قاسىم-جومارت توقاەۆتىڭ توراعالىق ەتۋىمەن پارلامەنت سەناتىنىڭ بيۋرو وتىرىسى بولىپ, وندا پالاتانىڭ كەزەكتى وتىرىسىنىڭ كۇن ءتارتىبى بەلگىلەندى, دەپ حابارلادى سەناتتىڭ ءباسپاسوز قىزمەتى.
سەناتورلار 27 قىركۇيەكتە ەۋرازيالىق ەكونوميكالىق قوعامداستىققا مۇشە ءبىر مەملەكەتتىڭ ازاماتتارى ەۋرازيالىق ەكونوميكالىق قوعامداستىققا مۇشە ەكىنشى مەملەكەتتىڭ اۋماعىنداعى ەڭبەك قىزمەتىن جۇزەگە اسىرۋ كەزىندە ۇشىراعان وندىرىستەگى جازاتايىم وقيعالاردى تەرگەپ-تەكسەرۋ ءتارتىبى تۋرالى كەلىسىمدى, قازاقستان مەن يوردانيا ۇكىمەتتەرى اراسىنداعى ازاماتتىق قورعانىس, توتەنشە جاعدايلاردىڭ الدىن الۋ جانە ولاردى جويۋ سالاسىنداعى ىنتىماقتاستىق تۋرالى كەلىسىمدى راتيفيكاتسيالاۋ تۋرالى زاڭ جوبالارىن; زاڭناماعا ءدىني قىزمەت جانە ءدىني بىرلەستىكتەر ماسەلەلەرى بويىنشا تۇزەتۋلەر ەنگىزۋ تۋرالى; «ستاندارتتاۋ تۋرالى» زاڭ جوباسىن, زاڭناماعا ولشەم بىرلىگىن قامتاماسىز ەتۋ جانە ستاندارتتاۋ ماسەلەلەرى بويىنشا تۇزەتۋلەر ەنگىزۋ تۋرالى زاڭ جوبالارىن قاراستىرادى.
سونىمەن قاتار سەناتورلار وتىرىس بارىسىندا سەناتتىڭ كونستيتۋتسيالىق زاڭناما,سوت جۇيەسى جانە قۇقىق قورعاۋ ورگاندارى كوميتەتى مۇشەلەرىنىڭ جول ءجۇرىسىنىڭ قاۋىپسىزدىگى ماسەلەلەرى جونىندەگى دەپۋتاتتىق ساۋالىنىڭ جاۋابىن قارايدى.