تۇگەل بولساق, توبەدەگى كەلەدى

جاڭاوزەندە ورىن العان كەلەڭسىز وقيعالار ءبارىمىزدى الاڭداتتى. ەل باسىنا اۋىر كۇن تۋعان شاقتا قازاقستان حالقى بىراۋىزدىلىق تانىتتى. ەل­با­سىمىزدىڭ قاۋىپسىزدىك كەڭە­سىنىڭ وتىرىسىندا جاڭا­وزەن­دىكتەردى اقىلعا جانە بايسال­دىلىققا شاقىرعان سوزدەرى قا­زاقستاندىقتاردى ورتاق ماقسات جولىنا ودان ءارى بەرىك توپ­تاس­تىرا ءتۇستى. پرەزيدەنت ەندىگى مىندەت جاپپاي تارتىپسىزدىك سال­دارىنان ىستەن شىققان نى­سانداردى قالپىنا كەلتىرۋ, ورىن العان الەۋ­مەتتىك-ەكو­نو­ميكالىق پروبلەما­لار­دى جەدەل شەشۋ, باستى قۇن­دىلى­عى­مىز – تاۋەل­سىز­دىكتى تاباندى قور­عاۋدىڭ قاجەتتىگىن اتاپ كور­سەتتى. بىرقا­تار ماسە­لەلەر بوي­ىن­شا ۇكى­مەتكە ناق­تى تاپسىر­ما­لار بەردى. قازىرگى ۋاقىتتا جاڭا­وزەن­دەگى جاع­داي­دىڭ ءتۇ­زەلىپ, قالىپتى تىرشىلىك ارناسىنا تۇسكەنىن كورىپ قۋانىپ وتىرمىز. قيىن ساتتە قورعاۋشىمىز, قولداۋشىمىز بار, ول ەلباسى ەكەنىن كەرەمەتتەي سەزىندىك. قازاقستان – ورتاق ءۇيىمىز, قاسيەتتى قاراشاڭىراعىمىز, قۇتتى مەكەنىمىز.  وزگەنىڭ جەتىستىگىنە بالاشا قۋا­نىپ, قاي­عىسىنا قا­بىرعاسى قايى­ساتىن حالىق اتا-بابامىز ميراس ەتىپ قال­دىرعان قاسيەتتى داستۇرلەردى جوعالتپاعانىن تاعى ءبىر ايعاقتادى. سو­نىڭ جارقىن ۇلگىسىن مەملەكەت باسشىسى قا­سيەت­تى دە كيەلى ماڭ­­عىستاۋ جەرىندە بولعان جۇمىس ساپا­رىندا كو­رىپ-بىلدىك.  نۇرسۇلتان ءابىش ۇلى جاڭاوزەن تۇرعىن­دارى­مەن, ەڭ­بەك ۇجىمدارىمەن كەزدەسىپ, جەكە قولداۋ كورسەتتى. ەل بىرلىگى  تاتۋلىقتا, ءوزارا كەلىسىمدە ەكەنىنە كوزىمىزدى  تاعى ءبىر جەتكىزدى. وسى ءبىر  وقيعا قازاقستان حالقىنىڭ ۇيىمشىلدىعىن, توپ­تاسقاندىعىن تاعى ءبىر سىن تەزىنە سالدى. وسىندايدا «التاۋ الا بولسا اۋىزداعى كەتەدى, تورتەۋ تۇگەل بولسا توبەدەگى كەلەدى» دەگەن ءسوز بار. الداعى ۋاقىتتا كەلەڭسىز بەيبەرە­كەتتى­لىكتىڭ سەبەپ-سالدارلارى مۇ­قيات زەرتتەلىپ, ساباق الارلىق قورى­تىن­دى شىعارىلارىنا سەنەمىز. ەڭبەك داۋىن دەر كەزىندە شەشۋ جونىندەگى تاپسىر­ما­لار­دىڭ ورىندالماۋى جەكەلەگەن ادامداردىڭ نارازىلىعىن تۋ­دىرىپ, ونىڭ سوڭى الدەكىم­دەردىڭ قولشوقپارىنا, قول­جاۋ­لىعىنا اينالۋىنا سوق­تىر­عانىن ەلباسى اشىق ايتتى. وسى جاعىنان ساقتان­دىرىپ,  مەملەكەت زاڭسىز­دىقتىڭ كەز كەلگەن ارەكەتىنە قاتاڭ توس­قاۋىل قوياتىنىن اتاپ كورسەتۋى حالىق تىلەگىمەن ورايلاسىپ جاتىر. نازىمبەك ورازىمبەتوۆ, سولتۇستىك قازاقستان وبلىستىق ءبىلىم جانە عىلىم قىزمەتكەرلەرى كاسىپوداق كوميتەتىنىڭ توراعاسى سولتۇستىك قازاقستان وبلىسى.