ۆەنگريانىڭ استاناسى – بۋداپەشتە ءوتىپ جاتقان الەم چەمپيوناتىندا قازاقستاننىڭ ەركىن كۇرەس شەبەرلەرى ءبىر كۇمىس مەدالدى يەلەندى.
رەسەيدىڭ تۋۆا ولكەسىنىڭ تۋماسى ارتاس ساناا وسىدان ءتورت جىلدان اسا ۋاقىت بۇرىن قازاقستانعا قونىس اۋدارعان بولاتىن. سول ۋاقىت ارالىعىندا بىرقاتار حالىقارالىق جارىستاردا جاقسى ناتيجە كورسەتىپ, جانكۇيەرلەر ىقىلاسىنا بولەندى. بىلتىر ازيا چەمپيوناتىندا قولا مەدال السا, بيىل باس جۇلدەنى ولجالادى. ريو وليمپياداسىندا باق سىنادى. يسلام ءدىنىن قابىلداپ, اتى-ءجونىن نۇريسلام ساناەۆ دەپ وزگەرتتى.
بۋداپەشتەگى دودادا ول اقش, ساموا, ۋكراينا جانە تۇركيا بالۋاندارىن ۇتقانىمەن, فينالدا ەۋروپا چەمپيوناتىنىڭ ەكى دۇركىن جۇلدەگەرى, رەسەيلىك زاۋر ۋگۋەۆقا ەسە جىبەردى. وسىلايشا, نۇريسلام ساناەۆقا كۇمىس جۇلدە بۇيىردى.
عالىم سۇلەيمەن,
«ەگەمەن قازاقستان»