جول كارتاسى ازىرلەندى

ەلىمىزدىڭ دەنساۋلىق ساقتاۋ ءمينيسترى ەل­جان ءبىرتانوۆتىڭ ايتۋى بويىنشا بۇل قۇ­جات­قا قول قويۋ قازاقستاندىقتاردىڭ ءومىر ءسۇرۋ ساپاسى دەڭگەيىن كوتەرۋگە مۇمكىندىك بەرەدى.

ء«بىز تەلەمەديتسينا سالاسىندا ىنتى­ماق­تاس­تىق تۋرالى مەموراندۋمعا قول قوي­دىق. بۇل ءبىزدىڭ مينيسترلىك ءۇشىن باستى با­عىت­تاردىڭ ءبىرى. بيىلعى ەلباسى جول­دا­ۋى حالىقتىڭ تابىستارىنا, الەۋمەت­تىك مار­تە­بەسىنە, قولجەتىمدى ساپالى ءبىلىم بە­رۋ مەن دەنساۋلىق ساقتاۋعا باسا نازار اۋ­دا­رىل­عان الەۋمەتتىك-باعىتتا بولدى. ەلبا­سى مە­ديتسينالىق-سانيتارلىق العاشقى كو­مەك­تى دا­مىتۋدىڭ قاجەتتىلىگىن ەرەكشە اتاپ كور­­سەتتى, شىعىنداردى ارتتىرۋ بو­يىنشا تاپ­سىر­ما بەردى. بۇل مەديتسينالىق قىزمەت­كەر­­لەردىڭ ەڭبەكاقىسىن كوتەرۋگە قاتىس­تى. تسيفر­­لاندىرۋ جانە قاعازسىز مەدي­تسي­ناعا كو­شۋ جونىندە تاپسىرما بەرىلدى. ءبىز بۇل با­عىت­­تا قار­قىندى جۇمىس ىستەۋدەمىز», دەدى ە.ءبىرتانوۆ.

مەديتسينالىق قىزمەت كورسەتۋدىڭ وتان­دىق نارىعىندا رەسەيلىك كومپانيالار دا بار.

«ەل نارىعىندا ءبىزدى اقپاراتتىق جۇيە­لەر­­مەن قامتاماسىز ەتەتىن رەسەيلىك كومپانيالار بار. ءبىز قازىر ءداستۇرلى تەلەمەديتسينانى ەمحانالار مەن اۋرۋحانالاردان تىس جەرلەردە حالىقتى بەلسەندى وقىتۋمەن, وندا مەديتسينا­لىق قىزمەتكەرلەر مەن پاتسيەنتتەردىڭ تەحنولوگيالارىن پايدالانۋ ارقىلى كەڭەيتۋدى كوزدەپ وتىرمىز. سوندىقتان بۇل مەموراندۋم وڭ سەرپىن بەرەتىنىنە سەنىمدىمىن», دەدى مينيستر.

رەسەي فەدەراتسياسىنىڭ دەنساۋلىق ساقتاۋ ءمينيسترى ۆەرونيكا سكۆورتسوۆا ىنتى­ماقتاستىق بويىنشا قازاقستاندىق ارىپتەستەردىڭ ۇسىنىس­تارىن قولدادى. 

جالپى, تاراپتار دەنساۋلىق ساقتاۋ مەن تەلەمەديتسينانى تسيفرلاندىرۋ بويىنشا تاجىريبە الماسۋ, تەلەمەديتسينالىق تەحنولوگيالاردى قولدانا وتىرىپ, مەديتسينالىق كومەك كورسەتۋ ءۇشىن جۇيەلەردىڭ ءوزارا ءىس-قيمىلىن قامتاماسىز ەتۋ ماقساتىندا ما­­لى­مەتتەر الماسۋدىڭ بىرىڭعاي ستاندارتتارىن ازىرلەۋ بويىنشا ىنتىماقتاسۋعا نيەتتى. مە­موراندۋمدى ورىنداۋ ءۇشىن قازاقستان جانە رەسەي دەنساۋلىق ساقتاۋ مينيسترلىكتەرى ارا­سىنداعى دەنساۋلىق ساقتاۋ سالاسىنداعى ىن­تىماقتاستىقتىڭ نەگىزگى باعىتتارىن دامىتۋ بويىنشا جول كارتاسى ازىرلەندى.

انار تولەۋحانقىزى,

«ەگەمەن قازاقستان