8 قىركۇيەكتە ساعات 12:00-دەن 19:00-گە دەيىن استانا قالاسى اكىمدىگىنىڭ الاڭىندا قازاقستانداعى وزبەكستان ءتۋريزمى جىلى شەڭبەرىندە وزبەك گاسترونوميالىق جانە ۇلتتىق اسحاناسىنىڭ كورمەسى وتەدى, دەپ حابارلايدى استانا قالاسى اكىمدىگىنىڭ رەسمي سايتى.
ءىس-شارانى مادەنيەت جانە سپورت مينيسترلىگىنىڭ قولداۋىمەن «Kazakh Tourism» ۇك» اق ۇيىمداستىرۋدا.
كورمە قوناقتارىنا شىرايلى وزبەكستاننىڭ باس اسحاناسى مەن قازاقستان حالقىنىڭ ۇلتتىق تاعامدارى ۇسىنىلاتىن بولادى. اتاقتى باس-اسپازشى ءداستۇرلى ۇلتتىق تاعامدى دايىنداۋ بويىنشا شەبەرلىك ساعاتىن كورسەتىپ, شەبەرلىگىنىڭ قۇپياسىن اشاتىن بولادى.
كورمەگە كەلۋشىلەر ءدامدى تاعامنان ءدام تاتىپ, ىستىق تاندىردان شىققان كۇرەڭ قالاشتان سارقىت الۋلارىنا بولادى. سونىمەن قاتار, قوناقتاردىڭ نازارىنا كونتسەرتتىك باعدارلاما ۇسىنىلادى.
بۇدان باسقا, شىعىس جارمەڭكەسى مەن «اس يەسىمەن ءتاتتى» لوتەرەياسى ۇيىمداستىرىلاتىن بولادى. وندا ەرەسەكتەر مەن بالالار ءۇشىن سىيلىقتار ويناتىلاتىن بولادى.