شەرەمەتەۆو اۋەجايىنان ۇشىپ بارا جاتقان «ماسكەۋ-افينى» باعىتىنداعى ۇشاق ەر ادامدى قاعىپ كەتىپ, مەرت قىلدى, دەپ حابارلايدى تاسس اگەنتتىگى.
«شەرەمەتەۆو اۋەجايىندا ماسكەۋ-افينى باعىتىمەن ۇشقالى جاتقان اۋە كەمەسىنىڭ ەكيپاجى ۇشىپ-قونۋ جولاعىنىڭ بويىمەن قوزعالىپ بارا جاتقان كەزىندە جەرگىلىكتى ۋاقىت بويىنشا ساعات 20:10-دا بەلگىسىز زاتپەن سوقتىعىسقانى تۋرالى حابار بەرگەن.
«وقيعا ورنىن تەكسەرۋ فاكتىسى بارىسىندا وندا ەر ادامنىڭ ءولى دەنەسى, كيىمى جانە وزگە دە جەكە زاتتارى تابىلدى. قازا بولعان ەر ادامنىڭ اتى-ءجونى انىقتالدى, اقپارات ءتيىستى جەدەل ءىس-شارالاردى وتكىزۋ ءۇشىن پوليتسياعا جىبەرىلدى», - دەدى اۋەجايدىڭ قوعاممەن بايلانىس ديرەكتسياسىنىڭ باسشىسى اننا زاحارەنكوۆا. ونىڭ ايتۋىنشا, وقيعا ورنىنا «اپاتتار مەديتسيناسى» ورتالىعى مەن جەدەل جاردەم بريگادالارى, اۆياتسيالىق قاۋىپسىزدىك جانە كولىكتىك پوليتسيا قىزمەتتەرى دەرەۋ كەلىپ جەتكەن.
اتالعان فاكتى بويىنشا تەكسەرۋ جۇمىستارى باستالدى. وقيعا ورنىندا تەرگەۋ-جەدەل توبى جۇمىس ىستەپ جاتىر. پروكۋراتۋرا, سونداي-اق, شەرەمەتەۆو اۋەجايىنداعى ۇشىپ-قونۋ جولاعىندا ەر ادامنىڭ ولىمىنەن كەيىن اۆياتسيالىق قاۋىپسىزدىكتى قامتاماسىز ەتۋ تۋرالى زاڭ تالاپتارىنىڭ ورىندالۋىن تەكسەرۋدى باستادى. تەكسەرۋ قورىتىندىسى بويىنشا, نەگىزدەمەلەر بار جاعدايدا ءتيىستى پروكۋرورلىق ەلەۋ شارالارىن قابىلداۋ ماسەلەسى شەشىلەدى.