بۇل تۋرالى وڭىرلىك كوممۋنيكاتسيالار قىزمەتىندە وتكەن ءباسپاسوز كونفەرەنتسيادا اۋىل شارۋاشىلىق باسقارماسىنىڭ باسشىسى قۇساين سارسەمباي مالىمدەدى.
ونىڭ ايتۋى بويىنشا وڭىردەگى اۋىل شارۋاشىلىعى داقىلدارىنىڭ جالپى ەگىستىك القابى 758,4 مىڭ گا جەردى قۇرادى, ونىڭ ىشىندە ءداندى داقىلدار – 443,7 مىڭ گا, مايلى داقىلدار - 50 مىڭ گا, مال ازىعى – 253 مىڭ گا, كارتوپ - 6,2 مىڭ گا, كوكونىس پەن باقشا داقىلدارى - 5,5 مىڭ گا قۇرايدى.
ءونىمنىڭ جالپى قۇرىلىمىن ءارتاراپتاندىرۋ ەسەبىن 2017 جىلمەن سالىستىرعاندا ءداندى داقىلدار ۇلەسى 59,4% - دان 58,5% - عا دەيىن تومەندەدى, جەمشوپ 32,6% - دان 33,4% - عا دەيىن ال, مايلى داقىلدار 6,3% - دان 6,6% - عا ءوستى.
«قازىرگى ۋاقىتتا ءداندى داقىلداردىڭ 89 % جينالدى. ورتاشا ونىمدىلىك گەكتارىنا 10,3 تسەنتنەردەن, جالپى ءونىم 404 مىڭ توننانى قۇرادى. بيداي 261 مىڭ گەكتار جەردەن, قىسقى ءداندى داقىلدار - 6 مىڭ گەكتار, ارپا 115,2 مىڭ گەكتاردان جينالدى. اقتوبە قالاسى مەن تەمىر, ويىل, قوبدا, مارتوك, مۇعالجار اۋداندارىندا ەگىن جيناۋ جۇمىستارى اياقتالدى. جوعارى ونىمدىلىك تەمىر, مۇعالجار, مارتوك جانە حرومتاۋ اۋداندارىندا بايقالادى. قىركۇيەك ايىنىڭ اياعىنا دەيىن بارلىق جۇمىستى اياقتاۋدى جوسپارلاپ وتىرمىز »,- دەدى باسقارما باسشىسى.
سونداي-اق, 2018-2019 جىلدارعا 2,4 ملن.توننا كولەمىندە ءشوپ قورى دايىندالدى.
ايتا كەتەيىك, وبلىستا جاڭا ءونىم استىعىن قابىلداۋ ءۇشىن سىيىمدىلىعى 368 مىڭ توننا بولاتىن 6 ليتسەنزيالانعان ەلەۆاتور جۇمىس ىستەيدى, سونىمەن قاتار,قۋاتتىلىعى 123,4 مىڭ توننا بولاتىن 184 استىق قويما بار. جۇمىستاردى جۇرگىزۋگە 1181 كومباين, 1454 جۇك كولىگى مەن 118 مەحانيكالاندىرىلعان توك جۇمىلدىرىلدى.
ءوڭىردىڭ 2018 جىلى ديزەلدىك وتىنعا دەگەن قاجەتتىلىگى 8,5 مىڭ توننانى قۇرايدى, ونىڭ ىشىندە 3,6 مىڭ تونناسى ارزانداتىلعان وتىن تۇرىندە تاسىمالداندى.