پارلامەنت سەناتىنىڭ توراعاسى قاسىم-جومارت توقاەۆ شۆەيتساريا كونفەدەراتسياسى فەدەرالدىق جينالىسى كانتوندار كەڭەسىنىڭ حالىقارالىق قاتىناستار كوميتەتىنىڭ توراعاسى, «شۆەيتساريا-قازاقستان» پارلامەنتارالىق توبىنىڭ توراعاسى فيليپپو لومبارديمەن كەزدەستى, دەپ حابارلايدى سەناتتىڭ ءباسپاسوز قىزمەتى.
قازاقستان مەن شۆەيتساريا اراسىنداعى ەكىجاقتى قارىم-قاتىناستىڭ دەڭگەيىن جوعارى باعالاعان سەنات توراعاسى شۆەيتساريانىڭ فەدەرالدىق پرەزيدەنتى د.ءليويتحاردتىڭ وتكەن جىلى استاناعا كەلگەنىن جانە پرەزيدەنت ن.نازارباەۆپەن كەلىسسوز جۇرگىزگەنىن ءارى «ەكسپو-2017» اياسىندا شۆەيتساريا ۇلتتىق كۇنىن مەرەكەلەۋگە قاتىسقانىن ريزاشىلىقپەن اتاپ ءوتتى.
ق.توقاەۆتىڭ پىكىرىنشە, ەكى ەل پارلامەنتتەرىنىڭ اراسىنداعى بايلانىس قارقىندى دامىپ كەلەدى. قازاقستان مەن شۆەيتساريانىڭ زاڭ شىعارۋ ورگاندارىنىڭ ەقىۇ پارلامەنتتىك اسسامبلەياسى مەن ەۋروپا كەڭەسى اياسىنداعى ىنتىماقتاستىعى ناتيجەلى جۇزەگە اسۋدا.
قوس تاراپ ساۋدا-ەكونوميكالىق, ينۆەستيتسيالىق جانە كولىك-لوگيستيكالىق بايلانىستارىن تەرەڭدەتۋ ماسەلەلەرىن تالقىلادى. شۆەيتساريا تاۋار اينالىمىنىڭ كولەمى بويىنشا ەلىمىزدىڭ ەۋروپاداعى نەگىزگى ارىپتەستەرىنىڭ قاتارىنا ەنەدى. ق.توقاەۆ قازاقستاننىڭ ترانزيتتىك الەۋەتى ارتا تۇسكەنىن اتاپ ءوتىپ, «نۇرلى جول» ستراتەگياسىن ىسكە اسىرۋ جانە ونىڭ قىتايلىق ۇلى جىبەك جولى باستاماسىمەن ۇيلەسىمى تۋرالى حابارلادى. سونداي-اق, سەنات توراعاسى استانادا حالىقارالىق قارجى ورتالىعىنىڭ اشىلۋىنا بايلانىستى قارجى ىنتىماقتاستىعىنىڭ اۋقىمدى مۇمكىندىكتەرىنە ف.ءلومبارديدىڭ نازارىن اۋداردى.
ق.توقاەۆ پەن ف.لومباردي قازاقستان مەن شۆەيتساريا ايماقتارىنىڭ ءوزارا ىنتىماقتاستىعىنىڭ كەلەشەگى زور ەكەنىن اتاپ ءوتتى. الماتى جانە لۋگانو قالالارىنىڭ اراسىنداعى سەرىكتەستىك بۇعان دالەل بولىپ تابىلادى, سونداي-اق الماتى وبلىسى مەن تيچينو كانتونى اراسىنداعى بايلانىس تا نىعايا تۇسۋدە.