بۇگىن جاريالانعان نۇرسۇلتان نازارباەۆتىڭ ماقالاسىندا « ۇلى دالا» اتتى ەجەلگى ونەر جانە تەحنولوگيالار مۋزەيىن اشۋعا تولىق مۇمكىندىگىمىز بار ەكەنىن ايتتى.
« ۇلى دالا» اتتى ەجەلگى ونەر جانە تەحنولوگيالار مۋزەيىن اشۋعا تولىق مۇمكىندىگىمىز بار. وعان وزىق ونەر مەن تەحنولوگيا ۇلگىلەرىن – اڭ ستيلىندە جاسالعان بۇيىمداردى, «التىن ادامنىڭ» جاراقتارىن, جىلقىنى قولعا ۇيرەتۋ, مەتاللۋرگيانى دامىتۋ, قارۋ-جاراق, ساۋىت-سايمان دايىنداۋ ۇدەرىسىن كورسەتەتىن زاتتاردى جانە باسقا دا جادىگەرلەردى جيناقتاۋعا بولادى. وندا قازاقستان جەرىنەن تابىلعان قۇندى ارحەولوگيالىق ەسكەرتكىشتەر مەن ارحەولوگيالىق كەشەندەردىڭ ەكسپوزيتسيالارى قويىلادى. بۇل زاتتار تاريحي داۋىرلەردىڭ قانداي دا ءبىر كەزەڭىندەگى ءارتۇرلى شارۋاشىلىق سالالارىنىڭ دامۋ ۇدەرىسىن كورسەتەدى», دەدى ەلباسى.
سونداي-اق ماقالادا « ۇلى دالانىڭ ۇلى وركەنيەتتەرى» اتتى جالپىۇلتتىق تاريحي رەكونسترۋكتسيالار كلۋبىن قۇرىپ, سونىڭ نەگىزىندە استانادا جانە قازاقستاننىڭ وزگە دە وڭىرلەرىندە ەجەلگى ساقتار, عۇندار, ۇلى تۇركى قاعاندارىنىڭ ءداۋىرى جانە باسقا دا تاقىرىپتار بويىنشا فەستيۆالدار وتكىزۋگە بولاتىنىن, وعان قىزىعۋشىلىق بىلدىرگەن ادامداردى تارتا وتىرىپ, وسى تاقىرىپتار اياسىنداعى جۇمىستاردى ءبىر مەزگىلدە جۇرگىزۋگە بولاتىنى باسا ايتىلعان.
ايتا كەتەيىك, وعان قوسا بىلىمدى جانە ءتۋريزمدى دامىتۋعا كوڭىل ءبولۋ كەرەكتىگىن ايتتى.
«ەجەلگى وتىرار قالاسىنىڭ بىرقاتار نىساندارىن – ۇيلەرى مەن كوشەلەرىن, قوعامدىق ورىندارىن, سۋ قۇبىرلارىن, قالا قامالىنىڭ قابىرعالارى مەن تاعى دا باسقا جەرلەرىن ءىشىنارا قالپىنا كەلتىرەتىن تۋريستىك جوبا دا قىزىقتى بولماق.
وسىنىڭ نەگىزىندە ءبىلىمدى دارىپتەۋگە جانە ءتۋريزمدى دامىتۋعا باسا ءمان بەرىلۋى قاجەت».