يندۋستريالاندىرۋ كۇنى شەڭبەرىندەگى جيىندا پرەمەر-مينيستر باقىتجان ساعىنتاەۆ بيزنەستىڭ ۇزدىك وكىلدەرىنە ءتيىستى سىي-سياپاتىن تابىستادى.
بيىل قازاقستان پرەزيدەنتىنىڭ «التىن ساپا» سىيلىعىنىڭ جەڭىمپازدارى تىزىمىندە «وندىرىستىك ماقساتتاعى ۇزدىك كاسىپورىن» نوميناتسياسى بويىنشا شىعىس قازاقستان وبلىسىنداعى «سەماز» جشس, الماتى وبلىسىنداعى «ALUGAL» جشس, باتىس قازاقستان وبلىسىنداعى «ورال ساۋدا-ونەركاسىپ كومپانياسى» جشس ماراپاتتالسا, «حالىققا ارنالعان تاۋارلار شىعاراتىن ۇزدىك كاسىپورىن» نوميناتسياسى بويىنشا سولتۇستىك قازاقستان وبلىسى «رادۋگا» جشس, تۇركىستان وبلىسىنداعى «بال تەكستيل» جشس, جامبىل وبلىسىنداعى «Novacom Technology» جشس توپ جاردى.
ال «قىزمەت كورسەتەتىن ۇزدىك كاسىپورىن» نوميناتسياسىندا ۇزدىك ۇشتىككە استانا قالاسىنداعى «مىرزا-حان» جشس جانە «تەمىرجول كولىگىندەگى قازاقستاندىق سەرتيفيكاتتاۋ ورتالىعى» جشس سونداي-اق, ماڭعىستاۋ وبلىسىنداعى «بيكادا» جشس ماراپاتتالدى. بۇعان قوسا, «ازىق-ت ۇلىك جانە اۋىل شارۋاشىلىعى ونىمدەرىن شىعاراتىن ۇزدىك كاسىپورىن» اتالىمى بويىنشا الماتى وبلىسىنداعى «رىبپروم» جشس, الماتى قالاسىنداعى «بيجان» ەت وڭدەۋ كەشەنى» جشس, اقمولا وبلىسىنداعى «گورمولزاۆود» جشس ماراپاتقا يە بولدى.
بيىل ەلباسىنىڭ «التىن ساپا» سىيلىعىن الۋعا ۇمىتكەر رەتىندە 182 كاسىپورىن قاتىسسا, ونىڭ ىشىندە 78-ءى شاعىن كاسىپكەرلىك بويىنشا 76-سى ورتا ال, 28-ءى ءىرى كاسىپكەرلىك بويىنشا ءوتىنىش بەرگەن.
جىل سوڭىنداعى ايتۋلى ماراپاتتاردىڭ ءبىرى - «قازاقستاننىڭ ۇزدىك تاۋارى» اتاعى. بيىل بۇل بايقاۋعا قاتىسۋ ءۇشىن ەلىمىزدىڭ بارلىق وڭىرلەرىنەن 1163 شاعىن, ورتا جانە ءىرى كاسىپورىنداردان ءوتىنىش تۇسكەن. ولاردىڭ ىشىندە 153-ءى رەسپۋبليكالىق كەزەڭگە ىرىكتەلىنىپ الىنعان.
وندىرىستىك ماقساتتاعى ۇزدىك تاۋارلار اتالىمىن الماتى وبلىسىنداعى «DOLCE» جشس جانە شىمكەنت قالاسىنداعى «زەردە – كەراميكا» جشس, قوستاناي وبلىسىنداعى «مەديدەز» ۇەۇ»جشس يەلەنسە, حالىققا ارنالعان ۇزدىك تاۋارلار اتالىمىنا اقتوبە وبلىسىنداعى «West Line doors» جشس, اتىراۋ وبلىسىنداعى «Caspiy Lana Atyrau» جشس جانە قىزىلوردا وبلىسىنداعى «Dalatex» جشس يە بولدى. سونداي-اق, ۇزدىك ازىق - ت ۇلىك تاۋارلارى نوميناتسياسىنا الماتى وبلىسىنداعى «شين لاين» جشس, سولتۇستىك قازاقستان وبلىسىنداعى «ViZaVi Company» جشس جانە دە الماتى وبلىسىنداعى «Danone Berkut» جشس يە بولدى.
ەركەجان ايتقازى,
«ەگەمەن قازاقستان»