بوكس دەسە ىشكەن اسىن جەرگە قويىپ, قانى قىزىپ سالا بەرەتىن قىزىلجارلىق جانكۇيەرلەر حالىقارالىق دارەجەدەگى العاشقى دودالى باسەكەنى تاماشالاۋ قۇرمەتىنە يە بولدى. ولار سوڭعى جىلدارى قارسىلاستارىنا دەس بەرمەي شارشى الاڭنىڭ شاڭىن شىعارىپ جۇرگەن جانات جاقيانوۆتىڭ جەكپە-جەگىن اسىعا كۇتكەن ەدى. تۇكپىردەگى اۋىلدا تۋىپ-وسكەن جەرلەسىمىز پەتروپاۆل قالاسىنا كەلگەننەن كەيىن عانا بوكسپەن شىنداپ شۇعىلدانا باستاعان. مەكتەپ بىتىرەر كەزدە ەگىزدىڭ سىڭارى ازامات ەكەۋىنىڭ سپورتتىڭ وسى تۇرىنە قۇمارلىعى ويانعان. باقتارىنا قاراي ءتاجىريبەلى باپكەر, رەسپۋبليكاعا ەڭبەك سىڭىرگەن جاتتىقتىرۋشى ۆ. چەرنىشكوۆقا تاپ بولعان.
بوكس دەسە ىشكەن اسىن جەرگە قويىپ, قانى قىزىپ سالا بەرەتىن قىزىلجارلىق جانكۇيەرلەر حالىقارالىق دارەجەدەگى العاشقى دودالى باسەكەنى تاماشالاۋ قۇرمەتىنە يە بولدى. ولار سوڭعى جىلدارى قارسىلاستارىنا دەس بەرمەي شارشى الاڭنىڭ شاڭىن شىعارىپ جۇرگەن جانات جاقيانوۆتىڭ جەكپە-جەگىن اسىعا كۇتكەن ەدى. تۇكپىردەگى اۋىلدا تۋىپ-وسكەن جەرلەسىمىز پەتروپاۆل قالاسىنا كەلگەننەن كەيىن عانا بوكسپەن شىنداپ شۇعىلدانا باستاعان. مەكتەپ بىتىرەر كەزدە ەگىزدىڭ سىڭارى ازامات ەكەۋىنىڭ سپورتتىڭ وسى تۇرىنە قۇمارلىعى ويانعان. باقتارىنا قاراي ءتاجىريبەلى باپكەر, رەسپۋبليكاعا ەڭبەك سىڭىرگەن جاتتىقتىرۋشى ۆ. چەرنىشكوۆقا تاپ بولعان.
ناعىز جۇرەكتىلەرگە عانا ءتان سپورتتىڭ وسى ءتۇرىنىڭ قىر-سىرىن تەز مەڭگەرىپ العان جانات 2006 جىلى اتاقتى بوكسشى عالىم جارىلعاپوۆ اتىنداعى حالىقارالىق ءتۋرنيردىڭ جەڭىمپازى اتانىپ, س.قوناقباەۆ اتىنداعى ارنايى سىيلىقتى يەلەنەدى. 2007 جىلى رەسەيدىڭ كوپەيسك قالاسىندا وتكەن حالىقارالىق جارىسقا قاتىسىپ, وسىمەن اۋەسقوي بوكسقا نۇكتە قويادى. ءومىربايانىنا قاراساق, كاسىپقوي بوكسپەن اينالىسقانىنا كوپ بولا قويماعان. بىراق قىسقا مەرزىمدە جيناعان اتاق-داڭقىنان ات ۇركەرلىك. 2011 جىلى ەۋروپا /EBU-EE/ جانە ازيا /WBC Asia Council Continental/ چەمپيونى اتانعان. 17 كەزدەسۋدىڭ 16-سىن جەڭىسپەن اياقتاعان. 9 قارسىلاسىن نوكاۋتپەن ۇتقان. قازىر الەمدىك رەيتينگ بويىنشا – 18, تمد-دا 3-ورىندا تۇر.ونىڭ تايلاندتىق قارسىلاسى لۋكدياۆ تور بۋماناسىڭ دا وڭاي شاعىلاتىن جاڭعاق ەمەس ەكەن. بۇكىلالەمدىك بوكس كەڭەسى /WBC/ جۇيەسى بويىنشا 2010 جىلى توپ جارعان. 14 كەزدەسۋدىڭ 11-ىندە مەرەيى ۇستەم بولعان. ەكس-چەمپيون سالماق ولشەۋ ءراسىمىندە باق وكىلدەرىنە سۇحبات بەرىپ, جاناتتى ءۇشىنشى راۋندتا جايراتىپ سالاتىنىن ايتىپ قالعاندا, بۇلشىق ەتتەرى بۇل-بۇلت ويناعان, كيىكتىڭ اسىعىنداي شىمىر شەتەلدىكتەن ءىش تارتقانىمىز راس. اۋىلدىڭ قاراپايىم بالاسى وزىنە ءتان سابىرلى مىنەزبەن ءبارىن رينگ كورسەتەدى دەپ ءسوزىن قىسقا قايىردى. ونىڭ وزىنە دەگەن سەنىمدى ءۇنى كوڭىلىمىزدى ورنىنا ءتۇسىردى.