باقىتجان ساعىنتاەۆ تمد ۇكىمەتتەرىنىڭ باسشىلارىمەن ەكىجاقتى كەزدەسۋلەر وتكىزدى

ازەربايجان رەسپۋبليكاسىنىڭ پرەمەر-ءمينيسترى نوۆرۋز يسمايل وگلۋ مامەدوۆپەن ەكىجاقتى كەزدەسۋ بارىسىندا اۋىل شارۋاشىلىعى, ەنەرگەتيكا, كولىك جانە لوگيستيكا, ازىق-ت ۇلىك جانە مەتاللۋرگيا ونەركاسىبى, فارماتسەۆتيكا سالاسىنداعى ەكىجاقتى ساۋدا-ەكونوميكالىق ىنتىماقتاستىقتى ودان ءارى نىعايتۋ, سونداي-اق يندۋستريالاندىرۋ جانە اقپاراتتىق تەحنولوگيالاردى دامىتۋ سالاسىن قوسا العاندا, ينۆەستيتسيالىق جوبالاردى بىرلەسىپ جۇزەگە اسىرۋ ماسەلەلەرى تالقىلاندى.

بيىل ەلدەر اراسىندا ساۋدا-ەكونوميكالىق ىنتىماقتاستىقتىڭ وڭ قارقىنى بايقالادى. بۇعان 2017 جىلى ەكى مەملەكەت باسشىلارى كەزدەسۋىنىڭ قورىتىندىسى بويىنشا قولعا الىنعان ەكسپورتتى دامىتۋ جانە تاۋار اينالىمىن ۇلعايتۋ ماقساتىندا اتقارىلىپ جاتقان بەلسەندى بىرلەسكەن جۇمىستار ىقپال ەتتى. سونىمەن قاتار, ساۋدا-ساتتىق, ەنەرگەتيكا, اۋىل شارۋاشىلىعى, كولىك, لوگيستيكا جانە ت.ب. سالالارداعى ناقتى شارالاردى قاراستىراتىن, قر مەن ءار اراسىنداعى 2017–2020 جىلدارعا ارنالعان ساۋدا-ەكونوميكالىق ىنتىماقتاستىقتى كەڭەيتۋ جونىندەگى جول كارتاسىن ىسكە اسىرۋ مەن ەكىجاقتى ۇكىمەتارالىق كوميسسيا ماڭىزدى ءرول اتقارادى.

بيىل قاراشا–جەلتوقسان ايلارىندا باكۋدە مادەني قاتىناستار سالاسىنداعى كەلىسىمدەردى جۇزەگە اسىرۋ ماقساتىندا ازەربايجانداعى قازاقستان مادەنيەتىنىڭ كۇندەرىن وتكىزۋ جوسپارلانعان.

2018 جىلدىڭ 8 ايىندا قازاقستان مەن ازەربايجان اراسىنداعى تاۋار اينالىمى $168,1 ملن قۇراپ, وتكەن جىلدىڭ سايكەس كەزەڭىمەن سالىستىرعاندا 2,1 ەسە ءوستى ($81,5 ملن). ازەربايجانعا ەكسپورت كولەمى 2,2 ەسەگە ءوسىپ, $134,6 ملن قۇرادى, ال يمپورت $33,5 ملن قۇرادى. وسى جىلدىڭ 8 ايىندا قازاقستاننىڭ پورتتارى ارقىلى ازەربايجان باعىتىندا 1,3 ملن تونناعا جۋىق جۇك اۋىستىرىپ تيەلدى. اقتاۋ پورتى — 202 مىڭ توننا نەمەسە 2017 جىلدىڭ وسىنداي كەزەڭىندەگى كورسەتكىشتىڭ 32% (624 مىڭ توننا); قۇرىق پورتى — 1141 مىڭ توننا, بۇل وتكەن جىلعى كورسەتكىشتەن 66%-عا جوعارى (756 مىڭ توننا).

ارمەنيا رەسپۋبليكاسىنىڭ ءبىرىنشى ۆيتسە-پرەمەرى ارارات ميرزويانمەن كەزدەسۋدە ەنەرگەتيكا, مادەني-گۋمانيتارلىق سالالارداعى, سونداي-اق حيميا ونەركاسىبى, ازاماتتىق اۆياتسيا, ماشينا جاساۋ جانە اT-سالاسىندا بىرلەسكەن ينۆەستيتسيالىق جوبالاردى ىسكە اسىرۋ سالاسىندا ەكى ەلدىڭ ساۋدا-ەكونوميكالىق ىنتىماقتاستىعىن كەڭەيتۋ ماسەلەلەرى تالقىلاندى.

ارمەنياعا مەتالدار مەن ولاردان جاسالعان بۇيىمداردى, ازىق-ت ۇلىك تاۋارلارىن, مال جانە وسىمدىك ونىمدەرىن, تەمىرجول ماشيناسىن جاساۋ ونىمدەرىن جەتكىزۋ پەرسپەكتيۆالارى قارالدى.

تاراپتاردىڭ پىكىرىنشە, بۇگىنگى تاڭدا ەلدەر اراسىنداعى ءوزارا ءتيىمدى ەكونوميكالىق ىنتىماقتاستىقتى دامىتۋعا بارلىق جاعداي جاسالعان. ساۋدا-ەكونوميكالىق ىنتىماقتاستىق جونىندەگى ۇكىمەتارالىق كوميسسيا بەلسەندى تۇردە جۇمىس ىستەپ جاتىر.

بۇدان وزگە, كەزدەسۋگە قاتىسۋشىلار اقپاراتتىق تەحنولوگيالاردى دامىتۋعا دەگەن ورتاق ۇمتىلىس نارىقتىق ەكونوميكا مەن ءادىل باسەكەلەستىك قاعيداتتارىنا نەگىزدەلگەن قازاقستان–ارمەنيا بيزنەسىن دامىتۋعا ءوزارا ءتيىمدى جاعدايلار جاسايتىنىن اتاپ ءوتتى.

اڭگىمەلەسۋ بارىسىندا ايماقتىق قاۋىپسىزدىك جانە تەرروريزمگە قارسى كۇرەس ماسەلەلەرىنە ەرەكشە كوڭىل ءبولىندى.

2018 جىلدىڭ قاڭتار–تامىز ايلارىندا قازاقستان مەن ارمەنيا اراسىنداعى ساۋدا اينالىمى 2017 جىلدىڭ سايكەس كەزەڭىمەن سالىستىرعاندا ەكى ەسەگە جۋىق ۇلعايىپ, $8,2 ملن قۇرادى, ال ەكسپورت — $4,2 ملن.