وبلىستىق جەر قاتىناستارى باسقارماسى جاڭعىرتىلمالى ەنەرگيا كوزدەرى نىساندارى ءۇشىن 1100 گەكتارداي جەر بولىنەتىندىگىن ايتادى.
قىس-قىستاۋ, جاز-جايلاۋ, كۇز-كۇزەككە شىعىپ كەتەتىن مالشىلار بۇرىن «چابانكا» دەپ اتالاتىن دارىلداق دۆيجوكتى وتالدىرىپ, جارىق الاتىن.
بەنزينمەن جۇمىس جاسايتىن بۇل اپپارات ءسال اۋىرلىق تۇسسە قاقالىپ-شاشالىپ ءسونىپ قالاتىن ەدى.
بۇگىندە كۇن, جەل ەنەرگياسى پايدالانۋدا بۇل قيىندىقتار ارتتا قالىپ بارادى.
– كۇن پانەلدەرىن جىلجىمالى ۆاگوندارعا جانە قىستاۋداعى ۇيلەرىمىزگە ورناتىپ, يگىلىگىن كورىپ وتىرمىز. ودان الىنعان توك كوزىن كۇنى بويى پايدالانامىز, – دەيدى «جاڭاقورعان اسىل ت ۇلىك» جشس توراعاسى سارسەنبەك مولداشەۆ.
كۇن بۇلتتى بولعاننىڭ وزىندە ەنەرگيا جيناپ الاتىن قوندىرعىنىڭ قۋاتى ءبىراز كۇندەرگە جەتەدى ەكەن. جەر استىنان سۋ تارتۋعا دا كۇن پانەلدەرىن پايدالانۋ اجەتكە جاراپ تۇر.
اۋىل شارۋاشىلىعى باسقارماسى وتكەن جىلى سىر وڭىرىندە 56 كاسىپكەر ءوز قوجالىعىنا بالامالى ەنەرگيانى ەنگىزسە, تەك بيىلدىڭ وزىندە 132 شارۋا قوجالىعى 154 كۇن پانەلىن ساتىپ العاندىعىن ايتادى.
باقتيار تايجان,
«ەگەمەن قازاقستان»
قىزىلوردا وبلىسى