قوستاناي اۋدانىنداعى ميچۋرين سەلوسىندا «بالالار ۋنيۆەرسيتەتى» اشىلدى. وندا بالالار اپتاسىنا ەكى رەت كەلىپ, اعىلشىن ءتىلىن ۇيرەنەدى. ءتىل ۇيرەنۋ ساباعى نەگىزىنەن ويىن تۇرىندە جۇرەدى. 5 جاستان 12 جاسقا دەيىنگى بالالار جاسىنا قاراي ءۇش توپقا بولىنگەن.
«بىرنەشە مۇعالىمىمىز بار, يزرايل-امەريكاندىق باعدارلامامەن جۇمىس ىستەيدى. بالالارعا «سەن قاتە ايتتىڭ نەمەسە دۇرىس ايتتىڭ» دەگەن باعا قويىلمايدى.باستى باعىت – بالانى سويلەتۋ, ول قاتە ايتسا دا ايتتى عوي. ەگەر بالا قاتە ايتسا, دۇرىس ايتقان بالاعا قاراپ, قاتە جەرىن ءوزى تۇزەيدى, – دەيدى Triera.kz كاسىپورنىنىڭ ديرەكتورى يگور پيروگ.
كاسىپكەر بۇرىنعى قاڭقاسى قالعان عيماراتتى قايتا جوندەپ, كاسىپورىنعا كەڭسە مەن بالالارعا ارنالعان «ۋنيۆەرسيتەتكە» بولمەلەر جاساپتى. بالالارعا ارنالعان ءۇش كابينەت بار. قازىر مۇنداەلۋ شاقتى بالا كەلەدى, ونىڭ ىشىندە اۋىلمەن قاتار قالادان قاتىنايتىندار دا بار.
«وسى سەلوداعى ءالى كۇنگە قاراۋسىز تۇرعان تاعى ءبىر عيماراتتى ارزان باعامەن ساتىپ الدىق. الداعى ۋاقىتتا ونى جوندەپ, زاماناۋي بالا باقشا جاسايىن دەپ وتىرمىز. وندا دا اعىلشىن جانە قازاق تىلدەرىن ۇيرەتەتىن وسىنداي بالالار ۋنيۆەرسيتەتى بولادى» دەيدى يگور نيكولاەۆيچ.
ءنازيرا جارىمبەت,
«ەگەمەن قازاقستان»
قوستاناي