تمد ەلدەرى باسشىلارى كەڭەسى وتىرىسىنىڭ قورىتىندىسى بويىنشا جاڭا شەشىمدەر مەن قۇجاتتار قابىلداندى

وتىرىستا مەملەكەت باسشىسى تمد اياسىنداعى قارىم-قاتىناستاردى نىعايتىپ, دامىتۋ ءۇشىن اتقارىلعان جۇمىستاردىڭ ناتيجەلەرىنە توقتالدى.

نۇرسۇلتان نازارباەۆ ۇيىمدى رەفورمالاۋ جانە دوستاستىقتىڭ تۇجىرىمدامالىق قۇجاتتارىن جاڭارتۋ جولىندا قولعا الىنىپ جاتقان شارالاردىڭ تيىمدىلىگىن اتاپ ءوتتى.

قازاقستان پرەزيدەنتى مەملەكەتارالىق قاتىناستاردى ودان ءارى تەرەڭدەتۋگە سەپتىگىن تيگىزەتىن بىرقاتار پەرسپەكتيۆتى باعىتتارعا نازار اۋداردى.

اتاپ ايتقاندا, مەملەكەت باسشىسى تمد-نىڭ ەكونوميكالىق نەگىزىن نىعايتۋ جانە ەلدەر اراسىنداعى ساۋدا كەدەرگىلەرىن جويۋعا باعىتتالعان شارالار قابىلداۋ قاجەتتىگى تۋرالى ايتتى.

سونداي-اق, نۇرسۇلتان نازارباەۆ ساۋدا-ەكونوميكالىق قاتىناستاردى كەڭەيتۋ جانە تمد-عا مۇشە بارلىق ەلدەردىڭ كولىك-ترانزيت الەۋەتىن پايدالانۋ جونىندەگى ماسەلەلەرگە توقتالدى.   

قازاقستان پرەزيدەنتى عىلىمي-عارىش, تسيفرلاندىرۋ جانە تۋريزم سالالارىنداعى بىرلەسكەن جوبالاردى ىسكە اسىرۋ ماسەلەسىنە نازار اۋداردى.

مەملەكەت باسشىسى قازاقستاندا قۇرىلعان «استانا» حالىقارالىق قارجى ورتالىعىنىڭ ەرەكشەلىكتەرى جونىندە اڭگىمەلەپ, تمد-عا مۇشە ەلدەردىڭ ءبارىن قارجى ورتالىعىنىڭ جۇمىسىنا بەلسەندى اتسالىسۋعا شاقىردى. 

تمد ەلدەرى باسشىلارى كەڭەسى وتىرىسىنىڭ قورىتىندىسى بويىنشا مىناداي شەشىمدەر مەن قۇجاتتار قابىلداندى:

1. تاۋەلسىز مەملەكەتتەر دوستاستىعىنا قاتىسۋشى مەملەكەتتەردىڭ اقپاراتتىق تەحنولوگيالار سالاسىنا قاتىستى قىلمىستارمەن كۇرەس جۇرگىزۋدەگى ىنتىماقتاستىعى تۋرالى كەلىسىم;

2. عارىش كەڭىستىگىن زەرتتەۋ جانە بەيبىت ماقساتتارعا پايدالانۋ سالاسىنداعى ىنتىماقتاستىق تۋرالى تاۋەلسىز مەملەكەتتەر دوستاستىعى ەلدەرىنىڭ كونۆەنتسياسى;

3. تاۋەلسىز مەملەكەتتەر دوستاستىعىنا توراعالىق ەتۋ تۋرالى;

4. 1941-1945 جىلدارداعى ۇلى وتان سوعىسىنداعى جەڭىستىڭ 75 جىلدىعىن اتاپ وتۋگە دايىندىق تۋرالى;

5. 1948 جىلى 10 جەلتوقساندا قابىلدانعان ادام قۇقىقتارىنىڭ جالپىعا ورتاق دەكلاراتسياسىنىڭ 70 جىلدىعىنا بايلانىستى تاۋەلسىز مەملەكەتتەر دوستاستىعىنا قاتىسۋشى مەملەكەتتەردىڭ مالىمدەمەسى تۋرالى;

6. 2021 جىلى تاجىكستان رەسپۋبليكاسىندا «دوستاستىقتىڭ مادەني استانالارى» اتتى مەملەكەتارالىق باعدارلامانى جۇزەگە اسىرۋ تۋرالى;

7. تاۋەلسىز مەملەكەتتەر دوستاستىعى ەلدەرىندە 2021 جىلدى ساۋلەت جانە قالا قۇرىلىسى جىلى دەپ جاريالاۋ تۋرالى;

8. قىلمىستىلىقپەن كۇرەستەگى بىرلەسكەن شارالاردىڭ 2019-2023 جىلدارعا ارنالعان مەملەكەتارالىق باعدارلاماسى تۋرالى;

9. تاۋەلسىز مەملەكەتتەر دوستاستىعىنا قاتىسۋشى مەملەكەتتەر قورعانىس مينيسترلەرىنىڭ كەڭەسى جونىندەگى ەرەجەگە وزگەرىستەر مەن تولىقتىرۋلار ەنگىزۋ تۋرالى;

10. تاۋەلسىز مەملەكەتتەر دوستاستىعىنا قاتىسۋشى مەملەكەتتەردىڭ تەررورعا قارسى ورتالىعى جونىندەگى ەرەجەگە وزگەرىستەر مەن تولىقتىرۋلار ەنگىزۋ تۋرالى;

11. تاۋەلسىز مەملەكەتتەر دوستاستىعىنا قاتىسۋشى مەملەكەتتەردىڭ تەررورعا قارسى ورتالىعىنىڭ باسشىسى تۋرالى;

12. تاۋەلسىز مەملەكەتتەر دوستاستىعىنا قاتىسۋشى مەملەكەتتەر قورعانىس مينيسترلەرى كەڭەسىنىڭ جانىنداعى اۋە شابۋىلىنا قارسى قورعانىس ماسەلەلەرى جونىندەگى ۇيلەستىرۋ كوميتەتىنىڭ توراعاسى تۋرالى;

13. تاۋەلسىز مەملەكەتتەر دوستاستىعىنا مۇشە ەلدەر باسشىلارى كەڭەسىنىڭ شەشىمدەرىنىڭ كۇشىن جويۋ تۋرالى;

14. تاۋەلسىز مەملەكەتتەر دوستاستىعىنا قاتىسۋشى مەملەكەت باسشىلارىنىڭ دۇنيەجۇزىلىك كوشپەندىلەر ويىندارى جونىندەگى مالىمدەمەسى تۋرالى;

15. تاۋەلسىز مەملەكەتتەر دوستاستىعىنا قاتىسۋشى مەملەكەت باسشىلارىنىڭ شىڭعىس ايتماتوۆتىڭ 90 جىلدىعىنا بايلانىستى مالىمدەمەسى تۋرالى.