«1 جەلتوقسان – قازاقستان رەسپۋبليكاسىنىڭ تۇڭعىش پرەزيدەنتى كۇنى» مەملەكەتتىك مەيرامىنا وراي, قىزىلوردا وبلىسى پوليتسيا دەپارتامەنتىنىڭ ۇلكەن ءماجىلىس زالىندا مەرەكەلىك ءىس-شارا ءوتتى.
«1 جەلتوقسان – تۇڭعىش پرەزيدەنت كۇنى» مەرەكەسىنە ارنايى تۇسىرىلگەن «تۇڭعىش پرەزيدەنتتىڭ ءومىر جولى» بەينەروليگى دەپارتامەنت قىزمەتكەرلەرىنىڭ نازارىنا ۇسىنىلدى.
شارا سالتاناتتى ءانۇران ىرعاعىمەن اشىلىپ, قازاقستان رەسپۋبليكاسىنىڭ ىشكى ىستەر ءمينيسترى پوليتسيا گەنەرال- پولكوۆنيگى قاسىموۆ قالمۇحانبەت نۇرمۇحانبەت ۇلىنىڭ قۇتتىقتاۋ حاتى وقىلدى.
قىزىلوردا وبلىسى پوليتسيا دەپارتامەنتىنىڭ باستىعى پوليتسيا پولكوۆنيگى قايرات مۇحيتوۆ ءسوز الىپ, جينالعانداردى, جەكە قۇرامدى ايتۋلى مەرەكەمەن قۇتتىقتادى.
مەرەكەلىك شارا بارىسىندا قوعامدىق ءتارتىپتى قامتاماسىز ەتىپ, حالىقتىڭ قۇقىعى مەن بوستاندىعىنىڭ قورعالۋى جولىندا ەرەكشە كوزگە ءتۇسىپ, ۇزدىك ناتيجەلەرگە قول جەتكىزگەنى ءۇشىن بارلىعى 136 پوليتسيا قىزمەتكەرلەرى, ارداگەرلەر ماراپاتتالدى.
ونىڭ ىشىندە, مەرزىمىنەن بۇرىن «پوليتسيا پودپولكوۆنيگى» اتاعى تەرگەۋ باسقارماسى باستىعىنىڭ ورىنباسارى پوليتسيا مايورى ساكەن سىزدىققا بەرىلسە, 7-ءى قىزمەتكەر ءىى-دارەجەلى «ىشكى ىستەر ورگاندارىنىڭ ۇزدىگى» ءتوس بەلگىسىمەن ماراپاتتالدى. ايتا كەتەرلىك جايت, ماراپاتتالعانداردىڭ قاتارىندا قۇقىق بۇزۋشىلىقتارمەن كۇرەسىپ, قۇقىقتىق ءتارتىپتىڭ قامتاماسىز ەتىلۋى جولىندا ايانباي ەڭبەك ەتىپ جۇرگەن تومەنگى قۇرىلىم قىزمەتكەرلەرى, اۋداندىق پوليتسيا بولىمدەرى, قالالىق پوليتسيا باسقارماسىنىڭ قىزمەتكەرلەرى دە بار.
بۇدان ءارى شارا كونتسەرتتىك باعدارلاماعا ۇلاستى, پاتريوتتىق اندەر ايتىلىپ, مەرەكەلىك بيلەر ۇسىنىلدى.