سول كۇنى وبلىس ورتالىعىنداعى «جەڭىس» بالالار جانە جاسوسپىرىمدەر سپورت مەكتەبىنىڭ زالىندا شىمىلدىق تۇرگەن دودانى تاماشالاۋعا كەلگەن كورەرمەندەر قالىڭ قولداي قايىسىپ, ينە شانشار ورىن بولمادى. «Hatton Promotions», «Ulan Boxinq» پروموۋتەرلىك كومپانيالارى جانە سولتۇستىك قازاقستان وبلىستىق اكىمدىگىنىڭ ۇيىمداستىرۋىمەن وتكەن سايىس قىزىلجارلىق جانكۇيەرلەردىڭ دەلەبەسىن قوزدىرىپ, نامىس وتىن قامشىلاپ وتىردى. بەدەلدى باسەكە الدىندا قىرعىزستاننان, وزبەكستاننان, شىمكەنتتەن كەلگەن بوكسشىلار قولعاپ ءتۇيىستىرىپ, جارىس كورىگىن قىزدىرا ءتۇستى.مىنە, شارشى الاڭعا الدىمەن تايلاندتىق كوتەرىلدى. اۋىزدىعىمەن الىسقان بايگە اتىنداي ءارلى-بەرلى ويقاستاپ, جەر تارپىپ تۇر. «بۇگىنگى بايگە مەنىكى» دەگەندەي, سەس كورسەتىپ, مىسىنىڭ باسىمدىعىن سەزدىرۋمەن الەك. جاناتىمىز ۇرتىنا سۋ تولتىرىپ العانداي تومسىرايعان قالپى. جانكۇيەرلەرگە بىرەر باس يزەگەنى بولماسا, باسقاداي مەزىرەت بىلدىرە قويعان جوق. ءبىرىنشى راۋند باستالماي جاتىپ جاناتتىڭ گۇرزى سوققىلارى تايلاندتىققا قارشا جاۋدى. العاشقى ساتتەردە تايلاندتىق قورعانىپ باققانىمەن, يەكتىڭ استىنان ءدال تيگەن سوققى مۇرتتاي ۇشىردى. تورەشى ەسەپ اشتى. قانشا ايتقانمەن, تالاي «تاياق جەپ وسكەن» نەمە نامىستى ەكەن, ەسىن تەز-اق جيىپ الدى. كوزدى اشىپ-جۇمعانشا دەلىك. جانات ءبىر گۇرزى سوققىسىن باۋىرعا, ەكىنشى سوققىسىن يەكتىڭ استىنا جۇمساپ, تاعى كەسكەن تەرەكتەي سۇلاتىپ سالدى. انا بايعۇس جىلانشا يرەلەڭدەپ, ورنىنان تۇرماققا تالپىنىپ ەدى, كۇشى كەلمەدى. زال سىلتىدەي تىنعان. اڭ-تاڭ. سەنەر ەمەس. ءبىر كەزدە جەڭىسكە كوزدەرى انىق جەتكەندەي دۋ ەتە ءتۇستى. «كۇش اتاسىن تانىمايدى» دەگەن وسى! ءسويتىپ, جانات جاقيانوۆ 53,5 كيلو سالماق دارەجەسى بويىنشا قوس بىردەي چەمپيوندىق اتاقتى ساقتاپ قالدى. وبلىس اكىمىنىڭ ءبىرىنشى ورىنباسارى, بوكس جانە كيكبوكسينگ فەدەراتسياسىنىڭ توراعاسى ايداربەك ساپاروۆ ەۋروپا جانە ازيانىڭ ەكى مارتە جەڭىمپازىن جەڭىسىمەن قۇتتىقتاپ, وبلىس اكىمىنىڭ اتىنان 1 ميلليون تەڭگە اقشالاي سىيلىق ۇسىندى. پروموۋتەرلىك كومپانيا جەتەكشىلەرى فيليپپ فونديۋ مەن ەرىك جايلاۋوۆقا شاپان جاۋىپ, العىس حات تابىس ەتتى.– شاكىرتىمنىڭ جەڭىسىنە قالتقىسىز سەنىپ ەدىم. وعان جىگەرلىلىك, ماقساتكەرلىك, نامىسقويلىق قاسيەتتەر ءتان. ەشقاشان اسىپ-تاسۋدى بىلمەيدى, سابىرلى قالپىنان اينىمايدى. بۇل ءباسەكەنىڭ ەرەكشەلىگى سول, جاناتتىڭ رەيتينگى كوتەرىلۋمەن قاتار, بيىلدىڭ وزىندە الەم چەمپيونى اتاعىنا تالاسۋ مۇمكىندىگىنە يە بولدى, – دەدى قۋانىشىن بىزبەن بولىسۋگە اسىققان 68 جاستاعى جەكە باپكەرى الەكساندر لەبەدەۆ.ءسوز اراسىندا جەكپە-جەكتىڭ «استانا» جانە سپۋتنيكتىك «بوەتس» تەلەارنالارى ارقىلى قايتالاۋ ءتۇرىندە جۇرتشىلىققا كورسەتىلەتىنىن ايتا كەتكەن ءجون. جاناتتىڭ كەزەكتى سايىسى جازدا قىزىلجار وڭىرىندە وتەتىن بولىپ شەشىلدى.ءومىر ەسقالي.پەتروپاۆل.–––––––––––––سۋرەتتى تۇسىرگەن امانگەلدى بەكمۇراتوۆ.