قىزىلوردا قالاسىندا «اتا كاسىپ –التىن مۇرا» اتتى V وبلىستىق ەڭبەك ساباقتاستىعى فورۋمى ءوتتى.
«ەلباسىنىڭ جارلىعىمەن بەكىتىلگەن «ەڭبەك كۇنى» مەرەكەسىن بيىل بەسىنشى رەت اتاپ ءوتىپ وتىرمىز. وسى ۋاقىت ارالىعىندا كاسىپتى اتادان بالاعا ميراس ەتىپ وتىرعان قانشاما وتباسىلاردى وبلىستا عانا ەمەس, رەسپۋبليكا كولەمىندە تانىتا بىلدىك. ءبىزدىڭ بۇگىنگى جاس ۇرپاعىمىز اتاكاسىپتى جالعاستىرىپ, ونىڭ قىر-سىرىن وتباسىنان ۇيرەنسە, ءارى قاراي جالعاستىرسا, مۇنىڭ ءوزى ءبىر تاربيە مەكتەبى ەمەس پە؟ سونىڭ ناتيجەسىندە وزدەرىڭىز سياقتى ەڭبەك اۋلەتتەرى قالىپتاسىپ جاتسا, بۇل دا ءبىر ۇلتىمىزدىڭ رۋحاني جاڭعىرۋى بولماق», - دەدى فورۋمنىڭ قۇتتىقتاۋ سوزىندە قىزىلوردا وبلىسىنىڭ اكىمى قىرىمبەك كوشەرباەۆ.
سونىمەن قاتار, فورۋم اياسىندا «ەڭبەك جولى» رەسپۋبليكالىق بايقاۋىنىڭ جەڭىمپازدارى, كاسىپوداق ۇيىمدارىنىڭ ۇزدىك جاس ماماندارى جانە ءارتۇرلى سالاداعى جاستاردىڭ ۇزدىك تالىمگەرلەرى بەلگىلى بولدى.
ايماقتىڭ ۇزدىك ەڭبەك اۋلەتتەرى سالالار بويىنشا انىقتالىپ, باعالى سىيلىقتارمەن ماراپاتتالدى.
باقتيار تايجان,
«ەگەمەن قازاقستان»
قىزىلوردا وبلىسى