ەلباسىنىڭ قازاقستان حالقىنا ارناعان ءداستۇرلى جولداۋىن ناسيحاتتاۋ ماقساتىندا پارلامەنت ءماجىلىسىنىڭ دەپۋتاتتارى سەرىك ۇمبەتوۆ, باقىتجان ەرتاەۆ, زاعيپا باليەۆا, نۇرلان دۋلاتبەكوۆ جانە جەكسەنباي دۇيسەباەۆ الماتى وبلىسى تالعار اۋدانىنداعى كەڭدالا اۋىلىندا جەرگىلىكتى تۇرعىندارمەن كەزدەسۋ وتكىزدى.
- بيىلعى جولداۋ – وسىعان دەيىن جۇزەگە اسىرىلىپ جاتقان ستراتەگيالىق باستامالاردىڭ زاڭدى جالعاسى. حالقىمىزدىڭ ءال-اۋقاتىن, تۇرمىس ساپاسىن ارتتىرۋعا باعىتتالعان وزەكتى ماسەلەلەر ناقتى شەشىمىن تاباتىن بولادى. ياعني, ءار وتباسىنىڭ, ءاربىر ادامنىڭ جاعدايىن, تىرشىلىك ورتاسىن جاقسارتۋعا ارنالعان. ەلباسىنىڭ ءداستۇرلى جولداۋىندا ءبىلىم بەرۋ, دەنساۋلىق ساقتاۋ, كاسىپكەرلىكتى دامىتۋ, سىبايلاس جەمقورلىقپەن كۇرەس, قۇقىق قورعاۋ ورگاندارىنىڭ جۇمىسىن جەتىلدىرۋ, مەملەكەتتىك قىزمەتتىڭ تيىمدىلىگىن كوتەرۋ سياقتى كۇندەلىكتى ومىردەگى ماسەلەلەرگە ەرەكشە ءمان بەرىلىپ وتىر», - دەدى كەزدەسۋ بارىسىندا ءسوز العان ءماجىلىس دەپۋتاتى نۇرلان دۋلاتبەكوۆ.
دەپۋتتار ارنايى ساپارمەن كەلگەن كەڭدالا اۋىلدىق وكرۋگى ون ەكى مىڭعا جۋىق تۇرعىنى بار ىرگەلى ءوڭىر. وكرۋگ اۋماعىندا 5 مەكتەپ, 1 دارىگەرلىك امبۋلاتوريا, 3 مەديتسينالىق پۋنكت, 1 ۋچاسكەلىك پۋنكت, 8 جەكەمەنشىك بالاباقشا ەلگە قىزمەت ەتۋدە.
- ەلباسى ۇسىنعان «اۋىل – ەل بەسىگى» جوباسى كەڭدالا اۋىلىنىڭ تۇرعىندارىنىڭ كوڭىلىنەن شىقتى. ءبىزدىڭ وسى جوبا اياسىندا جۇزە اسىراتىن ماساقتىمىزدى بەلگىلىپ الدىق. اۋىل ازاماتتارى قىزۋ قولدادى, كەلەر جىلى باستاما جەمىسىن بەرەدى دەپ سەنەمىن, - دەيدى كەڭدالا اۋىلىنىڭ اكىمى الماس ومىرزاقوۆ.
قالماحانبەت مۇقامەتقالي,
«ەگەمەن قازاقستان»
الماتى وبلىسى