العاشقى ماۋسىمداعى ساتسىزدىك

ۇلتتار ليگاسىن قۇرۋ يدەيا­سى قولعا الىنعاندا بىرقاتار وتاندىق فۋتبول ماماندارى بۇل قازاقستان قۇراماسى ءۇشىن ەۋروپا چەمپيوناتىندا ونەر كورسەتۋىنە تاماشا مۇمكىندىك دەپ باعالاعان بولاتىن. ءتىپتى «استانا» كومانداسىمەن ەۋروپانى ءدۇر سىلكىندىرگەن باپكەر ستانيمير ستويلوۆ جىل باسىندا ۇلتتىق قۇراما تىزگىنىن ۇستاعاندا جانكۇيەرلەر مەن مامانداردىڭ جەڭىسكە دەگەن سەنىمى ارتا ءتۇستى. الايدا ۇلتتار ليگاسىنىڭ العاشقى ماۋسىمى قازاقستان ءۇشىن ءساتتى بولا قويعان جوق. جاڭا ءتۋرنيردىڭ شىمىلدىق اشار كەزدەسۋىن جەڭىلىسپەن باس­تاعان فۋتبولشىلارىمىز سوڭعى ويىنىن دا جەڭىلىسپەن اياقتادى. 

«D» ليگاسىنداعى ءبىرىنشى توپتا گرۋزيا, اندوررا جانە لاتۆيا قۇرامالارىمەن سىنعا تۇسكەن قازاقستان قۇرماسى 6 ويىندا 6 ۇپاي جيناپ, توپتى ەكىنشى ورىنمەن اياقتادى. العاشقى كەزدەسۋدى «استانا ارەنا» ستاديونىندا گرۋزيا قۇراماسىنا قارسى وت­كىزگەن ءبىزدىڭ فۋتبولشىلار 0:2 ەسەبىمەن ەسە جىبەرسە, سىرت الاڭ­دا اندوررا قۇراماسىمەن تەڭ ءتۇس­تى. توپتاعى ءۇشىنشى كەزدەسۋدى لات­ۆياعا قارسى وتكىزىپ, تاعى دا 1:1 ەسەبىمەن تەڭ تۇستىك. ءتورتىنشى تۋر­دا اندوررا قۇراماسىن قابىل­داعان قازاقستاندىق فۋتبولشىلار قارسىلاستار قاقپاسىنا جاۋاپسىز ءتورت گول سوعىپ, جانكۇيەرلەردىڭ كوڭىل كۇيىن كوتەرىپ تاستادى. ءبىر قىزىعى, قازاقستان قۇراماسىنىڭ رەسمي ويىندا جەڭىسكە جەتپەگەنىنە ءۇش جىل بولعان ەكەن. سوڭعى رەت قۇراما 2015 جىلى ەۋرو-2016 دوداسىنىڭ ىرىكتەۋ اياسىندا سىرتتا لاتۆيانى ۇتقان. سول كەزدە يسلامبەك قۋاتتىڭ جالعىز گولىنىڭ ارقاسىندا ءۇش ۇپاي ەنشىلەگەن ەدىك. ۇلتتار ليگاسىنىڭ بەسىنشى تۋرىندا ءوز الاڭىمىزدا لاتۆيامەن تەڭ ويناساق (1:1), سوڭعى تۋردا سىرت الاڭدا گرۋزيادان 2:1 ەسەبىمەن ەسە جىبەردىك. 

جالپى, قازاقستان قۇراماسى ۇلتتار ليگاسىنداعى التى ويىندا قارسىلاستار قاقپاسىنا 8 گول سوعىپ, ءوز قاقپاسىنا 7 گول وتكىزىپ الدى. 8 گولدىڭ ۇشەۋىن قورعاۋشىلار سالسا, بەسەۋىن شابۋىلشىلار سوقتى. تۋرنيردە 11 فۋتبولشىمىز سارى قاعازبەن جا­زالانىپ, ءبىر ويىنشىمىز (سە­رىكجان مۇجىقوۆ) قىزىل قا­عاز الدى. وسىلايشا قازاقستان قۇ­را­ماسى ۇلتتار ليگاسىنداعى ال­عاش­قى ماۋ­سىمىن ەكىنشى ورىنمەن اياقتادى.

قازاق فۋتبولىنداعى كۇرمەۋى شەشىلمەي كەلە جاتقان نەگىزگى ماسەلەنىڭ ءبىرى شابۋىلشىلار دەپ ايتقانىمىزبەن, قاقپاشى ماسەلەسى ودان دا كۇردەلى بولىپ تۇرعان سەكىلدى. ويتكەنى قازىرگى قۇرامانىڭ وزىندە وزگە ەلدە تۋعان ەكى قاقپاشى ءجۇر. ۇلتتار ليگاسى باستالعالى قاقپانى سەربيادان كەلگەن نەناد ەريچ كۇزەتىپ جۇرسە, گرۋزيامەن ويىندا ۋكراينالىق  «قازاق» دميترو نەپوگودوۆ شىق­تى. وسىلايشا وزگە ەلدەن كەلىپ, قازاقستان نامىسىن قور­عا­عان قاقپاشىلاردىڭ سانى سەگىز­گە جەتتى. بۇعان دەيىن وزبەك فۋت­بولىنىڭ تۇلەگى ۆلاديمير تسيرين مەن جاسۋر نارزيكۋلوۆ, تۇرىك­مەنستاننان كەلگەن ۆيتالي كا­فانوۆ, رەسەيلىك اندرەي مورەۆ پەن اندرەي سيدەلنيكوۆ, ۋكراي­نالىق رومان نەستەرەنكو قازاق­ستان قۇراماسىنىڭ قاق­پاسىندا تۇرعان بولاتىن. وعان ەريچ پەن نەپوگودوۆ قوسىلىپ وتىر. وسىلاردىڭ اراسىندا ەڭ كوپ ويىن وتكىزگەن – سيدەلنيكوۆ. ول 29 ماتچقا قاتىسقان. ودان كە­يىنگى تىزىمدە ەريچ (8), كافانوۆ (6), نار­زيكۋلوۆ (3), مورەۆ (2), نەس­تەرەنكو (2). تسيرين (1), نەپو­گودوۆ (1) تۇر.

