بۇگىن پارلامەنت ماجىلىسىندە «جۇمىسپەن قامتۋ سالاسىنىڭ پروبلەمالارى مەن دامۋ پەسرپەكتيۆالارى» تاقىرىبىندا پارلامەنتتىك تىڭداۋ ءوتىپ جاتىر, دەپ حابارلايدى پارلامەنتى ءماجىلىسى اپپاراتىنىڭ ءباسپاسوز قىزمەتى.
ءماجىلىس توراعاسى نۇرلان نىعماتۋلين ەڭبەك رەسۋرستارىن باسقارۋدىڭ ءتيىمدى جۇيەسىن قالىپتاستىرۋ تۋرالى ءسوز قوزعادى.
ءماجىلىس سپيكەرى اتاپ وتكەندەي, جۇمىس - ازاماتتاردى الەۋمەتتىك قورعاۋدىڭ, ءومىر ءسۇرۋ ساپاسىن جاقسارتۋدىڭ جانە مەملەكەتىمىزدى ودان ءارى دامىتۋدىڭ باستى كەپىلى. بۇل – قوعامدىق تۇراقتىلىقتى ساقتاۋدىڭ دا نەگىزگى شارتى.
سوندىقتان, ەلباسىمىز نۇرسۇلتان ءابىش ۇلى نازارباەۆ تاۋەلسىزدىكتىڭ ءبىرىنشى كۇنىنەن باستاپ, وسى ماسەلەگە ەرەكشە كوڭىل ءبولىپ, بارلىق جاعدايدى جاساپ كەلە جاتىر.
بۇل باعىتتا 2011-ءشى جانە 2016-شى جىلداردا ەلىمىزدە «جۇمىسپەن قامتۋ جول كارتاسى» جۇزەگە اسىرىلدى. ناتيجەسىندە 5 جىلدا 800 مىڭنان استام ادام جۇمىسقا ورنالاستى.
ال, بىلتىردان بەرى ەلىمىزدە «ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋ» باعدارلاماسى باستالدى.
وسى سالاداعى ماڭىزدى سۇراقتىڭ ءبىرى رەتىندە ءماجىلىس توراعاسى ءتورتىنشى ونەركاسىپتىك رەۆوليۋتسيا ناتيجەسىندە جۇمىس ورىندارىنىڭ بوساتىلۋىن اتاپ ءوتتى. ماسەلەن, اۆتوماتتاندىرۋ جانە تسيفرلاندىرۋ كەزىندە الەمدە كەيبىر كاسىپتەردىڭ 30 پايىزعا جۋىعى قىسقارۋى مۇمكىن دەگەن بولجام بار. وسى جولدا ن. نىعماتۋلين ەڭبەك رەسۋرستارىن باسقارۋ جۇيەسىن قالىپتاستىرۋ وتە ماڭىزدى ەكەنىنە توقتالدى.
بارلىق جاڭاشىلدىقتاردى زاڭنامالىق تۇرعىدان قولداۋ جولىندا كوپتەگەن شارالار اتقارالىپ كەلە جاتقانىن ايتا كەلىپ, پالاتا سپيكەرى:
- وزدەرىڭىز بىلەسىزدەر, بۇگىنگى كۇنى جۇمىسقا دەگەن سۇرانىس وتە جوعارى.
سول ءۇشىن ەلباسىمىز نۇرسۇلتان ءابىش ۇلى نازارباەۆ ءوزىنىڭ ءاربىر تاپسىرماسىندا جاڭا كاسىپورىنداردى اشىپ, جۇمىس ورىندارىن كوبەيتۋ تۋرالى ناقتى مىندەتتەر قويىپ وتىر.
ولاردى, ساپالى زاڭدارمەن قامتاماسىز ەتۋ, ءبىزدىڭ پارلامەنتتىڭ نەگىزگى ماقساتى, - دەدى.