الماتى وبلىسى اكىمىنىڭ الەۋمەتتىك ماسەلەلەر بويىنشا ورىنباسارى بولىپ اقان ابدۋاليەۆ تاعايىندالدى, دەپ حابارلايدى وبلىس اكىمدىگىنىڭ ءباسپاسوز قىزمەتى.
قازاقستاننىڭ ەڭبەك سىڭىرگەن قايراتكەرى, مەملەكەتتىك «دارىن» جاستار سىيلىعىنىڭ يەگەرى, ءانشى-جىرشى اقان ءابدۋالى الماتى وبلىسى اكىمىنىڭ الەۋمەتتىك ماسەلەلەر بويىنشا ورىنباسارى بولىپ تاعايىندالدى. ايماق باسشىسى اماندىق باتالوۆ بۇگىن ءوڭىر اكتيۆىنە جاڭا ورىنباسارىن تانىستىردى.
اقان جىلقىشىباي ۇلى ءابدۋالى – 1975 جىلى الماتى وبلىسى جامبىل اۋدانى شيەن اۋىلىندا دۇنيەگە كەلگەن. 2005 جىلى قۇرمانعازى اتىنداعى قازاق ۇلتتىق كونسەرۆاتورياسىن, 2012 جىلى الماتى ەكونوميكا جانە ستاتيستيكا اكادەمياسىن تامامداعان.
ەڭبەك جولىن ءسۇيىنباي اتىنداعى الماتى وبلىستىق فيلارمونياسىنان باستاعان. كەيىنىرەك ج.ەلەبەكوۆ اتىنداعى رەسپۋبليكالىق ەسترادا – تسيرك كوللەدجىندە, سونداي-اق قۇرمانعازى اتىنداعى قازاق ۇلتتىق كونسەرۆاتورياسىندا ۇستازدىق قىزمەتتەر اتقارعان.
ت.جۇرگەنوۆ اتىنداعى قازاق ۇلتتىق ونەر اكادەمياسى مۋزىكا فاكۋلتەتىنىڭ ء«داستۇرلى مۋزىكا ورىنداۋشىلىق» كافەدراسىنىڭ مەڭگەرۋشىسى بولدى.
2008-2009 جج. ا.جۇبانوۆ اتىنداعى قومممي ديرەكتورىنىڭ مۋزىكا ءىسى جونىندەگى ورىنباسارى;
2009-2015 جج. ا.جۇبانوۆ اتىنداعى رقمممي ديرەكتورى;
2015-2016 جج. جامبىل اتىنداعى قازاق مەملەكەتتىك فيلارمونياسىنىڭ ديرەكتورى قىزمەتتەرىن اتقارعان.
الماتى وبلىسى اكىمىنىڭ وكىمىمەن 2016 جىلدىڭ 1-ءشى ماۋسىمىنان باستاپ وبلىستىق مادەنيەت, ارحيۆتەر جانە قۇجاتتاما باسقارماسىنىڭ باسشىسى بولىپ تاعايىندالدى.
سونداي-اق اقان ءابدۋالى بىرنەشە تۋىندىنىڭ اۆتورى. اتاپ ايتار بولساق, 2003 جىلى «اعاما سىر» ليريكالىق ولەڭدەر جيناعى, 2004 جىلى «عاسىرلار ءۇنى», 2004 جىلى ء«سۇيىنباي مەن قاتاعاننىڭ ايتىسى» ديسك البومى, 2008 جىلى «جەتىسۋ اقىندارىنىڭ جىر سارىندارى» اتتى نوتالىق ۇلگىمەن عىلىمي زەرتتەۋلەرى جارىق كوردى.
ەلباسىنىڭ تاپسىرماسىمەن جۇزەگە اسقان «قازاقتىڭ ءداستۇرلى 1000 ءانى», «قازاقتىڭ ءداستۇرلى 1000 كۇيى», «50 باتىرلار داستانى» تاعى باسقا انتولوگيالىق جيناقتاردىڭ رەداقتسيا القاسىنىڭ مۇشەسى,«قازاقتىڭ 100 ءانى», «تەلقوڭىر» مۋزىكالىق-تانىمدىق حابارلارىنىڭ جۇرگىزۋشىسى ءارى يدەيا اۆتورى, سونىمەن قاتار ء«ىنجۋ مارجان», «ماڭگىلىك سارىن», «استانا ارقاۋ» ءداستۇرلى مۋزىكا فەستيۆالدەرىنىڭ ۇيىمداستىرۋشىسى ءارى جۇرگىزۋشىسى مىندەتتەرىن ءمىنسىز اتقارعان.