لوندون وليمپياداسىنىڭ الاۋى 10 مامىردا, قالىپتاسقان ءداستۇر بويىنشا وليمپ تاۋىندا تۇتانادى. ول اۋەلى گرەكيانىڭ بىرقاتار جەرىن ارالاپ, 18 مامىردا ارنايى رەيسپەن ۇلىبريتانياداعى «Culdrose» اسكەري-تەڭىز بازاسىنا جەتكىزىلەدى.
لوندون وليمپياداسىنىڭ الاۋى 10 مامىردا, قالىپتاسقان ءداستۇر بويىنشا وليمپ تاۋىندا تۇتانادى. ول اۋەلى گرەكيانىڭ بىرقاتار جەرىن ارالاپ, 18 مامىردا ارنايى رەيسپەن ۇلىبريتانياداعى «Culdrose» اسكەري-تەڭىز بازاسىنا جەتكىزىلەدى.
ودان كەيىن الاۋ انگليا, ۋەلس, شوتلانديا جانە سولتۇستىك يرلانديا قالالارىن 70 كۇن بويى ارالايدى. الاۋگەرلەر ونى 1018 ەلدى مەكەندە ۇستاپ شىعادى. وسى شاراعا مىڭنان اسا رەسمي تۇلعالار, سپورتشىلار, جۋرناليستەر جانە جەرگىلىكتى تۇرعىندار قاتىسادى. الاۋ بەلگىلەنگەن جەرلەرگە ۇشاق, كەمە, پويىز, ترامۆاي, اسپالى جولدار, اۋە شارى, موتوتسيكل جانە ۆەلوسيپەد ارقىلى جەتكىزىلەدى.قازىردىڭ وزىندە ءتۇرلى سالادا قىزمەت ەتەتىن 8 مىڭ ادام الاۋدى ۇستاپ شىعۋ قۇرمەتىنە يە بولىپ ۇلگەرگەن. الاۋ ەڭ سوڭعى ساتتە لوندوننىڭ بارلىق اۋداندارىن شارلاپ, تەمزا وزەنى بويىمەن حەمپتون-كورت سارايى ارقىلى 27 شىلدەدە وليمپيا ويىندارىنىڭ اشىلۋ سالتاناتى وتەتىن الىپ ستاديونعا جەتكىزىلەدى.