شارالارى(پارلامەنت مۇنى جىل سوڭىنا قاراي قابىلداعان جاعدايدا بريۋسسەلدىڭ ءراسىمدى ىسكە قوسۋ تۋرالى ۇسىنىستان باس تارتۋىنا مۇمكىندىك تۋادى) ەۋروكوميسسيا نازارىندا ەكەندىگى ايتىلعان.

«شىندىقتى ايتار بولساق: شەشىم ءمىنسىز ەمەس. بىراق ول شامادان تىس تاپشىلىقتىڭ الدىن الۋعا مۇمكىندىك بەرەدى. مۇنداي شەشىم يتالياندىق بيۋدجەتتىڭ ەو تۇراقتىلىعى مەن دامۋ پاكتىسىنە سايكەس ەمەس تۇستارىن تۇزەتەدى», دەدى ەۋرو جانە الەۋمەتتىك ديالوگ ماسەلەلەرى جونىندەگى ەۋروكوميسسار ۆالديس دومبروۆسكيس.

قازىرگى ۇكىمەت ۇسىنعان يتاليا بيۋدجەتىنىڭ باستاپقى نۇسقاسى بريۋسسەلمەن ۇيعارىلعان 1,8%-دىڭ ورنىنا ءجىو-ءنىڭ 2,4% تاپشىلىعىمەن ەسەپتەلگەن. ناتيجەسىندە تاراپتار 2,04% - عا توقتالدى. سونداي-اق يتاليا ۇكىمەتى ءوزىنىڭ ءوسىم مۇمكىندىگىن جىلدىق 1,5% - دان نەعۇرلىم بولۋ مۇمكىندىگى جوعارى 1% - عا دەيىن تومەندەتۋگە, جۇمىسسىزدار مەن حالىقتىڭ كەدەي بولىگى ءۇشىن بازالىق كىرىستى ەسكەرىپ, سونداي-اق زەينەتكەرلىك جاستى تومەندەتۋگە بايلانىستى شىعىن باپتارىن تومەندەتۋگە كەلىستى. سونىمەن قاتار ۇكىمەت وسى رەفورمالاردان تولىق باس تارتقان جوق.

پرەمەر-مينيستر كونتە قول جەتكىزىلگەن كەلىسىمدى ورتاق جەڭىس دەپ ەسەپتەيدى جانە يتاليا ۇكىمەتىنىڭ  تاراپىنان بولعان جەڭىلدىككە قاراماستان ۋادەلەرىن دە ۇمىتپاعانىن ايتتى: ء«بىز ەكونوميكالىق داعدارىستى ودان ءارى قيىنداتقان جانە تابىستاردىڭ سارقىلۋىنا, تۇتىنۋدىڭ قىسقارۋىنا جانە حالىقتىڭ كوپ بولىگىنىڭ كەدەيلەنۋىنە اكەلەتىن قاتاڭ ساياساتتى وزگەرتۋدى قالايمىز», - دەدى كونتە.

2019 جىلعا ارنالعان يتاليا ۇسىنعان قوسىمشا فيسكالدىق شارالاردىڭ قۇنى 10,25 ملرد ەۋرودان ءسال ارتىق, بىراق ەو ەرەجەلەرىنىڭ قۇرىلىمدىق بۇزىلۋى دا جاڭارتىلعان بيۋدجەتتە نولگە تەڭەستىرىلدى.

سوڭعى حابارلار بويىنشا 10 جىلدىق يتالياندىق مەملەكەتتىك قوردىڭ تابىستىلىعى 18 بازيستىك پۋنكتكە, ياعني 2,75% - عا دەيىن ءتۇسىپ, ءۇش ايلىق مينيمۋمدى جاڭارتتى. ميلان قور بيرجاسىنىڭ FTSE MIB يندەكسى 1,6% - عا كوتەرىلدى.

دايىنداعان قارلىعاش قۇرامىس,

«ەگەمەن قازاقستان»