قازاقستان مەن وزبەكستان سىرتقى ىستەر مينيسترلىكتەرى اراسىنداعى 2018 جىلعا ارنالعان ىنتىماقتاستىق جونىندەگى ءىس-شارالار جوسپارىنا سايكەس كونسۋلدىق ماسەلەلەر بويىنشا قازاقستان-وزبەكستان كونسۋلتاتسيالارى ءوتتى, دەپ حابارلايدى ءسىم ءباسپاسوز قىزمەتى.
قازاقستاندىق دەلەگاتسيانى كونسۋلدىق قىزمەت دەپارتامەنتىنىڭ ديرەكتورى ۇمبەتباەۆ تاۋبولدى باسقاردى, وزبەك دەلەگاتسياسىن كونسۋلدىق-قۇقىقتىق دەپارتامەنتى ديرەكتورىنىڭ ورىنباسارى ناسريەۆ فاريددين باسقاردى.
كونسترۋكتيۆتى جانە دوستىق اتموسفەرادا وتكەن كونسۋلتاتسيالار بارىسىندا تاراپتار كونسۋلدىق سالاسىنداعى ەكى جاقتى قارىم-قاتىناستاردىڭ جاي-كۇيىن تالقىلادى, كونسۋلتاتسيالار ناتيجەسىندە ءتيىستى حاتتاماعا قول قويىلدى.
ەكى جاقتى كەزدەسۋلەر بارىسىندا تۋىنداعان ماسەلەلەردىڭ ءبىرى ەكى ەلدىڭ ءتۋريزمىن دامىتۋعا ىقپال ەتەتىن «Silk Road» ۆيزاسىن ەنگىزۋ بولدى.