ماسەلەگە ءمان بەرىلسە

بۇگىن سول بوزداقتاردىڭ دۇ­نيە­گە كەلگەن جىلدارى مەن تۋعان جەرلەرى, تۇرعان مەكەندەرى, قاشان قاماۋعا الىنعانى, سوتتالعان كۇن­­دەرى مەن ولاردى كىمنىڭ سوت­تاعانى, قانداي باپپەن سوت­تالعانى, اتىل­­­عان جانە اقتالعان كۇن­دەرى مەن ارحيۆتىك ءنومىرى كور­سەتىلگەن ءتىزىم­دى جاريالاپ وتىرمىز.

 بۇل تىزىمدە كورسەتىلگەن رە­پرەس­سيا قۇرباندارىنىڭ ۇرپاق­تارى مەن تۋعان-تۋىستارى ولار تۋ­رالى وسى كۇنگە دەيىن ەش حا­بارسىز بولۋلارى مۇمكىن. ەگەر ولاردىڭ ىزدەۋشىلەرى تابى­لا قالسا, وسى مالىمەتتەرگە سۇيەنىپ ماگا­دان­داعى اقپاراتتىق ورتالىققا سۇ­راۋ سالا الادى. ويتكەنى الديار اۋباكىروۆتىڭ ايتۋىنشا,اتالعان ور­تالىق ونداعى قۇجاتتارمەن جۇ­مىس ىستەۋگە قۋعىن-سۇرگىنگە ۇشى­­راعان ادامداردىڭ تۋىستارى­نا عانا رۇقسات ەتەدى ەكەن. وسى ورتا­لىقتىڭ ماماندارىنىڭ ما­لى­مەتى بويىنشا, وتكەن عاسىر­دىڭ توق­سانىنشى جىلدارى قۋ­عىن-سۇر­گىنگە ۇشىراعانداردى جاپ­پاي اقتاۋ جۇرگىزىلگەن كەزدە ەلۋ مىڭ­داي ادامنىڭ ىستەرى قارال­ماي قالىپتى. ونىڭ ىشىندە ەكى مىڭ­داي قازاق ازاماتى بار.

بۇل ىستەردىڭ ءتىزىمىن الىپ, ۇل­­­­­تىمىزدىڭ جوقتاۋسىز كەتكەن پەر­­زەنتتەرىنىڭ ءبارىن رەسمي تۇردە اق­تاپ, ولاردىڭ ۇرپاقتارىنا جەت­كىزۋ قۇقىقتىق, مورالدىق-يماندىلىق قاجەتتىلىك جانە كەزەك كۇتتىرمەيتىن ماسەلە ەكە­نى ايدان انىق. ونى شەشۋگە ال­ديار اۋباكىروۆ سياقتى ازامات­تاردىڭ ءبىر ءوزىنىڭ عانا شاماسى كەلمەيتىنى بەلگىلى. ونى تەك مەم­لەكەتتىك دەڭگەيدە شەشۋگە بولادى. سوندىقتان وسى ماسەلەدە قا­زاقستاننىڭ ازاتتىعى مەن تاۋەلسىزدىگى ءۇشىن كۇرەستە زارداپ­ شەككەن ادامداردى اقتاۋ جا­­نە ماڭگى ەستە قالدىرۋ جونىن­دەگى «قاھارماندار» رەسپۋب­ليكالىق قوعامدىق قورى باس­تاما­شىلىق ەتىپ, ءتيىستى مەم­­لە­كەت­تىك ورگاندارعا ناق­تى ۇسى­­نىس جاساپ, ولارمەن بىرگە كەرەكتى ۇيىمداستىرۋ-ىزدەس­تىرۋ جۇمىستارىن جۇرگىزىپ, مايىت­تەرى يتجەككەندە قالعان بوز­­داقتارىمىزدى تۇگەلدەي انىق­­­­تاپ, ماگادان قالاسىندا ولار­عا ار­ناپ ەسكەرتكىش ورناتىپ, ولار­دىڭ ەسىمدەرىن قايتادان جاڭ­­عىرتادى دەگەن ويدامىز. بۇل ىستە ەلىمىزدىڭ پارلامەنتىنىڭ دە­پۋ­تاتتارى, ساياسي پارتيا­لا­رى,­ حالقىمىزدىڭ وتكەنى مەن كە­لەشەگىنە نەمقۇرايدى قارا­مايتىن ازاماتتار تىس قالمايدى دەگەن سەنىمدەمىز.

 ەرجان يساقۇلوۆ