پرەزيدەنت پاراساتى

قانداي ءتۇيىندى دە تارقاتاتىنىنا قازاقستاندىقتار تاعى دا كوز جەتكىزدى

ەل قازىناسى – بىرلىكتە

الىستى جاقىن, جاتتى ەل ەتەتىن اتا سالتىنا حالقىمىز قاشان­نان ادال. قانداي قيىن-قىس­تاۋ­لاردا دا نايزانىڭ كۇشىمەن ەمەس, ءتىلدىڭ ۇشىمەن جول تاپقان ەلمىز. ىنتىماق پەن بىرلىك – اتادان با­لاعا امانات بولعان ەڭ ءبىر قىمبات قۇندىلىقتارىمىز, بايلىعىمىز, باعىمىز. بۇگىنگى ۇرپاقتىڭ كەيىنگىگە وسىناۋ ىنتىماق پەن بىرلىك مۇراسىن تاپسىرۋى – بابالار ال­دىنداعى قارىزى, بالالار الدىن­داعى پارىزى بولماق. ەلباسى ماڭعىستاۋ وبلىسىندا بولعان كەزىندە وسى ماسەلەلەرگە باسا نازار اۋداردى. ەلىمىزدىڭ مەملەكەتتىگىنىڭ تىرەگى دە, ۇيىتقىسى دا – قازاق حالقى. ەندەشە, الاش جۇرتى قا­زاق­ستاندى ءوز وتانىم دەپ ساناي­تىن جۇزدەن استام ۇلىستارعا تاتۋلىق ۇلگىسىن كورسەتۋى ابزال. قۇدايعا شۇكىر, وسىناۋ ىزگى بيىكتەن قازاق حالقى تومەندەگەن ەمەس. اسىرەسە, تاۋەلسىزدىككە قول جەتكىزگەننەن بەرى قاستەرلى بىرلىگىمىز ارتپاسا, كەمىگەن جوق. جاس ۇرپاق تاربيەسىمەن اينالىساتىن بولعاندىقتان, مەن جانە ارىپتەس ۇستازدارىم ساباقتا دا, ساباقتان تىس ۋاقىتتا دا شاكىرتتەردىڭ بويىنا قازاق ۇلتىنىڭ, قازاقستان حالىقتارىنىڭ جانە الەم ەلدەرىنىڭ ءوزارا دوستىعىن قۇرمەتتەۋ سەزىمىن دارىتۋ جو­لىن­دا ايانباي ەڭبەك ەتۋدەمىز. بۇل – بىزدەردىڭ قازاقستان تاۋەلسىزدىگىن نىعايتۋعا قوسار اسا ۇلكەن ۇلەسىمىز. قازاقستان رەسپۋبليكاسىنىڭ ەكونوميكالىق, ساياسي-الەۋمەتتىك تۇراقتى دامۋىن وقۋ ۇردىسىندە, تاربيە جۇمىستا­رىن­دا نەگىز ەتىپ الا­تى­نىمىزدى ماقتانىش­پەن ايتا الامىز. بۇل ورايدا ۇستازداردى ىنتىماق پەن بىرلىك جارشىسى دەسەك تە بولادى جانە ول – ۇستازدىق مۇرات. ىن­تىماق پەن بىرلىك نەگىزىن مەكتەپ قابىرعاسىندا قا­لىپتاستىرۋ – بىزدەردىڭ پاتريوت­تىق بورىشىمىز. اينالدىرعان 20 جىلدا قۋات­تى مەملەكەتكە اينالعان تاۋەلسىز قازاقستاننىڭ دامۋ اياسىندا بۇرىندى-سوڭدى تاريح بىلمەگەن ۇلى جەتىستىكتەرگە جەتىپ وتىرمىز. ءبىزدىڭ كوشىمىزدىڭ دۇرىس ەكەنىنە تاريح – كۋا, ۋاقىت – تارازى. ءبىزدىڭ قازاقستاننىڭ وركەندەۋ باعىتى دۇرىس ەكەنىن بۇكىل قازاقستاندىقتار ماقتان تۇتادى, ونى كوزىنىڭ قاراشىعىنداي قورعايدى. ۇلى تاۋەلسىزدىككە قول كوتەرۋگە ەشقاشان ەشكىمگە دە جول بەرىلمەيدى. اياگۇل ميرازوۆا, ى.التىنسارين اتىنداعى  №159 گيمنازيانىڭ ديرەكتورى,  قازاقستاننىڭ ەڭبەك ەرى. الماتى.