28 قىركۇيەك كۇنى «اتامەكەن» قر ۇلتتىق كاسىپكەرلەر پالاتاسى دۇنيەجۇزىلىك تۋريزم كۇنىنە وراي www.atameken.kz سايتىندا «Legends of Kazakhstan» مەن «تۋريزمدەگى تۇلعالار» جوبالارى باستالاتىنى تۋرالى مالىمدەمە تاراتتى.
وسى ورايدا, «اتامەكەن» قر ۇكپ تورالقا توراعاسى تيمۋر ق ۇلىباەۆتىڭ وڭىرلەرگە بارعان جۇمىس ساپارلارىندا قازاقستاندا ءتۋريزمدى دامىتۋعا زور الەۋەت بارىن جانە سول مۇمكىندىكتى بيزنەس مىندەتتى تۇردە پايدالانۋى كەرەك ەكەنىن بىرنەشە رەت ايتقانىن العا تارتا كەتۋگە بولادى.
تورالقا توراعاسى جاپپاي ءتۋريزمدى دامىتۋ ءۇشىن زاماناۋي شەشىمدەر قاجەتتىگىن ايتادى. ماسەلەن, بۇل باعىتتى كوپشىلىككە ساۋاتتى تانىستىرۋ ءۇشىن جۇمىسقا تاريحشىلار, ەتنوگرافتار, مادەنيەتتانۋشىلار, ماركەتولوگتار مەن ديزاينەرلەردى تارتقان ءجون.
وسى ورايدا «اتامەكەن» قر ۇكپ تۋريستىك نىساندار مەن تاريحي جەرلەردى ناسيحاتتاۋ ماقساتىندا «Legends of Kazakhstan» جوباسىن جۇزەگە اسىرۋدا.
«جوبا ەلىمىزدىڭ تۇكپىر-تۇكپىرىنەن 250 اڭىز بەن داستاندى بىرىكتىرىپ وتىر: بۇل حالىق اۋىز ادەبيەتى جانە اڭىزدار, تابيعات ەسكەرتكىشتەرى مەن تاريحي وقيعالار, ەتيولوگيالىق اڭىزدار مەن كيەلى ورىندار جايىندا كەڭ اقپارات. بۇل جوبا سۋرەتتەر جانە جاڭا نىساندارمەن تولىقتىرىلاتىنىن ەسكەرگەن ءجون», – دەدى ۇكپ تۋريزم دەپارتامەنتىنىڭ ديرەكتورى قارلىعاش التاەۆا.
بارلىق ماتەريالدار اشىق قولدانىستا بەرىلگەن, ولاردى تۋريستىك نارىقتىڭ مۇددەلى قاتىسۋشىلارى قازاقستاننىڭ تۋريستىك ونىمدەرىن ناسيحاتتاۋ مەن تاراتۋ ماقساتىندا قاجەتىنشەپايدالانا الادى. تۋريستەردىڭ ىڭعايىنا «تۋريست كۇنتىزبەسى» جاريالاندى, وندا قازاقستاندا وتەتىن ءىرى ءىس-شارالاردىڭ كۇنى بەلگىلەنگەن.
«تۋريزمدەگى تۇلعالار» جوباسى قازاقستان تۋريزم نارىعىنىڭ كاسىبي ويىنشىلارىن انىقتاۋعا جانە سالا قاتىسۋشىلارىنىڭ اقپاراتپەن قامتىلۋىن ارتتىرۋعا باعىتتالعان.
«تۋريزمدەگى تۇلعالار» ەلىمىزدىڭ بارلىق وڭىرىنەن ءتۇرلى سالالارداعى ساراپشىلار مەن كاسىپكەرلەردى ايشىقتايدى. بۇلار – تۋريستىك فيرمالاردىڭ جەتەكشىلەرى, قوناقۇي مەنەدجەرلەرى, تابىستى رەستوراتورلار, ەكسۋرسيا گيدتەرى, كاسىبي بىرلەستىكتەردىڭ وكىلدەرى, بەلسەندى قوعام قايراتكەرلەرى جانە سالا دامۋىنا ۇلەس قوسقان باسقا دا كاسىبي ماماندار.
اتالمىش بۇل جوبا جوعارىدا اتالعان باستامالارمەن شەكتەلمەي, ۇنەمى جاڭا ەسىمدەرمەن جانە جۇزەگە اسقان قىزىقتى جوبالارمەن تولىعىپ وتىرماق.
ايناش ەسالي,
«ەگەمەن قازاقستان»
الماتى