جانىبەك ءالىمحان ۇلىنىڭ كاسىپقوي بوكستاعى ءۇشىنشى جەڭىسى

كەزدەسۋدەن كەيىن پىكىرىمەن بولىسكەن جانىبەك الداعى ۋاقىتتاعى كەزدەسۋلەرگە جاقسىلاپ دايىندالاتىن جەتكىزدى.

«امەريكاداعى دەبيۋتتى جاساپ بولدىم. ءبارى ويداعىداي. امەريكاداعى العاشقى جەكپە-جەك بولعاننان كەيىن ونەرىمدى تولىقتاي كورسەتكىم كەلدى. ەندى الداعى كەزدەسۋگە جاقسىلاپ دايىندالۋ كەرەك», دەدى جانىبەك.

جانىبەك اقش-تىڭ كاليفورنيا شتاتىنداعى وكلەند قالاسىندا كولۋمبيالىق كارلوس گالۆانمەن (16-7-1, 15 كو) كەزدەستى. تورەشىلەردىڭ شەشىمىمەن جەڭىس جانىبەكتىڭ قانجىعاسىنا بايلاندى. 60:54 ۇپايىنا يە بولىپ, كاسىپقوي بوكستا ءۇشىنشى رەت جەڭىسكە جەتتى. ال 28 جاستاعى قارسىلاسى كارلوس گالۆان كارەراسىندا سەگىزىنشى رەت جەڭىلىس تاپتى.

قازاقستاندىق كاسىپقوي بوكسشىنىڭ كەلەسى كەزدەسۋى 3 قاراشا كۇنى اقش-تىڭ تەحاس شتاتىنداعى ەل-پاسو قالاسىندا وتەدى. كەزەكتى قارسىلاسى – امەريكالىق ۆون الەكساندر. بۇل بوكسشى ءوزىنىڭ قىلمىستىق ومىربايانىمەن تانىمال. ۆون الەكساندەر قارۋ كەزەنىپ, كىسى توناعانى ءۇشىن 11 جىل بويى تۇرمەدە وتىرىپ شىققان.