فۋتبول الەمى دە 2011 جىلدى قورىتىندىلاۋدى جالعاستىرۋدا. ءار ەل ءوزىنىڭ مىقتى اياقتوپشىلارىن تاڭداۋدا. ءبىزدىڭ ەلىمىزدىڭ دە ۇزدىگى انىقتالدى. ول – ۇلان قونىسباەۆ. وسى ورايدا بىرنەشە ەلدەردىڭ ۇزدىكتەرى جاريالاندى.
فۋتبول الەمى دە 2011 جىلدى قورىتىندىلاۋدى جالعاستىرۋدا. ءار ەل ءوزىنىڭ مىقتى اياقتوپشىلارىن تاڭداۋدا. ءبىزدىڭ ەلىمىزدىڭ دە ۇزدىگى انىقتالدى. ول – ۇلان قونىسباەۆ. وسى ورايدا بىرنەشە ەلدەردىڭ ۇزدىكتەرى جاريالاندى.
«الامان» ۇلتتىق سپورت پورتالىنىڭ مالىمەتىنە قاراعاندا, اعىلشىندىق «مانچەستەر سيتي» كومانداسىنىڭ نامىسىن قورعايتىن يايا تۋرە 2011 جىلعى افريكا قۇرلىعىنىڭ ۇزدىك ويىنشىسى اتاندى. كوت-د-يۆۋار قۇراماسىنىڭ جارتىلاي قورعاۋشىسى بۇل اتاققا گانا استاناسى اككرا قالاسىندا وتكەن سالتاناتتى جيىندا يە بولدى.
سونىمەن, جىلدىڭ ۇزدىك باس باپكەرى اتاعىن نيگەريا قۇراماسىنىڭ جاتتىقتىراتىن حارۋنا دوۋلا يەمدەنسە, بوتسۆانا قۇراماسى ەڭ ۇزدىك كوماندا اتاندى.
وزبەكستان قۇراماسىنىڭ ويىنشىسى – سەرۆەر دجەپاروۆ – ازيا قۇرلىعىنىڭ 2011 جىلعى ەڭ ۇزدىك ويىنشىسىنا بەرىلەتىن ماراپاتقا يە بولدى. وسىمەن سەرۆەر ەكىنشى مارتە ازيادا ۇزدىك دەپ تانىلىپ وتىر. 29 جاستاعى جارتىلاي قورعاۋشى بۇگىندە بىرىككەن اراب امىرلىگىنىڭ «ءال-شاباب» كومانداسىندا ونەر كورسەتەدى.
شوتلانديالىق «رەيندجەرس» ساپىندا ونەر كورسەتەتىن مەتت ماككەي اۆستراليا قۇرلىعىنىڭ 2011 جىلعى ۇزدىك ويىنشىسى اتاندى. بۇل تالاستا 28 جاسار جارتىلاي قورعاۋشى 329 ۇپايمەن «از» ويىنشىسى برەت حولمەن (194 ۇپاي), «ەۆەرتون» جارتىلاي قورعاۋشىسى تيم كەيحيلدى (185) ارتقا تاستاعان.
“France Football” جۋرنالى مادريدتىك «رەالدىڭ» ورتالىق شابۋىلشىسى كارىم بەنزەمانى 2011 جىلعى ءۇش جولاقتىلاردىڭ ۇزدىك ويىنشىسى دەپ تانىدى. تىلشىلەر مەن فۋتبول ماماندارىنىڭ داۋىس بەرۋ قورىتىندىسى بويىنشا كارىم كاتالونيالىق «بارسانىڭ» قورعاۋشىسى ەريك ابيدالدان وزىپ شىعىپتى.
تۋريندىك «يۋۆەنتۋس» كومانداسىنىڭ ورتالىق شابۋىلشىسى ميركو ۆۋچينيچ چەرنوگوريانىڭ 2011 جىلعى ەڭ ۇزدىك ويىنشى دەپ تانىلدى.
ميۋنحەندىك «باۆاريانىڭ» سەنىمىن اقتاپ جۇرگەن, جاس جارتىلاي قورعاۋشى داۆيد الابا 2011 جىلعى اۆستريا ەلىنىڭ مىقتى ويىنشىسى اتاعىنا يە بولدى. بۇل تارتىستا 19 جاسار «اۋستريا» ويىنشىسى ناسەر باراتسيتە جانە «شتۋتگارت» شابۋىلشىسى مارتين حارنيكتى ارتتا قالدىرىپتى.
يتاليالىق «ميلاننىڭ» ورتالىق شابۋىلشىسى زلاتان يبراگيموۆيچ التىنشى رەت شۆەتسيانىڭ ۇزدىك ويىنشىسى اتانىپ, جاڭا رەكوردتىق كورسەتكىش كورسەتتى.
ءوز كەزەگىندە شۆەتسيا بىرىنشىلىگىنىڭ ۇزدىك ويىنشىسى دەپ «حەلسينبورگ» جارتىلاي قورعاۋشىسى مەي مالانگۋ تانىلسا, ۇزدىك لەگيونەر اتاعىن «ايك» ورتالىق قورعاۋشىسى الەكساندر ميلوشەۆيچ يەلەندى.
لوندوندىق «چەلسي» كومانداسىنىڭ باعاناسىن كۇزەتۋشى پەتر چەح وسىمەن التىنشى مارتە چەحيانىڭ ۇزدىك ويىنشىسى اتاعىنا لايىق بولىپ تابىلدى.
نيدەرلاندىنىڭ «پسۆ» ۇجىمىنىڭ جارتىلاي قورعاۋشىسى بالوش دجۋدجاك ۆەنگريانىڭ ۇزدىك ويىنشىسى اتاندى. ۆەنگريا فۋتبول قاۋىمداستىعىنىڭ ۇيىمداستىرۋىمەن وتكەن داۋىس بەرۋ قورىتىندىسى بويىنشا, دجۋدجاك 142 داۋىسپەن «فۋلحەم» جارتىلاي قورعاۋشىسى زولتان گەرانى (88 داۋىس) ارتتا قالدىردى.
دورتمۋندىق «بورۋسسيانىڭ» ورتالىق شابۋىلشىسى روبەرت لەۆاندوۆسكي Piłka Nożna جۋرنالى جانە پولشا فۋتبول فەدەراتسياسىنىڭ داۋىس بەرۋ قورىتىندىسى بويىنشا 2011 جىلدىڭ ۇزدىك ويىنشىسى دەپ تانىلدى. ال, «جىل جاڭالىعى» رەتىندە «ارسەنالدىڭ» جاس قاقپاشىسى ۆويتسەح ششەسنى يەمدەندى, «جىل كومانداسى» «لەگياعا» بۇيىردى, ۇزدىك باپكەر اتاعىن ماتسەي سكورجا وزىمەن الىپ كەتتى.
قازاقپارات