قازاقستان پرەزيدەنتى نۇرسۇلتان نازارباەۆتىڭ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى جولداۋىندا ءبىلىم بەرۋ سالاسىنا ايرىقشا كوڭىل بولىنگەن.
ءبىلىم بەرۋ سالاسى بۇگىنگى جاھاندانۋ جاعدايىندا بارلىق ەلدەردىڭ گۇلدەنۋى مەن باسەكەگە قابىلەتتىلىگىن ارتتىرۋدىڭ نەگىزگى قوزعاۋشى كۇشى بولىپ تابىلادى. قازىر الەم تۇراقتى تۇردە وزگەرۋدە. بۇل وزگەرىستەردىڭ باسىم بولىگى ءبىلىم بەرۋ جۇيەسىنە تىكەلەي قاتىستى.
ءبىلىم بەرۋ سالاسىن رەفورمالاۋ – قوردالانعان ماسەلەلەردى شەشۋ ءۇشىن اتالعان باعىتتاعى كوپتەگەن جىلدار بويعى تاجىريبەلەردى زەردەلەي وتىرىپ, وڭ شەشىم قابىلداۋ ماقساتىنداعى كۇردەلى مىندەت. مۇقيات جوسپارلاۋ وزگەرىستەرگە وڭتايلى بەيىمدەلۋدى قامتاماسىز ەتەدى.
جوسپارلاۋدىڭ العاشقى قادامى قاجەتتى قارجى رەسۋرستارىن تابۋ بولىپ تابىلادى. پرەزيدەنت ن.نازارباەۆتىڭ سويلەگەن سوزىندە 5 جىل ىشىندە ءبىلىم, عىلىم, دەنساۋلىق ساقتاۋ سالالارىنا بارلىق كوزدەردەن جۇمسالاتىن قاراجاتتى ىشكى جالپى ءونىمنىڭ 10 پايىزىنا دەيىن جەتكىزۋ قاجەتتىگى ايتىلدى.
تاعى ءبىر ايتا كەتەر جايت – ءححى عاسىردىڭ تالاپتارىنا نەگىزدەلگەن جاڭا ءبىلىم بەرۋ جۇيەسىن دامىتۋ. ءبىز پرەزيدەنتتىڭ «4ك» ۇلگىسىنە قاتىستى پىكىرىن قولدايمىز. كرەاتيۆتىلىكتى, سىني ويلاۋدى, كوممۋنيكاتيۆتىلىكتى دامىتۋعا جəنە كوماندادا جۇمىس ىستەي بىلۋگە باستى نازار اۋدارۋدى قوسا العاندا, XXI عاسىردىڭ سۇرانىستارىنا باعىتتالعان ءبىلىم بەرۋ جۇيەسىنە ينۆەستيتسيا سالۋ جاڭا داۋىرگە ءوتۋدىڭ دۇرىس جولى بولىپ تابىلادى. بۇل داعدىلاردى جاس ۇرپاق بويىندا قالىپتاستىرۋعا كومەكتەسۋ ماڭىزدى, سەبەبى بۇل ءبىزدىڭ بالالارىمىزعا ۇنەمى وزگەرىپ وتىراتىن ورتاعا بەيىمدەلۋگە مۇمكىندىك بەرەدى.
ەل پرەزيدەنتى ن.ءا.نازارباەۆتىڭ بارلىق مەملەكەتتىك مەكتەپتەرگە جاڭا ءبىلىم بەرۋ جۇيەسى مەن ادىستەرىن ەنگىزۋ, «پەداگوگ مارتەبەسى تۋرالى» زاڭدى ازىرلەۋ جانە جوعارى وقۋ ورىندارىنىڭ ءبىلىم بەرۋ ساپاسىن ارتتىرۋعا باسا نازار اۋدارۋ سياقتى ۇسىنىستارى قازاقستاننىڭ ءبىلىم بەرۋ جۇيەسىن جەتىلدىرۋگە كومەكتەسەدى. بۇل قازاقستاننىڭ الەمدەگى ەڭ يننوۆاتسيالىق جانە دامىعان ەلدەردىڭ ءبىرى بولۋىنا جول اشادى.
بىزدەرگە, ياعني «MM Publications» كومپانياسىنا, قازاقستان سەكىلدى دامىعان سەرپىندى ەكونوميكاسى بار پروگرەسسيۆتى ەلمەن ىنتىماقتاستىق ورناتۋ وتە ماڭىزدى. سوناۋ 1974 جىلدان بەرى اعىلشىن تىلىندە جوعارى ساپالى يننوۆاتسيالىق ءبىلىم بەرۋ ماتەريالدارىن وندىرۋگە مامانداندىرىلعان ءبىزدىڭ كومپانيا پرەزيدەنت ن.نازارباەۆتىڭ كوزقاراسىن تولىق قولدايدى. كومپانيامىز قازاقستان ءۇشىن ارنايى جاسالعان باسپا جانە ەلەكتروندى ماتەريالداردىڭ كەڭ اۋقىمىن, سونداي-اق ءبىلىم بەرۋ قىزمەتتەرىن ۇسىنا الادى.
يواننيس مالكوياننيس,
گرەكيا شەت تىلدەر وقۋلىقتارى باسپاگەرلەرى قاۋىمداستىعىنىڭ حاتشىسى, «MM Publications» كومپانياسىنىڭ پرەزيدەنتى