ەلباسىنىڭ جاڭاوزەندە بولىپ, قالا تۇرعىندارىمەن كەزدەسۋى, ب ۇلىك پەن جاپپاي تارتىپسىزدىكتىڭ سالدارىنان ب ۇلىنگەن عيماراتتاردى شۇعىل قالپىنا كەلتىرۋ جونىندە ۇكىمەت پەن ءتيىستى ۆەدومستۆولارعا تاپسىرما بەرگەنى ۇلكەن پاراساتتىلىقتىڭ بەلگىسى دەپ بىلەمىز. مەملەكەت باسشىسىنىڭ وسىناۋ ارنايى ءىسساپارى تۋرالى ايتقان كەزدە ەلىمىزدىڭ كەز كەلگەن وڭىرىندە ورىن العان كەلەڭسىز جاعداي, ءار وتباسىنىڭ باسىندا كەزدەسەتىن قايعى-قاسىرەت ەڭ الدىمەن نۇرسۇلتان ءابىش ۇلىنىڭ جۇرەگىن ءتىلىپ وتەتىنىن سەزىنگەندەي كوڭىل-كۇيگە بولەنەمىز.
ەلدەگى قاراپايىم ادامداردىڭ تاعدىرى مەن مۇڭ-مۇقتاجى ۇنەمى ەلباسى نازارىندا تۇراتىنىنا بۇل جولى تاعى دا كۋا بولىپ وتىرمىز. بۇل پىكىرىمىزدىڭ ءبىر دالەلى رەتىندە پرەزيدەنت جاڭاوزەن اۋماعىندا جۇمىستان قىسقارتىلعان نەمەسە بوساتىلعان جۇمىسشىلاردى يندۋستريالىق-يننوۆاتسيالىق باعدارلاما شەڭبەرىنە كىرەتىن كەز كەلگەن جوبا نىساندارىنا ورنالاستىرۋ جونىندە بەرگەن پارمەنى ايعاق.
ارينە, مۇنايلى تۇبەكتە ەڭبەك داۋلارى جونىندەگى اڭگىمە ءبىرازدان بەرى ايتىلىپ كەلەدى. ايتسە دە وسى ەڭبەك داۋلارى مەن جاڭاوزەندەگى جاپپاي ءتارتىپ بۇزۋشىلىق اراسىندا ەشقانداي بايلانىس جوق ەكەنىن تاعى دا اشىپ ايتقان ورىندى. ەڭبەك داۋلارى جونىندە پرەزيدەنتتىڭ تاپسىرماسى بولعان ەكەن. ونى دەر كەزىندە ورىنداماي وزەكتى ماسەلەنى شەشۋدە دارمەنسىزدىك تانىتقاندار, ۇلتتىق كومپانيا مەن ونىڭ ەنشىلەس قۇرىلىمدارىنىڭ باسشىلارى اراسىندا مەنەدجمەنت تيىمدىلىگىن جولعا قويا بىلمەيتىن كەزدەيسوق ادامداردىڭ بولۋى ەلباسىن ەل الدىندا ىڭعايسىز جاعدايعا تۇسىرە جازداعانىن قايدا قويامىز؟
بۇلاردىڭ قاتارىندا ۇكىمەت, «سامۇرىق-قازىنا» ءال-اۋقات قورى, «قازمۇنايگاز» كومپانياسى بولعانى قانداي وكىنىشتى. نۇرسۇلتان ءابىش ۇلى سولاردىڭ بارلىعىنىڭ اتتارىن اتاپ, تۇستەرىن تۇستەپ ايتىپ, بۇل ولقىلىقتى شەشۋ جونىندە شۇعىل شارا بەلگىلەپ, وڭ كادرلىق وزگەرىستەر جاساعانى دا بارشا قازاقستاندىقتاردىڭ كوڭىلىنەن شىعىپ وتىر.
ءبىر سوزبەن ايتقاندا, ۇلت كوشباسشىسىنىڭ باستى ۇستانىمى قاي كەزدە, قانداي جاعدايدا دا تەك اقيقاتتان اتتاماۋ ەكەنىن تاعى دا تەرەڭىرەك ءتۇيسىنىپ وتىرمىز.
قازىباي بوزىموۆ, جاڭگىر حان اتىنداعى باتىس قازاقستان اگرارلىق-تەحنيكالىق ۋنيۆەرسيتەتىنىڭ رەكتورى.
باتىس قازاقستان وبلىسى.