قۇستار كەلىپ, مەكەن جايعا قونىسىپ,
جىل بويىنا كورمەگەندەر كورىسىپ,
بۇلاردا دا جەسىر مەنەن ۇيا داۋ,
شۋلاپ جاتىر بۇتاقتاردى ءبولىسىپ.
قۇستار كەلىپ, مەكەن جايعا قونىسىپ,
جىل بويىنا كورمەگەندەر كورىسىپ,
بۇلاردا دا جەسىر مەنەن ۇيا داۋ,
شۋلاپ جاتىر بۇتاقتاردى ءبولىسىپ.
ادامدارعا ۇقتىرسام دەپ ءىس ءمانىن,
ءتىل ورنىنا يشارا ەتكەن تۇسپالىن.
ءتاڭىرىم ءوزى ون سەگىز مىڭ عالامنىڭ,
جاقىنداۋ عىپ جاراتقان كەي تۇستارىن.
قارلىعاشتار جەتەلەگەن كوكتەمدى,
كوپ بولدى عوي كورىنبەيسىڭ كوپ بولدى.
سەكەم الىپ كەتتىڭ بە الدە بىزدەردەن,
مەكەن تاۋىپ ادامدارى جوق جەردى.
قاناتىڭا ىلەستىرىپ جىلى اعىن,
كەلتىرۋشى ەڭ سىرلى اۋەننىڭ قۇلاعىن.
قارلىعاشتار, قارلىعاشتار كەلسەڭشى,
جانعا جاقىن سەنىسەتىن سىڭارىم.
قاردى سىلكىپ, جايسا كوكتەم كىلەمىن,
سول كىلەمنىڭ كوپ قارايمىن ءتۇر-ءوڭىن.
مىنا ءوڭىردىڭ قايدا كەتكەن ورنەگى,
قۇلپىراتىن قايدا كەتكەن گ ۇلى ونىڭ.
وتباسى مەن ەلدىڭ, جەردىڭ تىلەۋىن,
تىلەپ جۇرەم بار دۇنيەنىڭ تۇگەلىن.
قارلىعاشتار نەگە كەلمەي قالعان دەپ,
تىنشي الماي اتقاقتايدى جۇرەگىم.
قارلىعاشىم, قاناتتى دا تەكتى ەدىڭ,
سول كەتكەننەن مول كەتكەنىڭ نە ەتكەنىڭ,
بالاپاندى وسى جاققا تۇلەتىپ,
نەگە بىزگە باۋىرباستى ەتپەدىڭ.
تابيعاتتىڭ زاڭى سول ما رەتتەيتىن,
ءالى جەتكەن السىزدەردى شەتتەيتىن.
الدە سەنى جىبەردى مە بەزدىرىپ
الا قانات بۇزىق تورعاي ەت جەيتىن.
ۋا, تابيعات, تىرشىلىگىم, تۇنىعىم,
ءومىر مەنەن جارىق دۇنيە ءبىر ۇعىم.
مەنىڭ داعى ءبىر تال شاشىم اعارار
كوكتەمەسە سەنىڭ دە ءبىر شىبىعىڭ.
دۋلات تۇرانتەگى.
وڭتۇستىك قازاقستان وبلىسى.