سەيىتوۆتى ەسكە الدى

ءىس-شاراعا پروكۋراتۋرا ارداگەرلەرى, پارلامەنت دەپۋتاتتارى, پرەزيدەنت اكىم­شىلىگىنىڭ, پرەمەر-مينيستر كەڭسەسى, ورتالىق مەم­لەكەتتىك ورگاندار مەن مەملەكەتتىك ەمەس ۇيىم­داردىڭ وكىلدەرى, عالىمدار مەن پراكتيكتەر قاتىستى. 

كونفەرەنتسياعا قاتى­سۋشىلار 1966-1984 جىلدار ارالىعىندا قازاق كسر-ءنىڭ پروكۋرورى بولعان, 1-سىنىپتى مەملەكەتتىك ادىلەت كەڭەسشىسى, مەملەكەت جانە قوعام قايراتكەرى وتەگەن سەيىتوۆ تۋرالى ەستەلىكتەر ايتتى. 

پروكۋراتۋرا سالاسىنىڭ شىڭىنا شىققان زاڭگەر 1923 جىلى اقتوبە وبلىسى­نىڭ شالقار اۋدانىندا دۇ­نيەگە كەلگەن. ول 16 جاسىنان باس­تاپ شىمكەنت وبلىسى پروكۋراتۋراسىنا قىزمەتكە الىن­عان. 18 جاسقا تولار جى­لى ۇلى وتان سوعىسى باس­تالىپ, جاسى كەلمەسە دە ماي­دانعا ءوزى سۇرانىپ اتتانادى. سۇراپىل سوعىستا ءۇش رەت جارالانسا دا, اسقان وجەت­تىلىكپەن مايدان شەبىنە قاي­تا ورالىپ وتىرعان. ءسوي­تىپ, ت.سەيىتوۆ سوعىسقا باس­تان-اياق قاتىسقان. سو­عىس­تان كەيىن دە, 1945-1949 جىل­­­دارى وڭتۇستىك قا­زاق­­­­ستان وبلىسىنىڭ كە­لەس,­­ سارىاعاش اۋداندارى­ پروكۋراتۋراسىنىڭ تەر­­­گەۋ­شىسى, كەيىن 1949-1951 جىلدارى وسى وبلىس­ پرو­كۋراتۋراسىنىڭ اعا تەر­گەۋشىسى, ال 1951-1959 جىل­­دارى رەسپۋبليكا پرو­كۋراتۋراسىنىڭ ءبولىم پرو­كۋرورى قىزمەتىن اتقارا­دى. 1960 جىلى الماتى قالا­سىنداعى سوۆەت اۋدانىنىڭ پروكۋرورى, سوسىن الماتى وبلىسىنىڭ پروكۋرورى­ بولىپ جۇمىس ىستەيدى. ال­ 1962 جىلى رەسپۋبليكا­ پروكۋرورىنىڭ ءبىرىنشى ورىن­باسارى, 1966 جىلى رەس­پۋبليكا پروكۋرورى بولىپ تاعايىندالىپ, زەينەت دەمالىسىنا شىققانشا, ياعني 1984 جىلعا دەيىن, وسى قىزمەتتە بولدى.

كەزدەسۋدە زاڭعار زاڭ­گەردىڭ ەڭبەك جولى, پروكۋ­راتۋرانىڭ بەدەلىن نىعايتۋ جانە ازاماتتاردىڭ سەنىمىن ارتتىرۋ تۇرعىسىنان پروكۋ­رور­د­ىڭ ادامگەرشىلىك-پسي­حولوگيالىق قاسيەتتەرىنىڭ وزەكتى ماسەلەلەرى, كاسىپتىك جاۋاپ­كەرشىلىك جانە مىنەز-ق ۇلىقتىڭ مورالدىق-ەتي­كالىق نورمالارىنىڭ ساق­تالۋى جايىندا ايتىلدى. 

بەلگىلى تۇلعاعا ارنالعان فورۋمنىڭ ەكىنشى سەسسيا­سى قىلمىستىق پروتسەس­كە مەدياتسيا ينستيتۋتىن ەنگىزۋ پروبلەمالارى مەن پەرسپەكتيۆالارىنا ارنالدى. جيىندا ايتىلعانداي, سوڭعى بەس جىلدا مەدياتورلاردىڭ قا­تى­سۋىمەن قارالعان ىستەر­دىڭ سانى سوتتا قارالعان ىستەر­دىڭ جالپى سانىنا ساي­كەس تۇردە وسكەن. 

سونىمەن قاتار قىل­مىستىق مەدياتسيانىڭ زاڭ­نامالىق نەگىزىن جەتىلدىرۋ بويىنشا ۇسىنىستار ايتىلدى, تاراپتاردى تاتۋ­لاستىرۋ پروتسەدۋرالارىن بەلسەندى پايدالانۋعا كە­دەر­گى كەلتىرىپ وتىرعان سەبەپتەر قاراستىرىلدى.

سەرىك ابدىبەك,

«ەگەمەن قازاقستان»