ەلباسىنىڭ « ۇلى دالانىڭ جەتى قىرى» ماقالاسى حالىقارالىق باسىلىم بەتتەرىنەن كورىنىس تاۋىپ, بەلگىلى ساياساتكەرلەر ءوز پىكىرلەرىمەن ءبولىستى. اقپارات قۇرالدارى قازاقستان مەن تۇركى الەمىنىڭ تاريحىن جاڭعىرتۋعا باعىتتالعان ماقالاداعى جاڭا جوبالار مەن ەلىمىزدىڭ بۇعان دەيىنگى جەتىستىكتەرىنە توقتالعان.
تۇركيانىڭ «TRTAVAZ» تەلەارناسى مەملەكەت باسشىسىنىڭ جاڭا ماقالاسىندا قولعا الىنۋى جوسپارلانعان جوبالارعا نازار اۋدارىپ, تۇركى الەمى ءۇشىن تىڭ جاڭالىقتار جۇزەگە اسىرىلاتىنىن ايتقان.
بەلگىلى ساياساتكەر, «VATAN» گازەتىنىڭ كولۋمنيسى كۇرشاد زورلۋ «قازاقستان پرەزيدەنتى نۇرسۇلتان نازارباەۆ تۇركى الەمىنە جاڭا سەرپىن الىپ كەلەتىن «تۇركى وركەنيەتى: ءتۇپ-تامىرىنان قازىرگى زامانعا دەيىن» جوباسىن جاريالادى. 2019 جىلى استانادا الەم تۇركولوگتارىنىڭ باسقوسۋى جوسپارلانعان. ودان بولەك ۆيكيپەديا ۇلگىسىندە تۇركى حالىقتارىنا ورتاق تۋىندىلاردىڭ بىرىڭعاي ونلاين كىتاپحاناسىن اشۋ قولعا الىنادى», دەپ ءوز ويىمەن ءبولىستى.
رەسەيدىڭ «مير 24» تەلەارناسى ەلىمىزدە ءتول تاريحىمىزدى زەرتتەۋگە نەگىزدەلگەن التى اۋقىمدى جوبانىڭ جۇزەگە اساتىنىن, ساياساتكەرلەر مەن عالىمدار ارحيۆ ءىسىن قولعا الىپ, بۇعان دەيىن شەشىلمەگەن شەجىرەنىڭ حالىققا جول تارتاتىنىن حابارلايدى.
تەلەارنانىڭ ايتۋىنشا, قازاقستان – توپىراعى كوپتەگەن جاڭالىق پەن وركەنيەتتىڭ باستاۋ العان جەرى. سونىمەن قاتار ەلىمىزدىڭ سولتۇستىك وڭىرىندەگى ەنەوليت داۋىرىنە تيەسىلى «بوتاي» قونىسىندا جۇرگىزىلگەن قازبا جۇمىستارى جىلقىنىڭ تۇڭعىش رەت قازىرگى قازاقستان اۋماعىندا قولعا ۇيرەتىلگەنىن دالەلدەنگەنىن حابارلاعان «مير 24» سوڭعى جىلدارى ەلىمىزدە تاريح پەن مادەنيەتتى دامىتۋعا باعىتتالعان شارالاردىڭ كوپتەپ ۇيىمداستىرىلىپ جاتقانىن ايتىپتى. «مادەني مۇرا» مەن «رۋحاني جاڭعىرۋ» باعدارلامالارى اياسىندا مىڭداعان اۋقىمدى زەرتتەۋ جۇمىستارى جۇرگىزىلىپ, ول شارالاردىڭ ەل اسىپ, شەتەلدە دە جالعاسىن تاپقانىن نازاردان تىس قالدىرماپتى.
وزبەكستاننىڭ «FERGANA NEWS» اقپاراتتىق اگەنتتىگى ەجەلگى قالالاردىڭ ورنى, ورتاعاسىرلىق ارحيتەكتۋرا ەسكەرتكىشتەرى مەن ۇلتتىق ءداستۇر ارقاۋ بولعان ەلباسىنىڭ جاڭا ماقالاسىنان ۇزىندىلەر كەلتىرىپ, «رۋحاني جاڭعىرۋ» باعدارلاماسىنىڭ ناتيجەلەرىمەن بولىسكەن. اقپارات اگەنتتىگىنىڭ ايتۋىنشا, باعدارلاما اياسىندا لاتىن قارپىنە كوشۋ مەن «100 جاڭا ەسىم» جوباسى باستالىپ, «قازاقستاننىڭ ساكرالدى كارتاسىنىڭ» جاسالۋى قولعا الىنعان.
سونىمەن قاتار ەلباسى ماقالاسىندا حالىق مۋزىكاسى مەن فولكلورعا ەرەكشە ءمان بەرىلىپ, قازاقستاننىڭ تۇكپىر-تۇكپىرىنە ەكسپەديتسيالار جۇرگىزىپ, «دالا فولكلورىنىڭ انتولوگياسىن» جاساقتاۋدى قولعا الۋ ۇسىنىلعانىن حابارلاعان. بۇدان بولەك پرەزيدەنتتىڭ مەملەكەتتەگى ءتۋريزمدى دامىتۋدى جولعا قويۋ جوسپارىمەن ءبولىسىپتى.
رۋمىنيالىق «NINE O’CLOCK» گازەتى ەلباسىنىڭ جاڭا ماقالاسىن جاريالاپ, ەل تاريحىن جاڭعىرتۋعا باعىتتالعان جوبالاردىڭ جۇزەگە اساتىنىن حابارلاعان. اقپارات قۇرالى وتكەنىن ماقتان تۇتىپ, بۇگىنىن ناقتى باعالاي ءبىلۋ جانە بولاشاققا وڭ كوزقاراس تانىتۋ – قازاقستاندى تابىسقا جەتەلەيتىنىن جازىپتى.
دايىنداعان سۆەتلانا عالىمجانقىزى,
«ەگەمەن قازاقستان»