«اق جولدى» الاڭداتار ماسەلە بار

كەشە استاناداعى «اق جول» پارتياسىنىڭ ورتالىق كەڭسەسىندە: «قازاقستان رەس­پۋبليكاسىندا زەينەت­اقى­مەن قامتاماسىز ەتۋ پروب­لە­ما­لا­رى. جەتىم بالا­لار­دىڭ, مۇگ­ە­دەكتەردىڭ, كۇن­كو­رىسى ءتو­مەن ادامداردىڭ الەۋ­مەتتىك بەيىمدەلۋى ءۇشىن لايىقتى جاع­داي جاساۋ» دەگەن تاقى­رىپتا دوڭگەلەك ۇستەل ءوتتى. «اق جول» پارتياسى مەم­لەكەتتىك ساياساتتىڭ باس­تى ماق­­ساتى – ازاماتتاردىڭ ما­تە­ريالدىق ءال-اۋقاتىن ءۇز­دىك­­سىز ارتتىرۋ, حالىقتى الەۋ­­­مەت­تىك قورعاۋ جانە الەۋ­­مەت­تىك قامتاماسىز ەتۋ رەفور­ما­سىن دايەكتىلىكپەن جۇرگىزۋ, الەۋمەتتىك ادىلەت­تى­­لىكتى ساق­تاۋ, زەينەتاقىمەن قامتا­ما­سىز ەتۋ. بۇلار قو­عام­داعى ما­ڭىز­دى ماسەلە­لەر­دىڭ نەگىزگى بۋىن­دارىنىڭ ءبىرى ەكەنى انىق. قازاقستاندا زەينەتاقى­مەن قامتاماسىز ەتۋدىڭ ءۇش دەڭ­گەيلى جۇيەسى قولدانى­لا­تىنى بەلگىلى: جاسىنا قاراي ارقاۋ­لىق جاردەماقى, بيۋد­جەت قارا­جا­تى ەسەبىنەن ءتو­لەنەتىن ور­تاق­تاس (ەڭبەك) زەي­نەتاقى, جي­ناق­­تاۋ­شى جانە ەرىكتى زەي­نەت­اقى. «اق جول» پارتياسى ءتور­اعا­سىنىڭ ورىن­باسارى ل.جۋ­­لا­نوۆانىڭ اي­تۋى­نا قا­را­عاندا, «اق جول» پارتياسى زەينەت­اقى­مەن قام­تا­ما­سىز ەتۋدىڭ بارلىق ءۇش دەڭ­گەيىندە تۋىنداعان پروب­لەما­لار­دى شەشۋدى قاجەت دەپ سا­ناي­دى. ولاردىڭ پىكىرىنشە, جال­پى العاندا, زەينەتاقى جۇيەسى جاڭعىرتۋدى قاجەت ەتەدى. وتە ماڭىزدى ەسەپ ايى­رى­سۋلار نەگىزىندە قازىرگى زا­مان­عى, تەڭدەستىرىلگەن زەي­نەت­اقى جۇيەسىنىڭ ۇزاق مەرزىمدىك سترا­تەگياسىن ازىرلەۋ كە­رەك. قا­زاق­ستان رەسپۋب­ليكاسىنىڭ جيناق­تاۋشى زەي­نەت­اقى جۇيەسىنىڭ ءتيىمدى جۇ­مىس ىستەۋىن كوزدەيتىن ۇزاق مەرزىمدىك باعدارلاما قا­بىل­داۋ, جيناقتاۋشى زەينەت­اقى قورلارىنىڭ كىرىستىلىگىن ارت­تىراتىن ينستيتۋتتىق تەتىكتەرىن ازىرلەۋ, ولاردىڭ ينۆەس­تي­تسيالىق مۇمكىندىكتەرىن كە­ڭەي­تۋ دە بۇگىنگى كۇننىڭ تالا­بىنان تۋىندايدى. وتىرىس اياسىندا ل. جۋلانوۆا مىنانى اتاپ ايتتى: «سا­­نى 6-8-دەن اسپايتىن قور­دى ساقتاپ, جيناقتاۋشى زەي­نەت­­اقى قورلارىن ىرىلەندىرۋ, جي­ناق­تاۋشى زەينەتاقى جۇيە­­­سىن­دە اكىمشىلىك شىعىس­تار­دى ازاي­تۋ ۇتىمدى بولادى دەپ ەسەپتەيمىز.  ەڭبەك جانە حا­لىق­تى الەۋ­مەتتىك قورعاۋ مينيسترلىگىنىڭ حالىقتىڭ زەي­نەتاقى جيناق­تا­رىنىڭ ناقتى جاعدايىنا مونيتورينگ جانە بولجام جا­ساۋى­نا جاۋاپكەرشىلىگىن ارت­تى­رۋ قاجەت. ءوز قىز­مەتكەرلەرىنە ەرىكتى كاسى­بي زەينەتاقى جار­نا­لارىن اۋدارعان جۇمىس بەرۋشىلەر ءۇشىن ىنتالاندىرۋ شارا­لا­رى جاسالۋعا ءتيىس», دەدى ول. وتىرىستا جۇمىس ىستەپ ءجۇ­رىپ, زەينەتاقى قورىنا ەرىكتى زەي­نەتاقى جارنا­لا­رىن اۋدار­عان ازاماتتاردى مەملەكەت ىن­تالاندىرا الا­تىنى, زەينەتكەرلىك جاس­تا­عى ادام­دار­دى ەكونوميكا سا­لاسىنداعى جۇمىسقا تارتۋ تاجىريبەسىن كەڭەيتۋ قا­جەت­تىگى, جەتىم با­لالارعا, ءمۇ­گەدەكتەرگە, زەينەتكەرلەرگە, كۇنكورىسى تومەن ادامدارعا لايىقتى جاعداي جاساۋ ءۇشىن ۇكىمەت شارالار كەشەنىن قابىلداۋ قاجەتتىگى دە نازاردان تىس قالمادى. دوڭگەلەك ۇستەلدىڭ جۇ­مى­سىنا جيناقتاۋشى زەي­نەت­اقى قورلارىنىڭ, ەڭبەك جانە حالىقتى الەۋمەتتىك قورعاۋ, ءبىلىم جانە عىلىم مينيس­تر­لىكتەرىنىڭ وكىلدەرى, قالا كا­سىپورىندارىنىڭ باس­شى­لا­رى, ۇەۇ وكىلدەرى, وسى پروب­لەمالاردى شەشۋگە   ءتيىس قىز­مەتتەر قاتىستى. قاراشاش توقسانباي.