ۇلتتار ليگاسىنىڭ وزگە تو­بىن­داعى جاعدايعا از-كەم توقتا­لىپ وتسەك. گەرمانيا قۇراماسى ءۇشىن بيىل وتە ءساتسىز ماۋسىم بولادى. رەسەيدە وتكەن الەم چەمپيوناتىندا توپتىق كەزەڭنەن شىعا الماسا, ۇلتتار ليگاسىندا «ا» ليگاسىندا سىنعا تۇسكەن گەرمانيا ءبىر ساتى تومەن سىرعىپ, «ۆ» ليگاسىنا ءتۇسىپ قالدى. ءتورت ويىننىڭ ەكەۋىندە تەڭ ءتۇسىپ, ەكى ويىندا جەڭىلدى. سونىمەن قاتار گەرمانيادان بولەك «ا» ليگاسىنان «ۆ» ليگاسىنا يسلانديا, پولشا جانە حورۆاتيا ءتۇسىپ قالسا, ولاردىڭ ورنىن ۋكراينا, شۆەتسيا, بوسنيا جانە گەرتسەگوۆينا مەن دانيا قۇرامالارى تولىقتىردى. 

«ۆ» ليگاسىندا سوڭعى ورىن­دى يەلەنگەن سلوۆاكيا, تۇر­كيا, سولتۇستىك يرلانديا مەن ير­لانديا «س» ليگاسىنا اۋىسسا, شوتلانديا, فينليانديا, نورۆەگيا جانە سەربيا قۇرامالارى «ۆ» ليگاسىنا كوتەرىلدى. «س» ليگاسىنداعى ەستونيا, كيپر, سلوۆەنيا جانە ليتۆا «D» ليگاسىنا كوشسە, ولاردىڭ ورنىن «D» ليگاسىنىڭ ۇزدىكتەرى گرۋزيا, بەلارۋس, كوسوۆو جانە ماكەدونيا تولىقتىردى.

كەشە ۇلتتار ليگاسى ءتۋر­ني­رىنىڭ قورىتىندىسى بويىنشا ۋەفا 2020 جىلى وتەتىن ەۋروپا چەم­پيوناتىنىڭ ىرىك­تەۋ كەزەڭ­ىن­دە وينايتىن قۇراما­لار­دى ءارتۇرى سە­بەتتەرگە ءبولىپ تاستادى. ىرىكتەۋ بو­يىنشا, قازاقستان­نىڭ فۋتبول­شىلارى 2020 جى­لى وتەتىن كار­ى قۇرلىق چەمپيوناتىنىڭ ىرىك­تەۋ تۋرنيرىندە بەسىنشى سەبەتكە ءتۇستى. بۇل سەبەتتە بىزدەن بو­لەك, ماكەدونيا, كوسوۆو, بەلا­رۋس, ليۋكسەمبۋرگ, ارمەنيا, ازەر­باي­جان, مولدوۆا, گيبرالتار جانە فارەر ارالدارى بار. 

ال وزگە سەبەتتەردە مىنا ەل­­دەر­­دىڭ ۇلتتىق قۇراما كوماندالارى بار: 

1 سەبەت – شۆەيتساريا, پور­تۋ­گاليا, گوللانديا, انگليا, بەل­­گيا, فرانتسيا, يسپانيا, يتا­ليا, حورۆاتيا جانە پول­شا. 

2 سەبەت – گەرمانيا, يسلان­ديا, بوسنيا جانە گەرتسەگوۆينا, ۋك­­راي­نا, دانيا, شۆەتسيا, رە­سەي, اۋستريا, ۋەلس جانە چە­حيا. 

3 سەبەت – سلوۆاكيا, تۇركيا, ير­لانديا, سولتۇستىك يرلانديا, شوتلانديا, نورۆەگيا, سەربيا, فين­ليانديا, بولگاريا جانە يز­رايل.

4 سەبەت – ۆەنگريا, رۋمىنيا, گرە­كيا, البانيا, چەرنوگوريا, كيپر, ەستونيا, سلوۆەنيا, ليت­ۆا جانە گرۋزيا. 

6 سەبەت – لاتۆيا, ليحتەنش­تەين, اندوررا, مالتا جانە سان-مارينو. 

2020 جىلى وتە­تىن ەۋروپا چەم­پيوناتى ىرىك­تەۋ ءتۋر­نيرى­نىڭ جەرەبەسى 2 جەلتوق­ساندا ير­لان­ديانىڭ استاناسى – دۋب­لين قالاسىندا تارتىلادى. ال جارىستىڭ ءوزى كەلەسى جىلدىڭ ناۋ­رىز ايىندا باستالادى.

ءالي بيتورە,

«ەگەمەن قازاقستان»