امەريكانىڭ اتلانتيك-سيتي قالاسىندا حالىقارالىق جەكپە-جەك ونەرى اكادەمياسىنىڭ (The Academy Awards Of Martial Arts) قورىتىندىلاۋىمەن سپورتتاعى «وسكار» سىيلىعى تاپسىرىلدى.
كينوداعى سپورت پەن جالپى سپورت سالاسىنا ەلەۋلى ۇلەس قوسقان شىعارماشىلىق توپ پەن جەكەلەگەن تۇلعالارعا بەرىلەتىن بۇل سىيلىقتى تاپسىرۋ سالتاناتىنا الەمنىڭ 16 مەملەكەتىنەن جەكپە-جەك ونەرىنىڭ 1200 حاس شەبەرى قاتىستى. ولاردىڭ ساپىندا ءوزىمىز كينوفيلمدەردەن تاماشالاپ جۇرگەن گولليۆۋد كينوجۇلدىزدارى سينتيا روتروك, دەن سەۆەرەن, بيللي ۆوللەس سەكىلدى كينو ونەرىنە سپورتتىق جەتىستىكتەرىمەن كەلگەن بەلگىلى ارتىستەر بار.
امەريكانىڭ اتلانتيك-سيتي قالاسىندا حالىقارالىق جەكپە-جەك ونەرى اكادەمياسىنىڭ (The Academy Awards Of Martial Arts) قورىتىندىلاۋىمەن سپورتتاعى «وسكار» سىيلىعى تاپسىرىلدى.
كينوداعى سپورت پەن جالپى سپورت سالاسىنا ەلەۋلى ۇلەس قوسقان شىعارماشىلىق توپ پەن جەكەلەگەن تۇلعالارعا بەرىلەتىن بۇل سىيلىقتى تاپسىرۋ سالتاناتىنا الەمنىڭ 16 مەملەكەتىنەن جەكپە-جەك ونەرىنىڭ 1200 حاس شەبەرى قاتىستى. ولاردىڭ ساپىندا ءوزىمىز كينوفيلمدەردەن تاماشالاپ جۇرگەن گولليۆۋد كينوجۇلدىزدارى سينتيا روتروك, دەن سەۆەرەن, بيللي ۆوللەس سەكىلدى كينو ونەرىنە سپورتتىق جەتىستىكتەرىمەن كەلگەن بەلگىلى ارتىستەر بار.
وتكەن 2011 جىلى سپورتقا ءسىڭىرگەن ەڭبەگى ءۇشىن سپورتتىق «وسكار» سىيلىعى تۇڭعىش رەت قازاقستاندىق داۋرەن مۇساعا تابىس ەتىلدى. ول باسقاراتىن «Kazakhstan Invest & Trade Group» كومپانياسى «بەس قارۋ» ۇلتتىق سپورت فەدەراتسياسىن قۇرىپ, بىلتىر ەلىمىزدە «قازاقشا توبەلەس» اتتى جەكپە-جەك سايىسىن ۇيىمداستىرعان ەدى. بۇعان دەيىن دە بىرنەشە حالىقارالىق ماراپاتقا يە بولىپ ۇلگەرگەن «بەس قارۋ» فەدەراتسياسى سپورتتىق سايىستار ۇيىمداستىرۋمەن قاتار, «الەم اياعىمىزدىڭ استىندا» دەپ اتالاتىن جاڭا مەلودراما ءتۇسىرىپ جاتىر. جەكپە-جەك ونەرىنىڭ ەلەمەنتتەرىنە باي جاڭا تۋىندىدا باستى رولدەردە بەلگىلى كينوجۇلدىزدار ارماند اسسانتە, كەري حيرويۋكي تاگاۆا, بولو يەنگ, پيتەر و’تۋل, مايكل مەدسەن, توم لەستەر سەكىلدى تانىمال تۇلعالار وينايدى.
قانات ەسكەندىر,
الماتى.
سۋرەتتە: داۋرەن مۇسا.